زوجي وانا قربت اولد وش الحل

1. وتقول اخر مره قبل كم شهر تقول وريته


2. قالت ماابي انوم اخاف يفلها الا بروح واجلس على قلبه وبشوف وش يسوي؟؟


3. وهو فضيع ما تكلم ولا شي يا مال التبن

مساء الخير عليكم يا اخواتي
ادخل في الموضوع على طول من قريب دقت علي جارتي وعزمتني عندها
على بالي زياره عاديه ما توقعت انها متضايقه وتبي تسولف المهم تجهزت ورحت لها
من شفتها وشكلها تعبانه ؟؟ على فكره هي حامل بأخر شهورها . توقعته تعب حمل وكذا ..
المهم جلسنا وسولفنا وتقهوينا وشكلها تبي تسولف بس متردده شكيت قلت يمكن فيها شي سألتها قلت انتي فيك شي مو طبيعيه وش فيك شايله هموم الدنيا ؟؟
انا قلت والا ما قلته الا وهي منفجره علي جلست تبكي انا ارتعت وش فيك يا بنت الحلال
هديتها وخليتها لما هدت..؟
وقالت انا عندي مشكله مع زوجي ومتضايقه منها مره وماودي اقوله لأحد بس ما قدرت احتاج لمشوره احتاج لاحد يعلمني لاني ماادري وش اسوي تعبت .....؟
قلت اذا حابه تقولين لي قولي و****لله بيني وبينك ولو اقدر اساعدك من عيوني ولو ما بيدي شي على الاقل تكلمتي يمكن تهدى نفسك شوي..
قالت انا كم مره طحت على زوجي وهو يكلم غيري؟؟
وكم مره ناقشنا الموضوع انا وياه ويصالحني ويوعدني انه ما يكررها ويحاول يرضيني بأي طريقه
يجيب في هالهدايا يسكتني علشان يطلع منها ويحرجني علشان مااتكلم زياده واعاتبه على الي سوى
ولما اسأله ليش تسوي كذا يقول زله والا انا مااحب الحركات هذي اصلا مالي علاقه معها بس نشبت فيني والا هي تبع خويه(يعني اعذار زي وجهه) المهم ومن هالكلام
انا انصدمت بصراحه حرام عليه يعني الحرمه مشالله جمال واخلاق واحس معاملتها معه زي العسل ومومقصره عليه بشي لدرجه على حد علمي دايم بالبيت ما يطلع الا اربعا وخميس؟؟
يعني اكيد مرتاح معاها تقطع قلبي عليها تقول مليت منها احسه يكذب علي يستغفلني ماادري ليه والي زايد هماها اكثر انها باخر شهورها تقول يعني بولد من هينا وهو يفلها من هينا؟؟؟؟؟؟؟؟؟

وتقول اخر مره قبل كم شهر تقول وريته

اولا ما واجهته.. اخذت الرقم ودقت عليه من جوال زوجها الثاني(مع العلم ان الرقم الثاني تبع زوجها يستخدمه للأجازه علشان يقفل جوال العمل) اكمل.. اخذت الرقم ودقت عليه علشان تتأكد من شكوكها وفعلا صار بنت وشكلها صغيره مع العلم ان زوجته بأول العشرينات وعندها ولدين بس صغار ..
المهم تقول خنقتني العبره لحظتها ودي اروح وامسح به البلاط وودي اشتمه انقهرت وقتها منه مره بس تعوذت من الشيطان وقال ماابي اخربها خليها هالمره بسكات بس بعلمه اني اعرف بدون مااقوله
قامت ارسلت رساله من نفس الرقم تبع الاجازه ارسلت رساله وحده بس؟؟ ووتتفاجأ بمليون رسالت رد طبعا هي ماردت على البنت بس سمعت الصوت وقفلت..
وتقول اخذت الجوال وحطيته على التسريحه وهو مفتوح علشان ينتبه له
وكانت وقتها بتطلع لبست عبايتها وفتحت الجوال وراحت للباب على طول قالت انه انتبه للجوال يعني نجحت الخطه
تقول وجا وطلعنا من البيت وودها لبيت اهلها ولا تكلم ولا كلمه ووجهه قالب اسود
وهي ما قالت ولا كلمه ..
ارسلها بعد بوقت سامحيني؟؟
وتقول استقعدت له برسايل يعني صايره جافه معه المهم جا ياخذها وهم ما تراضوا بس صاير انواع الصمت

