زوجك يعطي امه مصروف شهري

بسم الله الرحمن الرحيم ..
اللي مافيه خير بأهله مافيه خير بالناس ..
لو يعطيها المصروف كله .. هذي أمه ,, هي اللي ربته وتعبت عليه ..
وهي اللي اختارتك زوجه له ..
وهي اللي أعطت وضحت ومرضت وشالت وسهرت ..
لو يشيلها على ظهره ماراح يوفيها رفسه من رفساتها ..
ولاتحطين راسك براس امه .. انتي زوجة .. وهي أم ..
لو يجيكِ أكلك وشربك وكسوتك .. كفاية .. احمدي ربك ..
البيت هو اللي يكمله .. مو انتي
حتى لو ماصرفت امه الفلوس .. مالكم دخل وين توديها والا وين تصرفها ..
وش فايدة انه يعطيها فلوس عشان يجي بعد مدة يقولها وين راحت الفلوس اللي اعطيتك اياها .. كل شيء الا المنة .. الله يغنيها عنكم ..
واحنا كلنا معشر النساء .. صرفياتنا كثيره مهما كبرت مهما ومهما ومهما ..
تحتاج فلوس تكون بجيبها محد يسالها ويحاسبها ..
ويمكن تجمعها وتشتري هدايا وحلاوات لعيالك ..
يعني انتي مستخسره الألف ريال .. خله يعطيها الف وترضى عليه وربي يوفقه معك ويوفقه بحياته ..
وربي رضى الوالدين مايشترى بالذهب ..
ورضى الله من رضى الوالدين ..
تعوذي من ابليس .. وخله يعطيها .. ولاتتدخلين بين الولد وأمه ..
وكوني محضر خير .. ولاتفرقين او تسببين مشاكل ..
اللهم اني أسألك العفو والعافية .. والمعافاة الدائمة
{ }