زوجي بيطلقني

شوفي ياغلا
اذا قالك زوجك شي كتبيه في ورقة وقبل لاتنامين اقريه وحفضيه
عشان يركز في مخك
ثاني شي حاولي ماتكلمينه كثير في هالفتره عشان تعودين نفسك على نصايحه
وتعرفين اشلون تتحكمين في تصرفاتك وماتزعلينه

انا من رايي انك ماتصلحين له لانك لو جلستي ع هالحال راح تتطلقين
وربي يسخركم لبعض

الله يكون في عونه شكلك رافعه ضغطه
شوفي حبيبتي في اشياء من البديهي الحرمه تسويها انها تصحي زوجها للدوام بس انتي الله يهديك شكلك تحبين النوم شوفي وقتي الجوال بالاشياء اللي يطلبها منك او خليها في النوته كل شوي اقريها او في مذكرة الجوال علشان ماتنسينها وقتي الجوال كل ساعه يدق علشان ماتنسين ومع الوقت راح يمشي الحال الله يوفقك ولايجيب الزعل بينكم يالحلوه

طيب قولي لأمك تصحيك عشان تصحينه الصباح
او اذا صحيتي لصلاة الفجر لا تنامين لحد ماتصحينه..
ترى مشكلتك جدآآ عاديه بس انتي صحصحي شوي
او اكتبي بورقه او اضبطي منبه الجوال

يعطيكم العافيه ان شاء الله بصير اكتب بورقه
مشكلتي مو بس اصحيه من النوم
لا مشكلتي كل شي يأمرني مااسويه المشكله اني عارفه بس وربي لاشعوريا
اسويه

الله يستر عليك وييسر أمرك
بس خير إن شاء الله ليش معطيته أكبر من حجمه
خير بيتحكم فيك وإنت عند أهلك
وش صحيني ما تصحيني
أن اقول مع السلامة هذا وأنتم ع البر يهدد وبطلق ومابطلق
هذا شافك ميته عليه قام يلعب بأعصابك
حاولي تكونين ثقيلة ورسمية بعض الشي
لا تتصلين كثير وإذا قال شي قولي أهلي يقولون كثرت الكالمات مو زينة وكذا
لا تخلينه يلعب بك ويتحكم بيك لين تفقدين شخصيتك وأحترامك لنفسك
والله لو أنا منك ماعاد أكلمه وأخليه لين نتزوج
وإذا فيه خير يطلق بنات الناس ماهم لعبه
أثقلي وخففي من المكالمات

شوفي يالغلا
اول شي ما راح اتكلم في علاقتكم ببعض
حاولي تغيرين في نفسك انتي
اقرأي اية الكرسي دايم قبل تنامين
اقري المعوذات
واظبي على قراءة سورة البقرة
اكثري من الاستغفار
وقولي له كلامك على عيني وراسي
حاولوا ما تزعلون عشان اي شي تافه
الحياة قدامكم والمشاكل بتزيد وتكبر لا تخلون حياتكم زعل
قولي له احبك ولا ودي ازعلك انت ساعدني لا تقعد تهددني بالطلاق
وأي شي يقوله لك زي ما قالوا البنات اكتبيه وخليه عندك في نوته
على القومه لما يقول صحيني .. ركبي المنبه كل يوم يدق من نفسه
ركبي جوالك يدق تذكير
قولي لأخواتك والا اهلك يصحونك عادي مافيها شي
بعدين قولي له ما تحب تشوفني مرتاحة والله راحت علي نومه وتدلعي عليه
لا تكذبين عليه بس مو كل شي تقولينه عشان يزعل

يعطيكم العافيه
كلامكم على عيني
ام ريماس ترى معاه حق
هو يقول اذا انتي بالبدايه انا اخر همك
لان هو مرره يهتم اي شي اقله يسويه العيب فيني
ساعدوني

بما ان زوجك يهتم معناة انومن النوع الرومنسي
واذا كان هو مايرفض لك طلب و مدلعنك اخر دلع ....
اقراي المعوذات على نفسك لايحسدونك البنات
ونتي داومي على مواقع الدلع و الدلال وسوي لزوجك لانك وقتها بتعيشين بجنة معاة
بس احذري ان كان زعول على اقل حاجة ترا هذي صفة مو حلوة لازم تنبهية عليها
ولا اذا كان كل اشوي يهددك بالطلاق ترا ذي بعد ماهي بزينة في حقك ...
و كلمية بهدؤؤء وبراءة ودلع انك مانتي متعودة على كذا و لساتك بنت و انك تحاولي تسوي كل اللي يرضية على قد مقدرتك ...
بعدين قولي لة
يافلان مثلا اسم الدلع او حبيبي او عمري يعني من الكلمات هاذي ممكن اطلب منك طلب ...
اذا قالك ابشري قوليلة ...انك تتضايقين حيل من كلمة الطلاق وان تكرار الكلمة يكون لها مردود سيء على حياتكم و كلمة الطلاق ماهي بسهلة و قوليلة اذا انت الاسباب الشكلية هاذي تبي الطلق علشانه اجل بعدين لو تزوجنا و طلعت المشاكل مابنقدر نعيش مع بعض انت لازم تكون واسع البال
و تصبر عليي لين ماتعلم و اتعود على الاشياء اللي انت تبيها مني
انا لو ماحبك كان قلت لك مابصحيك
بس شسوي متعاودة على الدلع ....و لسا مابعد اتحمل مسؤلية ..بس ان شالله علشانك بتغير ...
و انصحك نصيحة لوجة الله انك تراقبي كل تصرفات و كلام زوجك و اذا يكثر من كلمة الطلاق على اتفة الامور انصحك تخبري امك او احد فاهم من اهلك و تستشيرية لان اللي يهدد بالطلاق على اتفة الامور هذا شخص غير مسؤؤؤل و اناني
و اقل مشكلة تصير بينك و بينة مستقبلا بيطلقك فنصيحة انتبهي للموضوع قبل مايصير الزواج
ترا الزوج يتغير بعد الزواج يعني الدلع اللي تشوفية ايام الخطوبة راح يقل بعدين ...
طولت عليكي بس ان شالله اكون افدتك
والله يوفقك و يسخرلك زوجك
لاتنسيني بدعوة حلوة