زوجي واصحابه هيلب مي

1. السلام عليكم ورحمة الله وبركاته

السلام عليكم ورحمة الله وبركاته

انا ياحبايبي زوجي طيب ونادرا مايقولي لا وحبيب لكن عندي مشكله مجننتني الا وهي علاقته القويه بااصحابه خلاص بنجن اكثر الاحيان يفضلهم علي انا وولده خصوصا واحد من اعز اعز اعز اصحابه كل شهر يسحب من زوجي فلوس يتعلل انا محتاج ومن ذا الكلام المهم تزوجج صاحبه وقالي لازم تتعرفين على زوجته المهم تعرفت عليها وانا وقتها حامل البنت مش ولا بد شايفه نفسها وبقوه مع انو عاديه جدا جدا انا الحمد لله من غير ماامدح نفسي بياض وجسم المهم البنت غيوره لابعد درجه وريتها صور زواجي تقول عادي وهي ا صلا من بنات الديره وماتصورت اساسا وانا صوري جنان بشهادة الجميع . غير كذا صار الرجال يستغل زوجي بزياده كل شهر وهو طاق وجهه ارسلي ارسلي انا خلاص وصلت معايه المشكله انها لمى تجي عندي تتفاخر بنفسها انا شتريت وانا عملت لدرجت انو مره جو عندنا وناداني زوجي قال اديني 500 الرجال محتاج المههم رحت اديته شويه دق عليها قال مشينا قلتلها اجلسو شويه قالت لا لسى بروح السوق يقولو نازله بلايز تجنن انا عاد انهبلت معقوله يتسلف وانحرم انا منها اللي انا اولى فيها ... اخر مره دقت عليه وانا زوجي على الحدود الله يحفظه وانا عند اهلي في جده وزوجي شهر ونص هناك بالقوه يكلمنا يعني مايقدر يرسلنا ولا ريال وانا بالنسبه لي عادي لاني عند اهلي وماراح يقصرو عليه وهو عنده عذره المهم دقت وكأنها عرفت انو زوجي له شهر ونص ماارسلنا فلوس تتكلم بشماته اما زوجي يديني مصروف الفين وانتي ياحراام ماادكي شي انا اشتريت ن الماركه الفلانيه وانا وانا انا ..... انا خلاص انجنيت قفلت وقعدت ابكي لمى قلت لأختي قامت تخاصمني ليه تبكي من وحده مو شايفه النعمه هاذي مريضه ............... انا اسفه طولت
بس بصراحه اش رايكم واش تنصحوني ؟؟؟؟؟؟؟؟؟