زوجه مه وقف التنفيذ ارجووكم ابي حل تعبت خلاص

1. السلام عليكم ورحمه الله وبركاته

السلام عليكم ورحمه الله وبركاته

اتمنى تساعدوني اخواتي وتعطوني حل وربي تعبت من العيشه الي انا عايشتها مو عارفه وش اسوي ولمن اشكي خايفه
انا عندي اخت وحيده وتوفت ( الله يرحمها ) من سنتين وتركت لنا ست اطفال اكبر وحده عمرها تسع سنوات واصغر واحد ست شهور بعد وفاتها عاشوا عيالها معانا وربيناهم انا وامي وتعلقوا فينا كثير ويعتبروني مثل امهم وما ينادوني الا يمه وبعد وفاه اختي بسنه ونص قرر زوجها يتزوجني عشان عيالها انا رفضت ما ابيه واهلي غصبوني اني اتزوجه رفضت وحاولت انتحر وسويت كل شي بس ما في امل يغيرون رايهم يقولون لي عشان عيال اختك اذا تزوج زوجها وحده غيرك ما راح تتحملهم ويمكن تعذبهم ما في وحده تتحمل وتربي عيال غيرها وهم سته مو واحد ولا اثنين المهم تزوجته غصب عني وبعد زواجي ما شفت الا الذل الأهانه والضرب في ليله الزواج رحنا الفندق وراح نام في غرفه وخلاني انام في غرفه لحالي ويوم ثاني لبست لبس اي عروسه تلبسه قالي لا هذا البس ما تلبسينه وداني السوق وشرالي ملابس وسيعه وكم طويل وجلابيات ورحنا المنطقه الي ساكن فيها وخلاني انام لحالي في غرفه ما فيها اي اثاث مجرد فراش بس مخليها لبناته اذا جو هم يختارون لهم غرفه على ذوقهم انا قلت له اخاف قالي انا موجود في البيت لا تخافين وربي طول الليل ما نمت من الخوف جلسنا تقريبا اسبوع على هذا الحال انام لحالي وما يتكلم معاي وبعدين راح جاب العيال قلت يمكن يتغير اذا جاو بس ما في اي تغيير جلس يعطيني اوامر وقالي اطبخ للعيال اي شي يبونه وما اقصر معاهم بشي وهو ما احسبه لانه ما راح يأكل من اي شي اسويه اكله كله من المطاعم وحتى ملابسه ما اغسلهم يوديهم المغسله وقلت له ليه ما اغسلهم لك قالي العيال وتربيتهم كفايه عليش وحتى غرفه النوم ما يخليني ادخل فيها اذا جا يطلع يغفلها واذا يبيني انظفها يكون هو موجود ما يحب حتى يناظر في وجهي مره جاو اهله لنا اضطر اني انام معاه في الغرفه والله خلاني انام على الارض فرش لي بطانيه عشان ما يحسون بشي وبناته الله يحفظهم يقولون لي ليش ما تنامين مع ابوي في غرفته مثل امي انتي خلاص صرتي مثل امي وانا ما عرفت وش ارد عليهم وقلت لهم عشان حمودي صغير وفي الليل يبكي ويزعج بابا اذا كبر انام معاه وفوق هذا كله ما يبيني اصارخ عليهم واذا اي واحد يصير فيه شي يحط السبب علي حتى لو يمرضون يقول انا السبب ويضربني بدون سبب البارح عصبت وضربت ولده ضرب خفف والله بس نام ضربني ليش اضربه ويسبني طبعا اذا ناموا العيال عشان ما يحسون بشي واذا قلت له تزوجتني يقول عشان العيال ( والله حتى لو اني شغاله ما يعاملني هذي المعامله انام على الارض اغراضي حاطتهم في شنطه حتى دولاب ما عندي )
صبرت عشان العيال ست شهور من تزوجت بس الحين خلاص ما عندي صبر احس اني اكرره ابي حل وش اسوي في مشكلتي
آآآآآآآآآه انحرمت كان ودي اعيش مثل اي بنت تلبس الفستان الابيض وتنزف لزوجها وتعيش بسعاده معاه كلا من اهلي الله يسامحهم
ارجوكم لا تبخلون علي بحل خلاص تعبت