زوجي و أبي وأنآ مالي غير الله

1. عند اهله يتكلم اكثر بكثير


2. كلامه الحلو قليل جداً ،


3. اوقات اكره نفسي احسه يفهم ان مقصدي من الكلام وفتح الموضوع ال...


4. واوقات اكبر عقلي واقول جاهل وادعي ربي يصبرني


5. مره حرم نفسه مني شهر بأكمله بحجة ان اخوه مريض وماله نفس !!!


6. تعبت ماادري ايش اسوي بعمري

السلام عليكم ورحمة الله وبركاته
سأبدأ من اي مكان فتراكم الجبال في قلبي
اهلكني واصبت بالإنهيار ،، لكن بيني وبين نفسي وهذا ما يقتلني اكثر واكثر
انا متزوجه لي سنه ونص ، الحمدلله انجبت طفل عمره شهرين
زوجي الحمدلله له حسنات ماني ناسيتها ،،
اشوفه اخر الاسبوع بحكم عمله خارج مدينتنا.. اوقات كل اسبوعين وهذا الاغلب ، اجلس معاه شهرين كامله بس 8 و9
لكن سأقول مايجعلني ابكي كل يوم وبإنهيار
( العلاقه بيننا كأخوان هذا ما اشعر به)
كلامه بصفه عامه قليل

عند اهله يتكلم اكثر بكثير

كلامه الحلو قليل جداً ،

وبما اني انثى احتاج دائماً لحضنه ، لقبلاته ، لحنانه ، لعبارات حلوه ، حتى الجماع ،،، لا اجد شي منهم الا القليل ، طيلة الفتره السابقه كنت متحمله واقول يتغير ويتعدل ،، بمعنى اني انا اللي ابادر دائماً بحضن وقًُبل و و انا اجيه واقوله كلام حلو واخبره بأني كنت انتظر من اول يجي يحضني ، او من اول استناك تقبلني ، او نفسي فيك ،،، يعني حسيت اهنت نفسي بما فيه الكفايه
دائماً المبادره مني انا
قبل ماتقولون شي انا الحمدلله اقرا بعلم النفس كثير ،، واقرا لناعمه الهاشمي
سويت كل شي لبس و و و ،،، اخر شي جيته وفهمته اني زوجه وانثى واحتاجه واتمنى لو من هالاشياء تجيني بدون مااطلبها منه ،، تكلمنا اكثر من مره
كل شي بحثت فيه ونبشت وش السبب والبعد والانشغال عني
مالقيت حل
كل اسلوب جربته ،، بهدوء كلمته ، بدلع ، والاخيرات كانت بدموع وانهيار
كنت كل مااقوله ونتكلم بالاخير يقبلني ويقولي تبغين ( ...)

اوقات اكره نفسي احسه يفهم ان مقصدي من الكلام وفتح الموضوع ال...

واوقات اكبر عقلي واقول جاهل وادعي ربي يصبرني

بنات تخيلوا الصدمه تلبسين ، او تتدلعين ، اغراء ، كنتي مسوية حفله بمعنى حفله ( بالاخير لازم ابكي طبعاً بيني وبين نفسي ) لانه مايفكر يقولي كلمه واذا طلعت افرح فيها مثل الاطفال ، سواء عن لبسي ، او طبخي ياناس اي شي ماينطقه لي ،،، انكتم وآكل على وجهي واسد حلقي وهذا كله وانا ابتسم واضحكله ،،. واكبر عقلي كمان واقول يابنت طنشي كل شي، ربي لايحيجني لشيء او لأحد >> هذا ماتوصلت له
كل شي يهون واطنشه واكبر عقلي ، لكن اني اجد رجل لاول مره سيرة (.العلاقه..)احس ماتطرا على باله
افكر اقول ينسى هالشي .. معقول رجل مايحب هالشي ، ماابغاه يعشقه لكن موجود بقاموسه ع الاقل ،، !!
اوقات افكر اقول ممكن هو يتكاسل انه يغتسل بعد ال،،، !!!!
بداية زواجي كنت دايماً ابكي في الحمام عشان مايسمعني ،، لانه هالشي كان قليل بيننا يعني مو زي مااسمع وارى كل الرجال

مره حرم نفسه مني شهر بأكمله بحجة ان اخوه مريض وماله نفس !!!

