زوجك مطفشك وراعي حركات ومغازلجي تعالي بقولك سر

هلاوغلا فيكم ...
بدخل بالموضوع وودي نسأل انفسنا
ليش الزوج يحب العشيقة أكثر من زوجته ؟؟؟
صح مو مبرر له انه يقع بالحرام ..
لكن لازم نفكر احنا بعد بأشياء مهمه:
خلونا نقارن :
العشيقة
لسان حلو ورقة ودلال ودلع
الزوجة
تعبيسه ولسان طويل
العشيقة
جنس وجنون واغراء وتقبل لكل الرغبات
الزوجة
ملل وتأفف ورفض بالمرة احيانا
العشيقة
رقص وتمايل واغراء
الزوجة
تحكم عقلها اكثر وتاخذها عزة النفس وتقول : يخسى ارقص له ليش رقاصه عنده
العشيقه
تبدع في الحركات والافكار الرومانسية كالمساج والليالي العامرة
الزوجة
روتين ممل ...وكل يوم نفس الشكل
العشيقة
تفرض نفسها على الحبيب وتطلب رغباتها
الزوجة
هههتقول وين بايعه نفسي اطلب منه والله لو ايش مااطلب
على فكرة الزوج يموت وينجن اذا طلبتي منه الجنس بس طبعا مودايم مرة بالنادر
العشيقة
اذا جاء تحسسه انه كل شي وتتفرغ له وتخدم له
الزوجة
لاهية مع البزارين ..والاعمال المنزلية تقول لاحقين عليه
على فكرة :خالتي مرة تنصحنا تقول اذا جاء زوجك خلاص اتركي كل شي بيدك لوماتسوينه الاباليوم الثاني
بس ماشاء الله هي وزوجها كنهم مراهقين مع انها كبيرة
العشيقه
تشجعه على الخروج من احزانه ومشاكله
الزوجه
تزيد همه هم وتمطر عليه بسيل من المشاكل مع العيال ونفسها وقرايبها صح لازم يكون معاك بس بعد لازم تختارين الوقت المناسب للفضفضة ووقت ماتشوفينه مو رايق لاتفتحين معه مواضيع ابدا
اشياء كثيرة وكثيرة بس هذا اللي يحظرني الآن ...
عارفه الموضوع ينرفز ...وبتقولون لونعطيهم عيوننا مارضوا لكن بقولكم اذا احتسبنا الاجر في كل عمل نسويه
والله راح ننبسط وش اكثر من ان ربي يرضى علينا ...وتملين عينه بالحلال احسن من ان يملاها بالحرام او تضطرينه له يالله تحرري من قيودك وشوفي نفسك واتلحلحي يابنت ...
اتمنى الموضوع يفيدكم ...
نسائم