زوجي وتصرفاته الغريبه

1. ورجعنا ولا أتكلمنا إلا بحدود الرسميات


2. لكنه جلف وقاسي رغم إني حلوه وأدلعه وأتكشخله حتى وأنا تعبانه

مساء الخير
ااناكتبت مشكلتي قبل كم يوم وهوه إنه أنا وزوجي أتخاصمنا على مكان ولادتي إن شاء الله هوه يبغاني أولد بحكومي وأنا بولد بخاص حتى لو على حسابي قام وقلي إنتي طالق
تخيلوا
المهم ورحنا لشيخ وقال لاتحسب طلقه لأنها وقت غضب

ورجعنا ولا أتكلمنا إلا بحدود الرسميات

أنا زوجي أحسه متغير عليا أولآ ماينام معايا بكثره مثل أول إمكن لأني حامل طيب مو مشكله
ثانيا ساير بخيل ويحاسب عالريال هذا وأنا أكثر أغراض البيبي الجديد جبتها حبه حبه من مصروفي وثالثآ جنني مايبغى يجبلي خط ثابت ولو أستقبال أكلم فيه أهلي ولا يشحنلي جوالي هذا وأنا متغربه معاه لمدينه ينبع وإحنا من المدينه ولا عندي صحبات بينبع ولاجيران ولاهوه يجلس معايا حتى مايتمدح فيا ولايقولي كلام حلو زي الرجال خصوصا إني محتاجه كده إنتوا تعرفوا الحمل كيف يخلي الوحده تحزن وناقصه حنان

لكنه جلف وقاسي رغم إني حلوه وأدلعه وأتكشخله حتى وأنا تعبانه

أمس أتكشختله وأنتظرته يجي من بره والله إنه جا زي الصخره متنح ويجيب المرض ودخل ينام
وأنا من يوم ماطلقني أنام بغرفه تانيه قمت وشبكت الثابت وكلمت أختي ودخل عليا وهزأني قدامها وقالي قفلي السماعه وقالي أنا الربوع بوديك بيت أهلك وإنتي تصرفاتك مهي مريحتني وإنت ملعوب بمخك من ده الأسبوع اللي كنتي فيه عند أهلك
صدمنى؟أخر شي يشك فيه
أصلا بالله عليكم مو من أبسط حقوقي يكون فبيتي تلفون ولا لا؟
خلاص رفع ضغطي كل يوم يقلي بآخذ حرمه ثانيه تحترمني و تسمع كلامي
أصلآ هوه يكلم عالجوال ألف وحده ووحده ومتحمله ويجلس عالنت بالساعات يتفرج على أفلام.......مافي داعي أقول
وصابره ومحتسبه
خلاص مدري إش أسوي معاه أنا حامل وتعبانه بمافيه الكفايه
هوه كان يموت فيني بس مدري إش غيره قولولي كيف أعامله وإش أسوي معاه الطفش والقهر جننوني
وعارفه إنه مشكلتى ولو جزأ منها راح يمس أكثر اللي يقرأوا قصتي لأنه بكل أسف شبابنا السعودي أندمر وكبريائه وتسلطه غلب على تصرفاته
وشكرآ لكم