زوجه زعلها زوجها وخلته يبوس يدها بطريقته العجيبه

ذكاء حرمه زعلها زوجها وخلته وبالقوه يبوس ايدها وراساه ادخلي و شوفي منتي خسرانه شي
نقلتها من احدالاخوات في منتدى آخر ربي يجزاها خير ويسخر لها
والله يابنات حسيت روحي صرت حرمه فاهمه وعاقل
على عكس قبل كنت مااقدر اسيطر على اعصابي ودايما لساني وعصبيتي تغلبني وبالتالي كلشي ينقلب ضدي
فلبدايه كنت زهقانه وايد لان زوجي صار له فتره مشغول واايد وماعنده وقت حتى يجلس معاي اف
يوم الاربعاء خبرني ان الخميس فاضي ياسلام
اتفقنا نطلع ليلة الجمعه نروح مطعم ولا اي مكان بس قال لي مابنطول برا قلت مو مشكله
يوم الخميس كنت متشققه لان بنطلع وقاعده ارتب للطلعه ماتغديت ثقيل على اساس اتعشى براحتي
واتصلت لامي عشان اصرف ولدي ههه
جهزت عباتي وقررت شنو بلبس
وكويت لزوجي ثياب
على المغرب كنت جاهزه مو باقي اله اتصال منه عشان البس
جاني الاتصال
اسف حبيبتي مابنقدر نطلع الربع متصلين لي واصرو علي نتعشى مع بعض !!!!!! <<<اختكم صارت جذي
قلت له بكل برود وعلى غير عوايدي خ اوك حبيبي خذ راحتك
فكرت في طريقه احسسه بالندم واحسسه اني كنت محتاجه هل طلعه ومحتاجه اكون معاه
قمت ودخلت المطبخ وسويت كيك وحلا عل سريع وجهزة دلة القهوه والشاي
اتصلت لاخو زوجي الصغير قلت له تعال فوق ابيك
لمى جه عطيته الاغراض قلت له ودهم الديوانيه الي يقعد فيها اخوك <<يعني زوجي
وكتبت فكارت صغير << حبيبي ابيك تستانس مع ربعك واتذوقهم شغل زوجتك
ونهاية الكرت ((( استانس بوقتك احبك ..))) حطيته بضرف وقلت لاخو زوجي يعطيه هل كرت بدون محد يشوف
سويت عشاي وتعشيت مع ولدي وقعدنا نطالع تلفزيون حسيت بلتعب عل ساعه 11 وكان زوجي للحين مارجع
رحت نمت مع ولدي قعدت الصبح من النوم
كان يوم الجمعه اجازه لقيت زوجي مو جمبي وولدي مو بسريره بس تدرون شنو لقيت جمبي
ورده وبطاقه مكتوب فيهى حبيبتي اليوم عازمك على غدى فلمطعم الي تحبين اكله وبعدهى راح نروح الملاهي انه وياج بدون الولد
شوي واله زوجي داخل علي يقول لي حياتي مبرز الفطور حابه تتفطرين معاي؟
سالته وين الولد قال وديته عند امج ووديت كامل اغراضه وقلت لهى تخليه ينام عندهم الليله
زين بعد الفطور طلعنه رحنه المطعم وجلسنه نسولف ساعتين لو ثلاث وبعدهى رحنى الملاهي واستانست وايد
عل مغرب رجعنى البيت قال بيروح يصلي بلمسجد وانه كنت بلبيت
رجع من الصلاه يقول لي شيلي لي بدلتين وبجامه فشنطه وشيلي لنفسج ملابس بعد !!!!!!!!
تتوقعون ليش ؟
يقول عازمج اليله في فندق نقضي فيه ليله حلوه ونغير جو
ياي ماتوقعت الكيكه والحلا الي ماكلف من وقتي اكثر من ساعه بتسوي فيه كل هذا وناسه من قلب
بلفندق باس راسي ويدي قال لي سامحيني ندمان على الي صار امس ماتوقعت انج تفضلين راحتي على راحتج هلكثر
وتوته توته خلصت الحدوته ....
منقول
((دعواتكم ربي يوفقني ويسخرلي زوجي ويصرفه عن التدخين ويرزقني الذريه الصالحه))