زوجي المصون المحترم يتابع الأفلام الخليعة

1. السلام عليكم ورحمة الله وبركاته..


2. اكتب لكم هذا الموضوع بكل غصه في داخلي احس نفسي مخنوقه

السلام عليكم ورحمة الله وبركاته..

اكتب لكم هذا الموضوع بكل غصه في داخلي احس نفسي مخنوقه

المشكله من زوجي زوجي اغلب لحيان مشاكل على اتفه الأمور منه ويزعل مني على اتفه الأسباب وعلى اقل شي قال بطلقك تعبت منه ومن فعايله والله جلست معه وكلمته اكثر من مره وتناقشت وياه ولا فيه فايده وزود هذاا كله صار له كم يوم مايكلمني على حساب اني عاتبته ليش مايوصلني هو بنفسه للأماكن اللي انا ابيها ليش تقولي خلي اخوانك يودونك وماتبيني اركب مع سواق مو مشكله بس اخوتي ماهم مسؤولين عني ..اغلب لحيان يزعل بفترات طويله ولايكلمني وكأنه عنده شي بديل عني تعبت منه كل يوم والله اظل برووحي بالشقه وهو ينزل تحت وياخذ لاب توبه معي بحجة انه بشيش وهو يشووف افلام وانا افتش جهازه واشوف المحفوظات المواقع اللي دخلها كلها مواقع وسخه تعبت والله وكلمته مليون مره عشان يترك هالشي ومافيه شي ملهينه عني غير هالأفلام تعبت منه ولا انا عارفه ايش اسوي وياه لو بقيت وياه بموت بحرقة قلبي ولو تطلقت حرام ولدي لسه صغير وعمره اربع اشهر كآن يحبني ويموت فيني والحين مدري وش صار فيه يبخل علي حتى بكلمة حلوه ..اجهز له الغداء من الليل والله بس عشان يجي وغذاه جاهز رغم انه مو هو الا يطلب مني هالشي انا من نفسي ويوم ماكلمني جايب له اكل بروحه حتى ماقالي تفضلي مو عشاني ابي آكل بس انا بديته على نفسي والله والله اتعب عشانه ارتب عشانه اسوي كل شي عشانه لاحد يقول لي البسي اكشخي ترا والله البس وكشخ بس ماصار زي قبل ولاعدت اغريه زي قبل صار يشوفني عادي مو مثل اول قبل لو احط بس روج الفت انتباهه الحين لو احط روج يشوفني ولا كني متغيره وش اسوي وياه والله ضاق خلقي الحين انا وهوو في الشقه مع بعض بس كل واحد ينام بمكان انا والبيبي بالغرفه وهو بالصالة وانا تنازلت له كثير وكنت اطلب رضاه لكن هالمره مصره اني ماكلمه لني كلمته مليون مره وفهمته وانه ابيه لي وابي يفضى لي ويعطيني من وقته انا والبيبي بس للأسف من غير جدوى ................ قلبي يحترق في الدقيقه الف مره عجزت والله تعبت من هالرجال