محتاجه مشورة زوجه زوجها يطيعها

السلام عليكم ورحمة الله وبركاته
اخواتي في الله انا سالفتي طويله لها عشر سنوات اعاني معاناة من زوجي .......
محتاجه مشورتكم في قصتي ابقولك صفات زوجي
اناني مايحب الا راحة نفسه
غيور لدرجه الشكوك
متسلط
عدم تحمل المسئوليه
مهمل غي حقوقي
معقد في قراراته
تفكيره ضد المرأه بنظره الحرمه مكانها البيت ماتطلع الا في الاعياد ومناسبه لقرايب من جهته او من جهتي
مو رومانسي
حياتي معه جحيم والله مااكدب اموت باليوم الف موته لاتقولون تطلقي روحي لااهلك وش اللي مصبرك
مااقدر لظروف غصب عني
حياه معه لاحب بيننا
لاتفاهم نتفاهم اليوم وبعد شوي مختلفين احس اني اعيش مع انسان له شخصيتين طبعا الشر هو الطاغي عليها
لا رحمه
لاسعاده
طبعا عندي طفلين الله يخليهم لي
لكل رجل له نقطة ظعف الا هالانسان كل شي جربته معه مانفع
حرمني من احب الاماكن الى قلبي الرياض قلت معلش يابنت اصبري السعاده مو بالمكان السعاده حنا اللي نصنعها
نقلنا وتوقعت تتغير الحياه وبيحس بالمسئوليه دا خف ظغط الدوام عنه الا زاد وصار العن والعن
يهددني بالطلاق ادا مانفدنا طلباته طبعا انا اعمل نفسي قويه وكأني مايهمني تهديده واطنش
لكن بداخلي عدم استقرار نفسي تعبت معاه اهلي تدخلوا اكثر من مره لكن هو لاحياة لمن تنادي
يتغير يم يومين ويرجع لحالته الشريره
اخر موقف قال لازم نزور اهلي قلت انا مااقد اسمحلي ابحضر ززواج قريبه لي وخله مره ثانيه على ان اهله من فتره بسيطه زايرينهم فسكت واقتنع بعد ساعه سوى صجه ومشكله على هالسالفه
سكت قلت خلاص بلاش من هالزواج ومو رايحه طبعا ماابغى اروح لااهله وانا نفسيتي تعبانه
هو طلع من البت راح الاستراحه وبعد ساعه دقق علي قال جهزي اغراضكك ابنزلك عند اهلك تحضرين معهم الزواج قلت اوكي
وبعد مانزلت عند اهلي بيومين طبعا هو راخ لااهله وبعدها راح لدوامه استلامات باليومين والثلاثه
المهم دق على جوالي ينبش باالسالفه ويدور على مشكله جديده ويعاير يقولي من حلاة هالوجهه مع اني اجمل منه مليون بس ورب ماهمني كلامه لاني واثقه بنفسي رديت عليه وقلت خلاص روح دو على اللي حلى من وجهي رد علي قال هدا هو مقابلني الاحلى منك بالله وش تفسرون كلامه متزوج علي لا مااعتقد لانه هو لو يبغى هالشي يسويه علني
خيانه لا مااعتقد لانه منن النوع الخواف يخاف ربي يبتليه بااهله
المهم لي الحين عند اهلي اسبوع مافكر يرجعنا لبيتنا
وهدي مو اول مره كثير ينزلنا ويروح يدوج ويجينا لاشبع من الدوجه حقته
وياليته ادا رجعنا لبيتنا نعيش حياه طبيعيه مثل الناس لا مشاكل وادا طلب منه طلب نروح اقضي بعض اشغالي يرفض او ف والله قاهرني
اخواتي انا والله انا ماقللت لكم الا الشي القليل من تصرفاته
ابغى وحده حكيمه برايها استشيرها بحياتي ابغى وحده حاطه زوجهها خاتم بااصبعها ويطيعها لاتقولون مافيه والله اشوف ناس كثير حولي حياتهم ماشيه صح الا انا ياربي رحمتك
وطالبتكم انكم تدعوون لي ببالفرج القريب معه والوظيفه الرسميه