زوجي السامج وحبيبي صاحب العطر

1. بسم الله الرحمن الرحيم

بسم الله الرحمن الرحيم

انا عضوة حديدة واتمنى ان تتفاعلوا مع قصتي الغريبة نوعا ما)واسال الله لي ولكم الثبات ع دينه احكيها لكم للعبرة والعظة )بلاني الله بزوج ضعيف الشخصية وماتطلع رجولته الا علي,حاولت معه بكل الطرق ان يحسن المعاملة معي ولكن بلاجدوى كرهت حياتي بسببه والله ان في ايام اتمنى الموت فيهالكن الشكوى لله تعبت من حياتي اصبحت كئيبة وكل هذابسببه طبعاكثرت مشاكلنا اكثربعدماجبت ولدي الاول وكانت النهاية طلاق ع الصبح ووداني عنداهلي وقتها ماذقت النوم وبسخافته راح يرسل رسايل للناس انه طلقني كانه يبشرالخلق بطلاقي, وبعداسبوعين رجعني لكن انا مارجعت له الابعد3شهوروبشرووط ولكن بلافائدة استهان فيني اكثرلان ماعندي اخوان يوقوفون بوجهه كلن لاهي بدنياه حسبي الله ونعم الوكيل عليهم هم سبب دمارحياتي , المهم كانت الوالدة واقفة معي لاخرلحظة وتعبت مني ومنه وصارت تدعي علي ان الله يفرق شملنا ,كنت شايله هم ولدي لانه يهددني باخذه مني وانتم تعرفون قلب الام مايقوى ع فراق ولدها يستخدم ولدي كسلاح يهددني فيه آآآآه والله اني عشت بين عالمه وعالم اهله بذل واهانة وفوق كذا مالقيت الاجحودونكران "من كثرماكنت اتعب منهم صرت اقفل ع نفسي بالغرفة وابكي الى اليوم الثاني ويشهدعلي الله ولا لي حيله الاالبكا والصلاة باخرالليل ان الله يفكني منهم ياناس ياعالم صدقوني تعبت نفسيا وجسديا وماذقت طعم الهنا بوجودهم استقبلت اخوه واخته في بيتي وفوق كذا يجي يقولي غصب عنك تخدمين اهلي انا موجابرني ع العيشه معهم الاعشان ولدي وليته نفع حملت بولد\ي الثاني وتوحمت عليه صرت اكره بزيادة ترجيته انا نغيرجونسافرنتمشى كان يتححج باهله حسبي الله ونعم الوكيل "وقررت اجلس عندي اهلي وانا حامل في الشهرالاخيرنظرا لحالتي النفسية اللي هم سببها,وفعلا جلست بموافقته وفجأة تراجع عن كلامه وصاريخانقني لاتفه الاسباب وقالي لي بصريح العبارة لاترجعين لبيتك"هنا تفاجأت وبكيت غصب عني قدام اهلي وبعدها امي كلمته وكذبني وصاريحلف اني كذيت عليهم"الشكوى لله المشكلة انه مطوع وتوظف فترة في الهيئة بصراحة صرت انا واخواتي نكره شي اسمه مطوع وكل هذابسببه؛المهم بعدمشاكل لاتعدولاتحصى ووبنشره لااسرارالبيت حتى اسرارالنوم يقولها للخلق ياويله من عذاب ربي فاجأني بانه خطب بنت متوظفة اكبرمنه :هنا انجيت وسوست وتعبت نفسيا لكن املي بالله كبيروقررت ارحع بعدولادتي ب7شهورلبيتي ورحمة من ربي ان زواجه تاخرلانه ماكان متوظف والله ولايملك ولاريال وتسلف من الخلق عشان يتزوج ورجعت له بشرووط لانه كان يترجاني اني ارجع ويقولي ان هذا حقه الشرعي فعلارب ضارة نافعة خمدت مشاكلنا فترة لانه كان كثيرالمشاكل مه زوجته وهذا كان جزاؤه اللهم لاشماتة واللي صارفيني بعدزواجه ان شالله مايصيرلكن لاني عانيت ومشكلتي اكتم واسمع كلام يجرحني واسكت لله حسبي الله ونعم الوكيل المهم تزوج ومانكرجميله صارخلووق معي لدرجة ماتتصورونها بحكم انه كثيرالمشاكل وكان دائما يلجالي في مشاكله لانه ماعلى لسانه سدالله لايبلانا ويكفيني شرغيبته هدأت الامورمابيني وبينه الاان اتى اليوم الذي قررت الابتعاد وهذه اكبرمصيبة بالنسبة لي من انسان عديم الغيرة وانسان بلامشاعرلاحظت بين فترة وفترة يمدح صديقه في العمل ومن توقعاتي انه كان يمدحني عندصديقه فاعجب صديقه فيني وياليتني لم اعرفه كان دائم يقول لي زوجي السامج هذا مثل اخوك مرة من المرات جاءصديقه زيارة للبيت وكانت ريحته عطره فايحة في البيت انا طبعا عن حسن نية قلت له اساله وش اسم عطره لاني والله فعلا بهديه لزوجي السامج السفيه مايستاهل وقاله وباصرارعرف انو انا اللي طلبت اسم العطر وجابه لي هدية هنا احسست بخوف وبعدت نفسي عنه لكن قدرة الله فوق كل شي وحفاظا ع سره مااقدراقولكم عن اسرار صاحب العطرلانه اوفى واطهرمخلووق ع وجه الارض حبيته بجنون والسبب زوجي اعطاني رقمه وصارت علاقة حب مابيني وبينه فقط بحدود ولكن الان تركنا بعض حفاظا ع اسرته واسرتي لكن سيبقى هوالوحيداللي سكن قلبي وغارعلي اكثرمن زوجي وكان يخاف علي اكثرمن انه يخاف ع نفسه احسست بحنانه معه الحياة اجمل ولكن خوفامن الله وحفاظا ع سمعتي وحفاظا ع سمعة اولادي قررت الانسحاب من حياته وكان هوخيرمعين لي والان انا جالسة في بيت اهلي طالبة الطلاق من زوجي لانه اوقعني في مشاكل كثيرة موعشان اتزوج غيره لاوالله كرهت كل الرجال من بعده وفكرت بتربية اولادي ع الدين وقررت ادخل تحفيظ قران اشغل نفسي بطاعة ربي اتمنى من الله ان يغفرذنوبي ويثبتني ع الدين ياررب" واتمنى انكم ماتنسوني من دعواتكم اختكم في الله (الجود والوجود)