الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
أنسام الشمراني
15-11-2022 - 11:37 am
السلام عليكم انا عضوة جديدة في المنتدى متزوجة من إثنين وعشرين سنة مشكلتي إن زوجي زي الخاتم في إصباع اخوة تزوجت صغيرة عمري 15سنة جاتني زي الحالة النفسية في بداية زواجي كرهت زوجي وبدأت تدخلات اخوة بالرغم إن زوجي يموت فيني جلس على راسة مدللة لاتدلعها اافرك خشمها من هل الكلام طبعا زوجي طاوعة بعدين مع السنين بدات أتاقلم مع زوجي وتعودت علية بس طبعا حياتنا لاتخلوا من المشاكل لكن المشكلة إن اخوزوجي يقدر يغير زوجي على أي شخص المشكلة إننا عيال عم يعني مثلا أي أحد من اخواني أو من عيال أخواني أو من خواتي شاف أخو زوجي شي ما يعجبة من تصرفاتهم يقلبة عليهم على طول تخييلوا مقاطع زوجي اخوة الكبير علشان زوجتة اختي يقول إنها سبب مشاكلي في بداية زواجي طبعا هوة ماقاطعة علشان كذابس جلس وراه وراه إلين لقى سبب يخلية يقاطعة ولا عاد اشوف اختي حتى عيالها مايخليهم يدخلون علية وأنا اعصب من كذا واقول له غنة اخوك يمشيك على كيفة إنت مالك شخصية وهوة ينكر هذا الشي ومرة مد إيدة علية بسبب هاذي الكلمة قاهرني قالب على أخواني مايوديني لاهلي إلا بعد طلعة الروح مرة يقلبة اخوة على كيفة زوجي طيب بس أحس كل ماكبر كل مااثر علية أخوة أكثر واكثر تخيلوا كم سنة لي معاة ماقدرت اكسبة بالرغم إنة يحبني واعرف ههذا الشي يكلمة في اليوم كذا مرة وإذا ماكلمة زوجي هوة يدق علية ويعطية أخبار اهلي وابد ذاك يعبية وحتى على بناتي يأثر علية كلمتة كم مرة بهدوء قلت لة لازم ماندخل أحد في حياتنا مافي فايد أنا اعترف إني عصبية وأحيانا ما أتحمل زوجي وارفع صوتي علية وياويلة لوجاب طاري اهلي بكلمة اقب فية على طول واعترف إن اخوة سياسي ويعرف يدخل لة ويقنعة لي سنين معاه والله يقدر اخوة يقنعة اكثر مني يعرف طباعة علشان تربوا سوا وهوة الاكبر منة على طول والله إنة يدلله تقولون واحد من عيالة أقنع زوجي في موضوع يطلع يدخل بكلام ثاني اقول وش قلبك يقول فكرت لقيت إن هذا الاحسن وذا جبت طاري أخوة ياويلي يقول بطلاقك لو عاد جبتي طاري أخوي بسوء وش الحل
التعليقات (9)
من جد مشكله الله يكون بعونك لو انا ماكانك ما اقدر اتحمل اشوف زوجي اخوه يقلبه علي بأي لحظه وع اهلي
صراحه ما لومك لو عصبتي بس انتي قلتيها سياسي وانت شكلك من النوع الصرقعه ههه
حاولي تجيبيه بسياسه زي طريقة اخوه
من جد الله يعينك او ادعي انهم يتزاعلون ههه ما في غيركذا امزح لا تسوينها بس صراحه حطيت نفسي مكانك ما اتحمل احد يدخل بحياتي لا من مين اخوه عاد مايصير
وبا الاخر ما الك الا الدعاء حبيبتي موفقه
صراحه ما لومك لو عصبتي بس انتي قلتيها سياسي وانت شكلك من النوع الصرقعه ههه
حاولي تجيبيه بسياسه زي طريقة اخوه
من جد الله يعينك او ادعي انهم يتزاعلون ههه ما في غيركذا امزح لا تسوينها بس صراحه حطيت نفسي مكانك ما اتحمل احد يدخل بحياتي لا من مين اخوه عاد مايصير
وبا الاخر ما الك الا الدعاء حبيبتي موفقه
الله يخليكم لبعض انتي وزوجج ولايفرقكم عن بعض
ويسخره لج يارب حلو منج انج عارفه انه هذا اخوه الكبير وزوجج يعتبر واحد من اولاده
وبرضو برافو عليج انه عارفه اغلاطج وانه انتي عصبيه وماتملكين اسلوب مثل اسلوب اخو زوجج