قالت ماابي انوم اخاف يفلها الا بروح واجلس على قلبه وبشوف وش يسوي؟؟

وهو فضيع ما تكلم ولا شي يا مال التبن

ودخلنا البيت وغيرت لعيالها ونومتهم على طول علشان لو بيجي يعتذر يصير الجو مناسب بدوون ازعاج ويوم شافت شريحت الجوال مكسوره مسوي فيها انه خلاص بنهي العلاقه (لهدرجه يعني انا غبيه طيب عندك جوالك الاصلي وماخذه منه الرقم بس وش تقول حسبي الله على بليس) المهم تفاجأت انها ساحب عليها ماسك قصه وجالس يقرا على سريره تقول ماقدرت اصبر ودي اهاوش ودي ازف
ماطاع يجيني النوم ولا ودي ابكي عنده لان العبره تروح وتجي كلما شافته او تحرك تقول طلعت من الغرفه وجلست بالصاله على النت الا ويكمل عليها واحد من عيالها ما
نام قامت وجابته عندها وصار يتمشى مصحصح ويروح للغرفه ويجي لصاله كل شوي بس شافت معه الي هو ولدها ورقه تقول؟؟ ما عطيتها بال قلت يمكن ماخذها من هينا
والا هينا وشوي الا وزوجها جا طبعا ساكت راح شرب مويه ورجع وخذ الورقه الي مع ولده ورمها جنبها تقول ولا تحركت مسويه ثقل طبعا رجع لغرفته تقول ودي اشوف
وش كاتب بس سوت نفسها ولا اهتمت الا بعد شوي قالت بشوفها واارجعها ما قدرت صار كاتب
(ارجوك سامحيني)
تقول قفلت معي طيب ليه ما يجي ويقولها لي مباشره والا يخاف اطيح وجهه والا يخاف تطيح كرامته
طبعا الليله كلها صامت نام ما قال ولا شي
جا بكره ونفس الشي وتقول ضايقه بي الدنيا ضايق صدري ولا نمت زين ونفسيتي زفت
صار فيه خلاف الي هو فتح باب التفاهم
تقول قاهرني ماتكلم ولا جالس على الاب توب يطقق ولا همه وهي متفجره من
جو تقول باي لحظه بفجر فيه.. قالت لو جا قالي وجه لوجه انا غلطت وسامحيني بسامحه وانسى الي صار الشكوى لله ولا اخلي حاجه تافهه حقيره زي هذي تحوس حياتي
قام طلب منها شاهي طبعا مو لها مباشره قالها لوحد من عياله وعياله صغار ما يتكلمون بس علشان تسمع وتجيبه خدامه عنده طال عمره
هي سمعت والا ما سمعت جات وقالت ليه ما تقولي انا قال ابي شاهي قالت انت ماودك تتكلم؟؟
قال وش اقول قالت ماادري عنك انت ليش ما تكلمني
قال ما فيني شي انتي زعلانه وما تكلميني
قالت كل هذا كبر يعني ماتتنزل تكلمني والا ماني قد المقام
تقول تشادينا شوي وقالت اخر شي ترى بروح لهلي كلمت واحد من اخواني وبروح
تقول وانا ما كلمت احد بس ابي اشده شوي والا ما عندك احد
قال روحي بس قالها بنفخه قويه تقول هذي الي فجرت الدنيا وش يحدني على ضيقت الصدر انا ماابي اجلس عند واحد ما يقدرني وجد ارتفع ضغطها وراحت دقت على واحد من اخوانها وقالت تعال
وقامت تتجهز وهي مفقعه منه بس هو ولا همه
