زوجي اه اه اه تكفون ارشدوني

1. انا يابنات ان شاء الله قريب بكمل سنتين زوج طيب


2. في المقابل شوفو هو كيف يعاملني

السلام عليكم ورحمة الله وبركاته
اولا مبروك عليكم شهر رمضان الله يجعلنا من صوامه و قوامه ويعتقنا من النار في هذا الشهر الفضيل
خواتي ابحكيلكم عن اطباع زوجي وهل انا علي حق او لا لأني تعبت منه مره مره مره

انا يابنات ان شاء الله قريب بكمل سنتين زوج طيب

زوجي يابنات يبيني ادلعه يعني لما يكون تعبان مثلا يبيني انا افتح له العلاج واعطيه لما يدخل البيت يبيني اهلي وارحب غير كذا ولما كنت موظفه بقطاع اهلي كان يبيني اساعده براتبي وكان ينق نق على الراتب لحد ما تركت الوظيفه وارتحت نسيباً من الموضوع مع انه لحد الان يسالني عن راتبي
يعني بالعربي يبغاني اخدمه وامسج جسمه وادلكه واسويله كل شي يبغاه وغير كذا يبيني اخدم اهله واروح مع امه وين ماتروح
طيب

في المقابل شوفو هو كيف يعاملني

يقول انه يحبني بس انا ما اشوف هذا الحب الي يقول عنه لأني لما اطلبه اي شي يا انه يقول ما معي فلوس او طيب ولا اشوف شي او انه يلبيه لي وهذا قليل جدا مثل انا احتاج مكيف ومن سكنت البيت وانا اطلبه وهو يقول طيب ولا شفته لحد اليوم والحين رمضان بيدخل علينا وشوفو الحر كيف وحنا صايمين
ومع ذالك قبل فتره اكتشفت انه مشتري مكيفين لهله ونا لا مثال اخر جوالي تصدر الفاتوره وينفصل ومايتسدد غير بعد حنه ورنه وإذا قلتله اهلي بيسددونه يزعل وايضاً لو اطلبه اروح ازور اهلي يرفض وتقريباًما اروح الا مره في الاسبوع ويجنني علي هذي الروح واهلي بيتهم قريب
واشياء كثيره محتاجتها مايوفرها لي بغض النظر عن الاكل والشرب مايقصر فيها بس الاشياء الثانيه لا
فكيف يابنات يبغاني ادلعه وانا ما اشوف منه حاجه
لا تقولون سويله وهو بيتعدل لا انا اعرفه هو اهم ما عليه اهله حتى مره يقول بري بأمي
بنات الي اباه منكم هل انا علي حق لأني تعبت منه
وكيف الطريقه الي اتعامل معه انتم خواتي اعتبروني اختكم وتكفون بدون تجريح لاني اكتبلكم وانا ابكي