زوجي العزيز وانا واهلى

السلام عليكم احبتي في الله
اتمنى انكم تكونو بصحة وسلام
مشكلتى اخ ازلية من يوم تزوجت وانا في مشاكل
مع امي وابوي وزوجي
يارب لك الحمد
المشكلة مافي سبب ابد
زوجي يعاملهم بطيب واحترام وخير
بس للاسف اهلى العكس
اهلي شبعانين مررة ورزقهم ربي بخير ونعمة ولله الحمد
وشايفين نفسهم على زوجي وعلي بعد
مادري ليه علي مع اني بنتهم والله يابنات اني احيانا ابكي لمن اتذكر خير اهلي
يروح لحريم اخوانى ولعيالهم <مو حسد لا والله بالعكس <
مع انه حريمهم لا اخلاق ولا حشيمة ولا شي
ولا يقدرون اهلى ولا يحترمونهم وكل يوم مشاكل منهم ومن عيالهم
وانا زوجي لاننا طيبين مع اهلي والله ماكان زوجي الا ولدهم يبر فيهم بشكل فظيع
احسن من اخوانى وعيالهم
طيب وش اسوي الحين مع زوجي اللي زعلالالان مرة من اهلي ومن تصرفاتهم؟؟؟
اه كل يوم تكبر المشكلة وكل يوم يكتشف زوجي شي جديد
من اهلي يرفع ضغطه ويصير عصبي مرة ومن ايش من اهلي
قال لي خلالالالالاص اقطعي علاقتك بيهم انسي ان عندك اهل انسي مرة
المشكله يااخواتى انهم امي وابوي الله يهديهم بس
يتصرفون كان زوجي انسان مايسوى وانهم هم الكل بالكل
ترا هذا راي زوجي وانا دايما ضده :::
لاتقولين ليش وش اسوي هذولي اهلي وهاا زوجي
يعني صعب مرة
ياربي مادري وش اسوي صاير زوجي عصبي ومايكلمنى ولا ينام معايا
ويسب ويشتم في ابوي وامي قدام بناتي وولدي
واخرها قال ماراح تشوفينهم الا لمن يجيكي خبر وفاتهم ؟؟؟؟؟
استغفر الله العظيم ياربي \
اهلي الى وقتكم ذا ما يكلموني ولا يسالون عنى ابد
ولمن اكلمهم بدون نفس مايسالون عن احوالي ولا عن عيالي
ولا انتى محتاجة يابنتى ولا ناقصك شي
اسال عنهم ولطمن عليهم بس من دون مايدري زوجي
من باب بر الوالدين والخوف من ربي
مادري وش اسوي محتارة انا بين نارين ؟؟؟؟
نار زوجي واهلي الله يصلحهم بس ...ويفكون هالعناد وشوفة النفس
المشكلة اننا مانقدر حتى انى اطلب ابوي بمال او مساعدة
لان العلاقة بينهم مبتورة
وابوي دايما يقول ماني مسؤؤل عنك عندك زوج يصرف عليكم انا ماني فاتح
بيتى لكم عشان اضيفكم ؟؟؟؟؟
الله يعيني ويساعدني بس...
دعيت ربي انه يفرج همي ويحنن قلب امي وابوي علي
يارب بها اليوم انك تحنن قلوبهم علينا ...
وتدخل الحب والمودة بيننا ..
وتخلينا سمن وعسل وتحببهم لزوجي
والله ان بيتي بيدمر بسبة هالمشاكل
مو راضية تنحل ابد
تكفون بنات ابي منكم المساعدة تكفون
هل انا غلطانة باني ازعل من اهلي عشان زوجي
طيب اهلي ليش كا يعاملونا انا وعيالي ليش نفسي افهم ؟؟؟؟
معليش انا حابة افتح قلبي لكم لعلي القى عندكم الحل
يارب تفرج همي يارب
انتظر منكن تفاعلكم يااعزائي
والسلام عليكم ورحمة الله وبركاته