جفاف زوجي معي في المشاعر وعلاقاته قبل الزواج ماذا افعل

السلام عليكم ورحمة الله وبركاتهكيفكم وشنو مسوين مع رمضان ؟
ان شاء الله اموركم زينة
أنا مآدري هل هذا القسم المناسب والا لا
ع العموم
بأدخل في الموضوع
واتمنى تسآعدوني
أنا عروس لي شهر ونص
زوجي مو مهتم فيني ابد مايتصل مايسأل عني ومايقول كلام حلو الا بالرسايل بس
ومايجامعني الا مرة بالاسبوع ويمكن يمر اسبوعين وهو ماجامعني واذا جامعني انا ماأحس بشيء ولا أستمتع
مايتكلم كله سآكت واذا قلت له سولف معي يقول انا طبعي احب السكوت وسألته اكثر من مرة انا مقصرة بشيء وانت مرتاح معي
يقولي اي مرتاح معك
هو مره جآآآآآآآآآآآآآآآآآآآآآف
وعشان مااظلمة هو مو منقص علي من ناحية المصرف
وأنا حدي خجولة
مرة كنا في الخارج وعطاني جوالة عشان استخدمة
فقمت اتفرج عليه مو غرض اني اشوف فضايحة لا والله
بس ابغى اتفرج واطير طفش
الا واشوف لي بلاوي
يكلم بنات ويقول لهم كلام حلو وكل شوي متصل عليهن ومتصور مع بنات ويتكلم معهن بكلام جنسي
أنا هنا طقيت
كتمت ولا قلت له شيء مر شهر كآمل وأنا كاتمه في صدري
مااعلمت امي ولا قلت لها شيء
لان امي مو ناقصة عندها مشاكل خواتي
وبعد شهر انفجرت في وجهه وقلت كل اللي في خاطري له
وقلت انا شفت جوالك وشفت كل شيء فيه
وهو ساكت ماتكلم
راح لدوامه وماتكلم وماقالي شيء
وارسلي رسالة في الجوال
انه هذا كله من الماضي وانك انت الغالية والخ
وتعدل يومين بعدين رجع
مطنش ولا كأني في حياته
والله بس ابكي لأنه مو معطيني اي اهتمام وانا مااقدر اتكلم لاحد واقولة اللي في خاطري
طول يومه في الاستراحة او عند امه
اذا صحى راح لأمه وقعد عندها بعدين يروح الاستراحة ومايجي الا بعد صلاة الفجر
ثم نام
وهذا هو الحال
أنا احس اني بديت أكرهه
متضاايقة منه ورافع لي ضغطي
بالله سآعدوني وعطوني حل لمشكلتي