زوجي والأفلام الإباحية

شوري عليك تكملين دراستك
طبيعي اذا يحبك يتحمل لأن ماباقي الا فتره قصيره
شدعوه اكلتي الجمل كله يوم بقت اذنه قلتي انسحب .
الا دراستك عاد
صبريه هالفتره ب انك تجينه بين فتره وفتره
وغير كذا السكس فون < اذا كان من النوع اللي يتقبل هالشي
بحيث انك تحتوينه
حاكيه كلام نص كم .. وامزحي .. وكذا يعني ..
بس ارجع اقول لك في حال انك تعرفين طبيعته وانه يتقبل .
او انك تبدين معه شوي شوي بكذا ..
وقولي له ياقلبي راح الكثير مابقى الا القليل
هانت
بكرا تجي زوجتك شريكة حياتك معها شهادتها الجامعيه
والواحد مايضمن حياته
واذا تحبني وتحب عيالك بالمستقبل
بتكون حريص على مستقبلي
فرضا صار فيك شي بسم الله عليك ..
وش يأكلني انا وعيالنا انا وياك !
. وصحيح اهلي موجودين الله يخليهم لي بس برضو مافي اعز من ان الواحد بنفسه يشيل حاله وحال عياله
الشهاده بهالوقت عزوه و سند وامان بعد الله ثم انت
والله لايخليني منك ياحياة قلبي انت << يبي لهم كذا . الله يصبرنا

تحتوين فيه وتصبرينه لين نهاية دراستك ترا مابقى عليها شي ..!
بكرا لاقدر الله لو تطاقين انتي وياه ورماك لاقدر الله موب نافعك الا نفسك ووظيفتك والقلوب تتقلب وانا اختك
ماهي على حال واحد ..!
والله يسترنا ويوفقنا ويدلنا للي فيه خير
شيلي نفسك بنفسك
وصبريه وبالسياسه مو بالقوه
الرجل ماينفع معه الا السياسه وشغل تحت لتحت بدهاء مو بتبويز و زعل .
الله يقويك ويعينك

الله يجزاك خير
بس تدري انا بالتلفون استحي اقول كلام نص كم يعني مكالماتنا رسمية

انصصحك تروحين له
رضى زوجك اهم والله .. وبعدين هذي نتيجة بعدك عنه
يشوف افلام ويسوي العادة السرية وبعدك هو السبب
لكن استخيري والله يكتب لك الخير يارب

طيب سؤال .
ليه ما تكملين دراستك وانتي عنده
لان في رايي
اذا كان هو قبل الزواج ما يعمل هذي الاشياء
ولما بعدتي عنده صار يعملها
فإنتي راح تتحملي ذنبه
هذا زواج وزوجك صاير مسؤوليتك ..
انا ما اقول اتركي الدراسه
لكن تحتاجين لحل فوري وصحيح
علشان ما تخرب حياتك ....
وربي يخليكم لبعض ...

شيء ثاني لازم يكون في معلوميتك
أنا سمعته
ان الرجال اللي يشوف الافلام الإباحيه مع الوقت راح يصير عنده ضعف ..
والعادة كمان تراها تعمل مشاكل مع الرجال لا تحصى ..
فإنتبهي على نفسك وزوجك
مو تخلصي دراسه وتجيه تلاقيه خلاص طافي
لأنه نزل كل طاقته بالحرام
دوري وراح تلاقي الحل

مافي تحويل بين الجامعات للأسف في السعودية
واذا بتحولين يعتبرونك مسجلة من جديد تعيدي الدراسة وبعدين هانت بقي الترم ذا واللي بعده
بس انا ماني باقية حل أحاول اذا رحت عنده ما اخلي شي في نفسه بس اذا بعدت واحتاجني ماادري وشسوي
وانا اعرف انها ضارة هذه العادة بس الله يهديه التلفزيون خربان قام صلح الاوروبي عشان يتفرج وبعدين يمسحه واذا رجع يقوم يرجعه
ويوم قلتله ليه جبته يقول عشان تتعلمي منهم بس انا ولافتحته لانه حرام وبعد فترة قال بحذفه انتي ماتعلمتي شي منهم مع أني اسويله كل شي وهو مبسوط مني بس ليه يقلي تعلمي منهم ؟؟

انا والله ماني عارفة وش اقول لك احيانا اقول الرجل ماتزوج إلا علشان يعف نفسة وفي الاخير تساعدية إنتي على الانحراف واحيانا اقول حرام ما بقالك إلا سنة كملي وعلى الله احسن شي إذا تقدري تتصلي على مستشار اسري وإستخيري الله

الله يسخره لك ويبعد عنه الحرام

شفيكم يابنات عليها .. هي تبي حل ..
مو كلكم تخرعونها .. صحيح زوجها مهم .. بس تسايسه بحيث يكون راضي وبنفس الوقت تكمل دراستها
وبعدين وينكم من حديث الرسول صلى الله عليه وسلم بما معناه
ان من سافر في طلب العلم فهو في سبيل الله حتى يرجع ..!
مسافره عن بيتها عشان تكمل دراستها وترجع لبيتها ان شاء الله .
وزوجك لما يقول لك الحرام وماحرام ..
قولي له ابد ماخسرت دينك ان شاء الله ومأجور ان شاء الله ع اللي تسويه معي
واذكري له هالحديث . وقولي انت مساعدتك لي ونيتك الطيبه معي ربي بيوفقنا ان شاء الله وماباقي الا القليل وكلها فتره صغيره وارجع واجلس قدامك العمر كله ان شاء الله .. وتحمل هالفتره الصغيرونه القليله اللي باقيه
يعني من هالحكي ..


بالنسبه للكلام الجريئ .. ممكن برسايل شوي شوي لحد ماتتكلمين
الرسميه مو حلوه بين الزوجين ياقلبي ..
خليك كأنك صديقه له .
الله يوفقكم يارب : )