زوجي وصديقتي وحزني كبير ساعوني محتاجه لقلب حنون

بسم الله الرحمن الرحيم
اخواتي وحبيبات قلبي عضوات الفراشه النسائيه انا ضايق صدري ولعلي القى عندكم مايريح خاطري ويهدء بالي ...؟
انا يمكن اطول عليكم في قصتي لاكن محتاجه لاحد يسمعني يفهمني يدلني للطريق الصح
انا متزوجه من 10سنوات عايشه حياه جميله ولله الحمد والمنه طبيعي يحصل بيني وبين زوجي نقاشات بس ماتطول وماتاخذوماناخذ من خواطرنا بالزعل كثير ونرضى
اقترح علي بيوم من الايام ادرس وكمل دراستي ومن درست ماشفت خير جلست ترم كامل ادرس ماتعلقت باي احد بعدها تعرفت على وحده من زميلاتي بالفصل وصارت علاقتي بها اشدمن الاخت واختها انا لوتكلمت لكم عن حياتي مع صديقتي مانتهيت
المشكله زوجي عارف انها طيبه بس الاختلاف بيني وبينها الطبائع نوعا ماء والله انها قمه بالاخلاق مالها ولاعليها انا اصلامن درست تغيريت كل حياتي مومعناته اني مقصره في شي من ناحيه بيتي وزوجي لا..بس طيبعي تغيرنظامي والله ثم والله اني ماقصرت من ناحيه زوجي بشي بيتي لوانا بعزاختباراتي بيتي تقل فيه شغاله عيالي كل شي نظيف وتمام.. قلت ومن الطبيعي زيارتي حتى اهل زوجي واهلي وصديقاتي اللي قبل صاروا يقولون لي لاعادت على هالمدرسه اللي قطعتك عنا
كل هذا بصوب ومشكلتي مع زوجي بصوب حاط دوبه دوب صديقتي والله ماعمره دخلت وانااكلم الاوسكرالسماعه علطول اي كان المتصل واذا كان بيدي الاب توب قفلته ومايدخل ينام الارجلي برجله بالعطل اتبهذل منه ومن نظامه نامي معي وقومي معي بالعربي زوجي يبغان آله يمشيها ويحركها بكيفه بس انا تعبت مليت طفشت من هالوضع وكم مره اقوله اذا تملكني املكني بطيبك موباتركي خلي روحي تعالي وهذا يصلح ومايصلح
مستحيل احد يجي لمي الاوازمل جاء زوجي بيرتاح بينام صارن خواتي لاجن لمي وهن لهن شهرين او3ماسيرن في بيتي يزملن عكسهن هن ينامن ويسهرن مع بعض
هوموانسان شرير اونحس لاجدا رائع ومحبوب من الكل اهلي واهله لاكنه يبي يملكني له
وهذا من سابع المستحيلات
صديقتي هذي من العام معي والله ثم والله ياوقفت معي مواقف الكل يشكرها مواقف ماتاقفه الاخت لااختها ويمكن الام ماتسويه لبنتها وهوشايف ومع ذالك قاهرني فيها
خلاص يكفي لاتجي لاتكلمينها خفن شوي انا ماحب كذا لاجاء طاريها تغيروجهه وهي ماعمره جت وهوبالبيت هي فعلا شبه يومي اشوفها بس والله غالبا ماتجي وتروح مايشوفها ولايدري
صديقتي هذي..؟انا جلست على سريري شهرمريضه تركت زوجها وعيالها وبيتها رايحه جايه لمي تشيلن وتحطن وتطبخ لي وتاكلن ورقدت بالمشفى اسبوع والله ماوقفت جنبي لااخت ولااخ هي اللي وقفت جنبي ولاجت تروح من عندي بليل دمعتها على خدها تقول سامحين
المشك له
زوجي مايطيقه تعبت منه كثرت مشاكلنا وهواشنا بسبب هالشي يقول تغيرتي والله ماتغيرت صديقتي اكثروحده تعرفني تقولي والله ثم والله اني اذكرالله عليك بتصرفاتك معاه معيشته بالطول والعرض واخذحقه كامل وش يبي
اي نقاش يصير يقول كله من صديقتك ويلعن ويشتم فيها لين مليت مره وقلتله احبه اعزه اموت فيها عندك شي وين اهلك واهلي عني وعن اخباري
قالي خليها تنفعك هي ماضرتن اصلا
ومره تهاوشنا وقالي اختاري انا ولاهي قلتله اللي نزلت راسك لمستوى صديقتي ومنت عارف وش انت بحياتي اختارها هي ...؟
والله لاصارطالع امسافريسالن من عندك وين صديقتك ولاصارفيه قال لاتقربنا
مره سالني لوكانت صديقتك مطلقه ترضين اتزوجها ومارديت عليه
هي اكبرمن ب7سنوات
اكبرعيالها ب2كليه ولها 5اولاد وانااكبرمالي برابع ابتدائ ولي 3اولادبس
يقول وش تبين بالعجوز
توها كلمتني وقالت بتسمع صوتي وتشوف اخباري قبل لاتنام كان جنبي وقالت لي شي قمت ضحكت بقوه وناظرته تخيلوااخذالجوال وسكرالسماعه بوجه صديقتي وهالشي مواول مره يسويه وجدع الجوال
قمت هاوشته وشتمته واتصلت فيها وقلت معاليش المجنون سوا كذا
قال تستغفليني تحسبيني غبي
تعبت منه ومن تصرفاته
المشكله هوشايف الكل يحبها اهله واهلي حتى عيالي صرت ماجيب طاريها لدرجه اني لاصرت اكلمها ودخل اقول اختي اكلم اوحدا صديقاتي بس موهي
ايش الحل انا طولت عليكم والخافي اعضم
وللمعلوميه زوجها اشدمن زوجي بس تقريبا هي تقوى زوجها اكثرمني
قالت لي شوفي ياقلبي والله لواحس بيوم من الايام اني عبء مشاكل عليك وربي لانسحب من حياتك لاني اتمنى لك الاكل خير
وش اسوي ابي ارتاح
والله ماقصرت معاه ومخليته على كيفه وماعمري قلتله لاتروح ولاتجي حتى لوحب يسافر بخليه يسافرماحرمته من اصحابه ليش يسوي معي كذا وهوعارف اني احبها وراحتي كله معها انا انسانه صعب ارتاح لااي مجلس
ومجلسها يريحني وهوعارف
ساعدون تعبت مليت زهقت منه ومن العيشه معاه وتصرفاته
انتظرردودكم بمايمليه ظميركم عليكم