كل دقيقه كنت ابكي لانه كان حارمني من كل شيء بيننا يعني اغراب بالبيت لا كلام حلو ولاقُبل ولا احضان ولا شي ،، صحيح ان مرض اخوه كان فاجعه بس كان الحمدلله يتحسن ،، بمعنى ان كل اهله رجعوا زي قبل يضحكون يتكلمون ينكتون حتى اخوانه ساروا يمارسون حياتهم كأنه ماصار شي كنت ارى على حريم اخوانه اثار قبلات ، اسمع ان فلانه حملت بنفس الشهر اللي تعب اخوه
بنات حياتهم مشوها عادي
الا زوجي ،، بكل لحظه كان كل جزء بقلبي يتقطع ،، وكنت اتألم ،، كنت ابكي ،، ارتجف ،، احتاج حنانه اجي جنبه يقوم !!
ابغى احضنه يبعدني ويقولي لا
لدرجة نسيت نفسي ،، وقلت هو يحتاجني ،، اجي ابحضنه اقوله بترتاح يبعد
دمار نفسي ...
باخر الشهر جيته كلمته بعقل امرأه ناضجه لكن داخلها متقطع
اللي يبين انه غلطان ،، بعد ماقلتله وتكلمت انه حرمني من نفسه اقلها القبلات وسرنا اغراب ولا بيننا شي وجفاء شديد ،، قام يبتسم بخجل ويضحك من فعلته اللي مدري ايش اسميها ،،،!!!!
لن اكمل بالماضي المؤلم ،
بحملي كان مايقربني!
الان ايضاً مع اني فاهمه كل الامور من توسع و و. الحمدلله
ببساطه الموضوع من زمان ماهو جديد
اخ
مؤلم جداً عندما انظر اليه بنظرات طفله اتمنى حضنه ولاحياة لمن تنادي ، والله ان دموعي اوقات تنزل فجأه وهو جنبي
مؤلم،، لما اجي واقوله انت ليش ما(ت...) صريحه قولتها له وتركت كل الخجل لازم افهم هو زوجي ، مافهمته اني الحمدلله نظيفه دائما متعطره جميله و و و كل شي طبقته .. المصيبه بس اخلص كلماتي يقولي تبغين !!! لاتعليق ابداًاًاً على كلامه ،، سرت اسايره ، لدرجه يجيني وسواس اقول شكله هو يبغى كله من خوفي امتنع ويكون يبغاني فتلعني الملائكه( طبعاً هذا لانسى كلماته السامه) فجأه ببداية ال..... يقولي المشكله تعبان ،،!!! ساعتها الف طعنه تقتل قلبي !! >> كم مره يسويها
اتركه واذهب انهار ابكي ،، واقول في نفسي ياويلك من ربي ،،
وافكر بس نحن النساء اذا امتنعنا عن ازواجنا تلعنا الملائكه!!! يارب استغفرك واتوب اليك
لكن ماعقاب من يتركني وينسى وجود امرأه بحياته ،، اخر اموره انا ،، استغرب واضرب رأسي بالحائط لافهم كيف لرجل يحرم نفسه من هذا الشيء!!
ماذا عسايا ان اقول !!!
بس ابغى احس اني حركت في مشاعره ..
اسسأله ليش وليش فيني شي،، يقول انتي رائعه حلوه تعرفين تلبسين و و و (طبعاً هالكلام يطلع بالقوه)
هالشهاده منه ومن اهله ،، لكن افعاله هذي وكآني جالسه مع اخوي ؟؟؟ الف استفهام
صنعت حفلات جميله متعبه جلبت له اجمل الهدايا واغلاها اسعدته كلها نهايتها يالله بنروح ننام تأخر الوقت !!!
نترك كل شي حتى النهاية المعروفه ،،،
ابحث اجد نفس حال كل يوم
فقط فرح بالهديه واكل وكم قبله ويالله بنام !!
ليلة العيد كلنا نعرف تلبسين تتكشخين بالليل تجهزين حفله صغيرونه هديه بسيطه ،، فرحتي كفرحه الاطفال بالعيد
بسرعه قبل لايشوفني اجيب طاوله صغيره بغرفة النوم احط العصير ،، الكيكة اللي نشفت روحي على بال ماجابها اخوي ،، الهديه ،، اجهز نفسي
كل شيء بسيط وجميل بنفس الوقت فالفرحه عامره
يدخل يبتسم يقبلني اجلس بجانبه يقولي بطيح ابعدي شوي
اضحك بخجل وانا كنت بس انتظر حضنه
نأكل >> كأننا نستنى الكيكه من اول !!!
اقوم اقوله شوف ايش جبتلك يعجب بالهديه ،، ربع ساعه تكون كلها بالكلام عن الهديه ،،
شوي بحماس يقولي يالله قومي بسرعه بنرتب يشيل الاكل والعصير يكلمني خلصتي كل شيء بسرعه بنام ورانا صلاه عيد بنام
ينام هو لابقى انا تقفز دمعه من عيني ،، امسحها بسرعه اغير لبسي واقوم اصنع اي شغله افتح التلفزيون ادور بالبيت انبش كل شي نظيف !!!
بالنهاية انا اخر كل شي عنده
والدي وحبيبي زعلان مني يقول لامي هذي البنت ماتجلس عندنا ما تطول ،، تغيرت بعد زواجها سار همها زوجها ،، قولولها ترى اهلك هم ابقالك ، اهلك هم عزوتك ، قولولها احنا بنتحملها ، مالها غيرنا ، مو نافعها زوجها !!!! يقولي ليش انتي مو زي اخواتك !!
كلام كبير قاله ابي !!
زادت همومي ، اصبحت ابكي كثيراً ، الهم يكسو وجهي دائماً ، دموعي سارت فجأه تنزل

