زوجي مايصلي

السلام عليكم ورحمة الله وبركاته
كيف الحال إن شاء الله طيبين ؟...
المهم أدخل في موضوع اللي متعبني من سنتين يعني من بداية زواجي
حبيباتي أنا متزوجة من سنتين ولله الحمد .. زوجي طيب القلب والحمد الله مو منقص عليه بشي
أكيد في صفاات حلوه وتعجبني كتير من كرم وحبه لي الظاهر وهذه نعمة بحد ذاتها نشكر ربنا عليها
لكن المشكلة اللي منغصه حياتي في زوجي صراحه عدة مشاكل وواجهتها وحليتها بطريقتي من اولها خيانته لي من فترة الخطوبة وأستمرت سنة ونصف طبعا قصة طويله لا داعي لذكرها هنا الا الان ما لاحظت عليه اي شي مثل ما وعدني ولله الحمد..
والمشكلة الثانية والأهم اللي مخليتني مأنام الليل من التفكير عدم صلاته مايصلي الا نادر طبعا ما أقول انه مايصلي نهائي لكن تجي عليه أوقات يصلي بعض الفرووض وايام ولا فرض والجمعة أيام يصليها وأيام لا...
في الايام العادية الفجر يصليه لما يصحى للدوام والظهر في الدوام لكن للاسف لما يرجع البيت ماأشوفه يصلي باقي الفرووض .. وفي الاجازاة ولا فرض مثل ماقلتلكم مو كل الايام نادر لام أشوفه يصلي..
وانا من صغري كان حلمي انه فارس احلامي مواظب على الصلاة وملتزم بعض الشيء اه بس
هذا مخليني في هواجس دايما لما يكبروا اولادي وانا حاليا ماعندي الا ولد بس بفكر لبعيد اذا كان هذا ابوهم فكيف في ابنائه..
وكيف ربنا يباركلنا ويحمينا ويحفظنا من كل شر وهذا حال زوجي..
راح تقولوا كلميه بطرق مباشرة او غير مباشره فهميه .. وانا اقولكم كم مرره كلمته ولمحتله ؛؛؛
مرتين كلمته مباشر وقلتله ليش ماتصلي كيف تبغى ربنا يباركلنا وكيف بكره تربي اولادك على الصلاة وانت لا ..
انت زوجي ودايما ادعيلك ليل ونهار على هذا الموضوع لانه من جد يزعلني طبعا هو انكر وقال انا بصلي بس ماتشوفيني .. قلتله معليش لاتكذب عليه انت معاايه طول الوقت واعرف بتصلي ولا لا
اما من ناحية تلمحاتي كثيير احيان اصلي قدامه واحيان اقوله ها ماراح تصلي وعلى عليك ال...وهو أحينا يتهرب واحينا ولاكنه شافني
اّاّاّه تعبت مرات كثير نفسي اسوي مشكله كبيره معاه أعصب لكرهي لهذا الشي لكن طيبته معايه تنسيني
وانا كتبت مشكلتي لعلي ألقى مايفيدني عندكم وألقى حل ..
وجزاكم الله خير الجزااء مقدما ... ودعواتكم لي