زوجي وغرفه النوم دعوه للحوار

السلام عليكم يافراشات ياحلوات
يالغاليات انا حبيت اطرح عليكم هالموضوع واتمنى من كل وحده مرت باللي مريت فيه تتفاعل معاي
السالفه ومافيها ياطويلات العمر انا متزوجه من 4 سنوات السنه الولى احلى من العسل :ق1: والثانيه زي العسل والثالثه كلها بصل
اما السنه الرابعه وما ادراك مالرابعه بدا فيها الثوم مو البصل
سؤالي الحين ياحلوات انا زوجي من دخلنا السنه الرابعه من زوجنا وهو يقول انا ماحب غرفه النوم واذا جيت انام فيها احس بأرق يعني بالعربي بدا ينام بالمجلس ويقول انه يرتاح فيه والحين صار له سنه وهو يقضي حاجته معاي ويروح يكمل نومه بالمجلس
غيرت نظام الغرفه . شغلت فيها سوره البقره يوميا . غيرت مكان غرفتي كلها وغيرت الغرفه بكبرها لالالالالالالالالالالاكن بدوون فائده ماتغير فيه شي
والحين يابنات من صار لها نفس اللي صار لي وزوجها ماينام عندها قولوا يابنات وريحوني
اتمنى كل وحده تشارك تدعي لي ان زوجي يرجع لطبيعته