زوجي اناني ويحب نفسوا

1. بس استغفر ربي واصلي

السلام عليكم ورحمة الله وبركاته
كيفكم يا فرشات ان شاء الله كل وحدة فيكم ربنا يسخرلها زوجها ويسعدها في حياتها
بنات انا والله ما جيتكم الا لانو مضايقه ومخنوقه وحالتي والله صعبه ماعندي احد اتكلم معاه ولا اقولو ولوا قلت لي امي حتقلق عليا وتشيل هم لانو انا في غربه ومالي غيركم محتاجه مساعدتكم
انا يا بنات زوجي اناني فوق ما تتصوروا هموا نفسوا وخلاص وانا اطق راسي بجدار عادي
تصوروا بنات لا يخرجني ولا يوديني ولا يجبيني جالسه محبوسه في البيت ولو خرجني روحت اقضي اشياء لي البيت ولا حاجه يفضل معصب وبس يخاصم واوف ويلا خلصي ومن دا الكلام
وانا لمن اكلموا ويكون برة مع اصحابوا يطلع ويروح واحيانن يزاكروا برة في كافي ولا شي اسمعو مبسوط ويضحك واخر حلاوه وانا لمن نخرج نزاكر سوا في كافي بس ينكد عليا ويخليني ما اعرف لا ازاكر ولا شي سرت اكرهه الخرجه معاه
وغير كدة اللي قاهرني هوا ايام الخطبه ماكان كدة ابدن ... تخيلوا لو جاتو اجازه 3 اسابيع ولا شي يجي السعوديه يجلس كل المدة دي معايه ولا يروح لي اهلوا الا وقت النوم
انا مستغربه مره من اسلوبو فجئه كدة انقلب
غير كدة ساير مره احساسو بارد اتجاهي ومره مافي اي مشاعر ولا بسمع منو ولا كلمه ... اول زواجنا ما كان كدة ابدن دحين مره اتغير والله يا بنات اشتهي اسمع كلمه حلوه
بنات انا عايشه برة ولمن اخرج ولا في جامعتي اشوف العيال مع البنات كيف يحبو بعض ويدلعها وكل شي
افكر بيني وبين نفسي طيب ياربي دولا اللي بالحرام ومره مبسوطين
طب انا زوجي اللي بالحلال حراامني من كل شي اشتهي يكلمني يسمعني كلام يرسلي رسايل حلوه
مره من بعد زواجنا انحرمت من دا كلو والله احيانن الشيطان يلعب في عقلي وبفكر اطلق

بس استغفر ربي واصلي

بعدين يافرشات انا عندي مشكله مضايقتني مره .. لو سمحتوا البنات يطلعوا برة
بنات انا زوجي لمن يبغاني ما يختار وقت احيانن اكون بزاكر ولا مشغوله في اي حاجه واحياان الوحدة تعرفوا تكون مهي مستعدة نفسيا ويطلبني والله ما ارفضوا وفوق دا كلو يخليني انا اعملوا كل شي وانا مره ما يعملي ولا شي ويخلص وخلاص ما يهمو انا انبسط المهم نفسو وخلاص
ولمن انا اجي اكون متجهزتلوا وكل شي يقولي ما ابغى ويبعدني حتى لو حطيت يدي على كتفو يشيليها كدة يرميها كانو بيضارب مع احد يارب تكونو فهمتوني
والله يا بنات انقهر وتعرفي الاحساس السيء اللي يجيكي لمن تكوني متجهزة وكل شي ويدفك ويديكي ظهروا وينام
والله مرات احس نفسي كاني حيوانه عندوا خلاص ينبسط ويسيبني وما يهمو مشاعري ولا انوو يدلعني ولا شي مع انو في شهر العسل وتقريبا اول 3 شهور ماكنا كدة ابدن
لدرجة انا كنت جالسه في بيت اهلي ومرة اخويا لاحظتني انو كل شويه اخد شاور وطبعن العلامات اللي تكون في رقبتي سارت تقولي ايش دا انتي زووجك مرره شهوتوا زايدة كيف متحملتوا ... دحين مره انقلب عليا والله
بنات سامحوني على الكلام بس والله مره مضايقه ومحتاجة اتكلم وافضفض علي في نقسي وابغى حل