هذا يعتبر بداية الحل
الي عليج ياحبوبه انه تدربين نفسج على الذكا وعلى اساليب للاقناع تحسينها تنفع وتجيب فايده مع زوجج
خاصه انه بينكم عشره طويله مشالله و هو يحبج استغلي هالشي
وحاولي لو تقلدين اخوه مو مشكله اهم شي توصلين لحل يرضيج، طبعآ انسي انه يعصي كلمه لاخوه هذا الشي شيليه من بالج
بس عالاقل مايمنعج من اهلج علشان مشكله او شي مو عاجبه فيهم ولا يتدخل بعيالج
من ناحية العيال تقدرين تقربين عيالج منج وتعلقينهم فيج علشان مايسمعون لاي احد وبرضو اذا كبروا يدافعون عنج ولا يتخلون عنج مهما صار
اغمريهم بحبج خليهم يدورون رضاج حتى لو غلطتي بحقهم بكذا راح تضمنين وقفتهم معاج لان لو ماسويتي كذا ممكن تاثير اخو زوجج يجرهم ويصيرون حتى هم ضدج لان ابوهم ماله كلمه بعد اخوه وبيتاثرون فيه
اما اخوانج اذا في مجال ياخذون زوجج بالكلام الطيب الي يجذبه ويخليونه مايصدق اي شي يقوله اخو زوجج
اعطيج مثال
اخو زوجج ذم في اخوج مثلآ ويقوله والله اخو زوجتك هذا قليل ادب يدخل للمجلس مايسلم عالرجاجيل وهكذا
بهالحاله اخوج يتعمد يدخل للمجلس ويسلم عالجميع بحراره وخاصه اخو زوجج وبكذا بينحرج اخو زوجج وزوجج بيشوف انه كلام اخوه مو صحيح فهمتي علي؟
معليش استخدمي حيلج وخططج واتفقي مع اخوانج على هالشي قوليله علشاني انا
والله لما زوجج يبدا يشوف ان كلام اخوه دايم غلط وبرضو يرجع للبيت ويسمع كلام منج يطابق الي هو شافه
راح يصير يصدقج انتي ويثق فيج ويخليج على كيفج
الله يسهل الامور ان شالله
ويسخره لج يارب حلو منج انج عارفه انه هذا اخوه الكبير وزوجج يعتبر واحد من اولاده
وبرضو برافو عليج انه عارفه اغلاطج وانه انتي عصبيه وماتملكين اسلوب مثل اسلوب اخو زوجج
هذا يعتبر بداية الحل
الي عليج ياحبوبه انه تدربين نفسج على الذكا وعلى اساليب للاقناع تحسينها تنفع وتجيب فايده مع زوجج
خاصه انه بينكم عشره طويله مشالله و هو يحبج استغلي هالشي
وحاولي لو تقلدين اخوه مو مشكله اهم شي توصلين لحل يرضيج، طبعآ انسي انه يعصي كلمه لاخوه هذا الشي شيليه من بالج
بس عالاقل مايمنعج من اهلج علشان مشكله او شي مو عاجبه فيهم ولا يتدخل بعيالج
من ناحية العيال تقدرين تقربين عيالج منج وتعلقينهم فيج علشان مايسمعون لاي احد وبرضو اذا كبروا يدافعون عنج ولا يتخلون عنج مهما صار
اغمريهم بحبج خليهم يدورون رضاج حتى لو غلطتي بحقهم بكذا راح تضمنين وقفتهم معاج لان لو ماسويتي كذا ممكن تاثير اخو زوجج يجرهم ويصيرون حتى هم ضدج لان ابوهم ماله كلمه بعد اخوه وبيتاثرون فيه
اما اخوانج اذا في مجال ياخذون زوجج بالكلام الطيب الي يجذبه ويخليونه مايصدق اي شي يقوله اخو زوجج
اعطيج مثال
اخو زوجج ذم في اخوج مثلآ ويقوله والله اخو زوجتك هذا قليل ادب يدخل للمجلس مايسلم عالرجاجيل وهكذا
بهالحاله اخوج يتعمد يدخل للمجلس ويسلم عالجميع بحراره وخاصه اخو زوجج وبكذا بينحرج اخو زوجج وزوجج بيشوف انه كلام اخوه مو صحيح فهمتي علي؟
معليش استخدمي حيلج وخططج واتفقي مع اخوانج على هالشي قوليله علشاني انا
والله لما زوجج يبدا يشوف ان كلام اخوه دايم غلط وبرضو يرجع للبيت ويسمع كلام منج يطابق الي هو شافه
راح يصير يصدقج انتي ويثق فيج ويخليج على كيفج
الله يسهل الامور ان شالله
اخو زوجي ماله حل والله تعبت→