تعبت ماادري ايش اسوي بعمري

افكر ،، انا كل يوم ازورهم واجلس عندهم من المغرب الى 12 او 1 ،، بس ابوي يبغاني اجلس زي اخوات مايروحون الا قريب الفجر ،، طبعاً يقابلونه ،، اما انا وقت جلستي يكون موعد عودة ابي بدري عليها،، اجي واروح وانا ماشفته الا خطفات يجي يلبس ويرجع يخرج ممكن كلام مافي لانه يكون مستعجل
طيب انا ماقصرت جيت كل يوم ، لكن انا مو زي اخواتي انا احب الاستقرار وقبل كل شي متى اقابل زوجي انا ،،طول السنه بعيد مااشوفه زي الناس ،، كمان تبغوني اسهر كل يوم!!
انا ممكن يوم بالاسبوع او الاسبوعين اسهر عندهم ،، لكن زوجي يدق علي بنروح البيت يالله >> ماعنده اصدقاءً،، فقط واحد وتعين بمدينه ثانيه.
ايش اسوي هو شخصيته كذا ماهي اجتماعيه ماعنده اصدقاء يقابلهم ،، اصحابه بالعمل بينهم رسايل وايميلات لكن جمعه لا بحكم ان شغله بمدينه واحنا بمدينه
اهله عودوه على البيت والحبسه
يجلس يا مع اهله او معاي ،، بوقت الويك اند طبعاً ولما يكون بشغله ( من الشغل للبيت ولايخرج وماعنده اصدقاء)
اتذكر كلام ابوي اتعب ،، انا ماني مقصره معاهم واتغاضى عن كلامه ودقه لي واقول هذا عيوني كيف ازعل عليه !! طيب وهذا زوجي مااشوفه ولا اجلس معاه الا بالسنه شهرين والباقي اخر الاسبوع وكأنها خطفه
ابوي زعلان مايكلمني كثير ولايعطيني وجهه اذا شفته ،، فهمته امي على وضعي غير انا مااشوف زوجي الا وين ووين عشان كذا مااسهر عندهم مو زي اخواتي طفشوا من زيجانهم ،، تسهر الوحده وتنام عادي 24 ساعه تشوف زوجها مو زيي
المشكله اني طول الشهور انا عند اهلي مااروح بيتي الا ربوع وخميس وجمعه ارجعلهم ،، يعني جلستي معاهم اكثر من جلستي مع زوجي!!!
تعبت من كثرت بكاي ودموعي ،،
تعبت من همومي ومحد داري عني ،،
حالي مع زوجي / او حالي مع ابي !!!
ابكي وابكي واقول يارب صبرني ولاتعاقبني بذنوبي يارب
سامحوني على الفضفضه الطويله .. لكن كل أردته ان ازيح قليلاً من مايسكنني من هموم والم
الان سأخلد للنوم وانا شوي مرتاحه ومبتسمه لاني ارتحت بالفضفضه
دعواتكم لي ،