زوجي مدمن تلفزيون

الله يعينك
حسبي الله على الافلام التركيه وربي كنا بخير من قبلها

تبين الصراحه انا زيك
واحمد ربي ليل ونهار انه عندي مو في الاستراحات والا طايح في المخدرات والا دايم سكران
احمدي ربك يابنت الحلال وبالنسبه للطلعات انا ما اطلع الا نهايه الاسبوع وبكمل سنتين على زواجي واهم شي التفاهم وروحوا ناموا الساعه 11 وعلى السرير سولفوا
اهم شي مو كل يوم يدخل عليك بحال احمدي ربك واصبر وتابعي معاه والدنيا سعة صدر وانتي نفسك لاتحطين هالشي عقبه امام حياتك
وانتي سوي حركات بالغرفه او البيت
والدنيا تمشي بالتفاهم واذا تابعتي المسلسل معه تنقاشي معه عن الاحداث

سبحان الله انتي نفس حالتي انا كذا اذا جا من الدوام اقوله يالله حبيبي استلم دوامك الثاني الي اهو التلفزيون ويجلس يضحك والمشكله انا ماطيق شي اسمه تلفزيون واذا كلمتيه وهو يطالع اللهم اذا جا فاصل اعلاني يلتفت علي ويكلمني والله اني اقول ان شاء الله كل دقيقه يجبون فاصل اعلاني عشان يكلمني بالاول اقول مالها داعي بس الحين الله يوفق الي حطها ويخليها ساعه بدال ماهي دقيقتين او ثلاث والله انه مو حولك مندمج اخر حده وانتي اذا شفتيه كذا سويله حركات نص كم الي خبري خبرك او اجلسي جنبه واندحي على فخذه زي البيبي او راسك على سدره اهم شي تكونين قريبه منه وكل دقيقه بوسيه العبي بشعره قوليله اليوم طحت على صبعي وتعورت واهو اكيد بيخاف عليكي يعني تدلعي عليه يمكن تفيد معاه وبالنسبه للطلعات الرجال طبعهم مايحبون يطلعون اوقات الدوام مو كلهم بس بعضهم ونطلع بالاوف مره بالسبوع وهذا الاسبوع ماطلعنا لانه مفلسين
حبيبتي تقديرن تتفاهمين مع زوجك بخصوص هذا الموضوع اذا رحتو غرفه النوم حطي راسك على صدره وقوليله حبيبي في شي مضايقني انت كل يوم تسويه وقوليه انك تجلس على التلفزيون ولا تعطيني وجه انت تروح عني بالدوام وانا اجلس بالبيت لحالي واكون مشتاقتلك حدي بس انت ياحياتي ماتعطيني وجه ولا تسولف معي وطلعي الي بقلبك كله صدقيني لا ارادي انتي بتبكي بس عادي ابكي وانتي على صدره وبتشوفين شوي اهو يمسح على راسك او يهديكي بكذا تنحل الامور والله يوفقك ويسعدك وعيشي حياتك بسعاده اهم شي انه يحبك وانتي تحبينه ومهتم فيك ويسويلك الي تبينه

حبيبتي لازم تفاهمون وتقولين له لازم يكون لي من وقتتك ولازم تحدد يوم يكون كله لي

لاحول لله
انا بصراحه استحقر الرجال الكبير الي يتابع مسلسلات كأنه مراهق حنا واحنا بنات واصغر منهم ملينا منها ونحسها كذب في كذب
الله يهديهم بس
وعلى قولتها قدامك احن من يروح الاستراحات
وانتي انشغلي عنه اذا احتاجك خليه يحس بالي انتي فيه

شكراا خواتي على الردود والله اني ارتحت لما شفت ردودكم على الاقل مو انا الوحيده
ودمتم