زوجي ما ينصفني

السلام عليكم
يا اخواتي الحمدالله على نعمة الصحة والعافيه ولكني احس اني اشقى الناس
تزوجت من رجل عمره ماقال لي كلمه حلوه صحيح انه مايقول الفاظ نابيه اويرفع صوته ابدا
لكنه جاف جدا لو اولع له اصابعي العشر الشمع ما يشوفها شي ولا يشكر
وهذا اللي صاير انا محرومه من حنان الزوج وعطفه عمري ما حسيت انه خايف علي
كنت اظنه يحبني لكن مع الايام اكتشفت اني ما اعني له شي
بالعكس يستخف برأيي واذا قلت له عن حضوري في المناسبات واحاديثي مع الناس واعجاب اي احد فيني اشوفه ينقهر وقلت له اخر مره المفروض انك تنبسط مو تزعل ان زوجتك له حضور في المناسبات وتكون علاقات
مع العلم يا بنات اني من ساعه ماتزوجته انقطعت عن المناسبات إلا اذا كان مو ليلتي واحيانا اتحجج بأنه عندي وما اروح
كنت جايه من مناسبه البارح وهو طبعا ما كان عندي والمناسبه هاذي من ناس معارفه هو .
فقال انا ما احب اروح للعزايم لكن اروح مضطر مجامله قلت له انا بالعكس احب المناسبات
تعرفون وش قال ؟ قال ايه انتي (ترللي ) تعرفون معناتها يا بنات يعني خفيفه!!!!!!!!
سألته الحين الإجتماعي واللي يحب الناس في نظرك ترللي !!
المهم في الموضوع اني انا زوجه ثانيه لكن واضح جدا اني في الهامش عنده
والاولى يحسب لها الف حساب
مع العلم ان اي مناسبه لأصحابه المهمين يسويها عندي لآني اعمل ضيافه تواجه وتشرفه
عمره ما اثنى علي بالعكس يتجاهل كل شي ويقول ياحبك للمظاهر
طبعا يا بنات انا اكتب لكم شي قليل من الإحباط اللي احس فيه وخيبة الأمل
نفسي يوم يثني على شي فيني
انا والله يا بنات الف واحد يتمنى تكون عنده زوجه مثلي في اهتمامها في زوجها وبيتها ونفسهااذا جا عندي كاني عروس واعامله كأنه ملك شبيك لبيك
لكن هو مزاجي وتأثير كل شي يا دوب وقتي بس واذا شافني متعاطفه مع ظروفه يستغلها في انه يغيب عن ليلتي ويروحلها بأي عذر يعني كأنه يقول عني غشيمه
طيب مادام هو يحبها ليه تزوجني
ليه يا خذني ويعذبني بجفائه وعلله نفسيه
يا الله يا بنات والله ودي اطلب الطلاق لكن اللي جاي بيكون اسوأ منه
لكن بالله عليكم كيف اموت قلبي واخليه يشبع فيها من غير ما احس بالقهر والظلم