تقول جيت بطلع واقوله دبر عمرك لعملك بكره خلي احد يدور ملابسك ويغسلها ويكويها
قالتها وهي تنفخ قال وينها فيها ردت عليها وهي ميته من الخوف تخاف انه يسوي شي دورها انت
وطلعت قفلت الباب
وراحت واشوى ماسوا شي بس تقول والله اني مصدوومه فيه ليه يسوي كذا على ان معاملته معها حلوه ومتوفقين سوا
ونفسياتهم حلوه مع بعض بس وش الي خله يسوي كذا بس اكيد رفاق السو الله ياخذهم
المهم في بيت اهلها ارسلها سامحيني ويعتذر وماادري ايش تقول طلعت الي بنفسي كله
تقول كان يعتذر ويبي يسوي اي شي علشان ارضى
وقلبها رق شوي ماادري ليه الحرمه تضعف على طول تقول جا ببالي عيالي وانا حامل
مابي المشكله تكبر اكثر اخاف يسفهني بعدها وكان يترجاها انها ترجع و المهم تقول نمت بس يوم عند اهلي ومن بين الرسايل اخر شي تقول اني سامحته على شرط
انها تتفاهم معه في البيت وجه لوجه قال خلاص رجعوا البيت من بكرا وتقول توقعت القا هديه كلعاده بس مالقت قالت احسن
المهم تقول هديت عيالي ورحت للغرفه وجلسنا نتناقش اعذاره كانت مو مقنعه بس هو كان منحرج ولا يالله يتكلم شوي الا يفتح الدرج ويطلع الهديه قلت لا مابيها
قال مو علشان ترضين هذي علشان حملك خلينا نبدى صفحه جديد ومن هالكلام وقالت له اوعدني و صفو اخر شي على التراضي و****لله بيفتحون صفحه جديده
وعدت ايام وتقول بشوف صدقه من انه ترك البنت والا لا وصار انه تركها
خليته فتره وارجع الاحظ عليه حركات غريبه طبعا هي تشيك على جواله وهو مايدري وتتفاجأت بطلعه حاط قفل لجوال ؟؟
وتقول سكت ما قلت له ليش وبطريقه ما تصيد عليه رساله مرسلها لنفس الرقم ولا ومكالمات الله ياخذهم الكلاب انهبلت تقول شيب راسي وش اسوي هو ماايدري اني
داريه قالت مابقالي شي واولد وهو رجع لحالته انهبلت منه تقول اخاف اكلمه نفس الشي يسلكلي واذا ولدت رجع يكمل معها ويخلاله الجو
وش اسوي ضايقه بي الدنيا ودي اعلقه هو وياها الله ياخذها
ودي امسكه واهزأه ودي ودي ودي بس ماابي اخرب حياتي بس بداخلي قهر قهر قهر منه
ليه هذي هديه ولادتي مقدما يعني
هذا بدال ما تخفف علي هم الولاده تزودني هم
بالله عليك وش اسوي معه كلما شفته ودي اصطره على وجه احسه كذاب
ماعاد فيني صبر اسكت بس اصبر نفسي ابي حل علشان ينهي هذا العاده للابد
ابي حل عقلاني علشان مااخسر بيتي واصير بنفاسي نفسيتي حلو مااصير مكدره
ياربي ارحمني برحمتك
انا حطيت نفسي بكانها والله اني شبيت منه بجد وش الحل معه؟؟
قلت مالي الا اشاور اكثر عدد من البنات او الأمهات الي اكيد تليعو من الدنيا بسبب رجالهم لكن بصبرهم قدرو انهم يرجعون حياتهم حلوه وهاديه
ارجوكم لا تبخلون علي خلونا نساعدها
انا في انتظاركم