زوجي يخونني ابي مشورتكم

صباح الخير
صراحه مدري وش اقول هاذي اول مشاركه لي بالمنتدي
احس اني مصدومه من زوجي اللي عمري ما شكيت فيه صراحه الحين ماقدر اطول بس المهم اني قبل شوي بعد مانام زوجي وبنتي
جيت ابدخل النت شوي وشفت جهاز زوجي مفتوح قلت خلاص اتصفح شوي واروح انام ويوم جلست عالنت لفت انتباهي الماسنجر انواع
ايميلات بنات بهاللحظه شكيت بس حسيت اني ابي اتاكد ودخلت الصادر والوارد وكانت الصدمه انواع الرسايل والايميلات وانواع الكلام اللي
حتا انا مايسمعني اياه
الحين انا مادري وش اسوي اروح بيت اهلي او اكلمه واقوله اني كشفته او اطنشه وهاذي اتوقع انها مستحيله لاني مرره مقهوره
او اكلم امه و ابوه اللي اعتبرهم مثل اهلي
ابيكم تنصحوني لاني خايفه انه يكلمهم احس انه هالاسبوعين طلعاته كثيره يقول انه مع اصدقاه وهو اللي كان زين اذا شافهم بالشهر مره
الله يخليكم مدري وش اسوي ردو علي قبل يقوم من النوم

الله يعينك
انا اقول حاولي تتفاهمي معه بهدووء وافهمي منه
واسمعيه وش بيقول لك وحاولي تحلي المشكله بعقلاانيه
انا معك ان الموضوع يقهر بس حاولي تضبطي نفسك
وافهمي منه ليش هو سواء كذا وانتي وش مقصره فيه معه

عيوني
لاتطلعين من بيتك ولا تزعلين ولا تقولي له
شوفي انتي وش الشئ الي خلاه يسوي كذا
لاتقولين انا وانا
امكن والله صح انتي مظلومه ومسكينه على نياتك
بس الزوجه الصالحه الذكيه هي راح تشوف وش الشئ
الي شافه في بنات الناس وماشافه فيني !!؟؟
راح تقولين ماأقدر
لاتقدرين
لعيون تكرم مدينه
واعرفي تمام المعرفه زوجك هو شريك حياتك ومافي انسان مايغلط
وانتي سوي الي قلته لك
وفكري زين الزين
قبل ماتبدئي اي خطوه
وادعي دايما انه الله يهديه ويرجعه للطريق المستقيم
(( ولا تنسين انو بنات الحرام الله يبعدنا عنهم ماماتوا )))
وربي يسعدك يارب

الله يكون في عونك ويهدي زوجك يارب مآ عندي حل بس ما حبيت اطلع وانا ما دعيت لك

الله يجزاكم خير ادري يمكن اكون مقصره معه باشيا بس كل شي ولاهالشي
ماددري يمكن لاني كنت واثقه فيه حيل والله مادري احس اني مجروحه
المشكله انه زعلي يبين بوجهي ماقدر اخبيه
اه يابنات لو تقرون الكلام والله مااقدر اتحمل

الله يبعد عنا الفتن وبنات الحرام ياارب
شوفي حبيبتي انا ماعندي خبره كثيره فالزواج توي مالي سنه
بس والله شئ يقهر اللي شفتيه وانا حاسه فيك والله بس انصحك بالحكمه والذكاء فتعاملك معاه
انا فكرت لو اني مكانك(لاقدر الله) ايش راح اسوي
فأقولك لاتقولين له انك فكيتي جهازه او فتحتي ماسنجره لانه راح يقلب الموضوع عليك ويطلعك انك انتي شكاكه وانك مو واثقه فيه وتراقبينه ويقلب القضيه عليك هم كذا الرجال
انتي حاولي تشوفين الاسباب الي خلته يسوي كذا وعالجيها يمكن دخل بينكم الملل والروتين فبادري بتجديد حياتكم وغيري من شكلك وتلبسي ودوخيه خليه مايشوف ولايسمع غيرك عشان يعرف انه مستحيل يعيش من دونك انتي وبنته
ولمن يصحى لاتفتحين معاه الموضوع مباشره بس حاولي تناقشين معاه موضوع يشبه له يعني مثلا قوليله قريت قصه فالنت كذا وكذا وصاحبة القصه طلبت اراءنا وانا قلت لها لاتسكتين له سيبي له البيت انتي وبنتك وانه زوجك مايستاهل احد يجلس معاه الخاين اللي ماعمل حساب لشريكة حياته و
خليه يعرف رأيك فالموضوع ويمكن يتراجع عن اللي هو فيه عشان مايفقدكي
وحسسيه انك لو انتي مكانها ماراح تسامحينه ابد
واسفه عالاطاله بس حبيت اوصلك الفكره ويارب اكون افدتك لو بشوي
والله يوفقك

والله حاسين فيك
الخيانه مو الشئ سهل من شخص عاادي ماتربطه بينك وبينه الا صداقه او معرفه عاديه
كيف لو كان هذا الشخص تؤم رووحك وشريك حياتك
!!!!!
بس وشتسوين
الله اذا احب عبدا ابتلاه
وترى هالمشاكل اعرفيها
انها راح تقويكي من الداخل والخارج
وراح تشوفي
اذا انتي حليتي هالمسأله بعقلاانيه وذكاء وحب
ولاتستسلمي تخلين اي وحده تضحك على زوجك
زوجك انتي وبس
والشيطان مامات
بسألك انتي شوفتي قناه العفاسي
لما يجيبوا مقطع عن الحياه الزوجيه
وعن الشياطين كيف تتباهى بلي تسويه
وانه الشيطان الي يفرق بين الزوج وزوجته كيف يكون احسن وافضل واحد فيهم !!
ماني حافظه الحديث
بس إن شاء الله وصلت لك المعلوومه
روحي الحين استهدي بالله وتوضي وصلي لك ركعتان واقراي قرآن
وخذي لك كاسه نسكافه
واجلسي فكري زين
عندك حوش ولا لأ ههه
عشان تجلسن فيه وتسترخي
حشا لو دخل زوجج وانتي مسترخيه بقول نانسي عجرم دخلت بيتي وانا مدري
ههه
ربي يسعدك يارب
ويفرج همك وتنكتب السعاده لك طول عمرك يارب

والله مادري وش اسوي احس اني ماقدر وخليه يقول اني فتحت لابتبه خير يا طير بعد تتوقعين له عين
اللي قاهرني اكثر اني قبل اسبوع شفت وانا ماره بدايه ايميل وان فيها اسم بنت قام جا بسرع وقفلها وماقدرت اقرا غير الاسم
انا زعلت هذاك اليوم وجلس يحاول يراضيني وقالي انه هاذي اخته من بوه عايشه برا وماحد يدري عنها الا هو واخوانه
وقام يبكي ويقول لاتشكين فيني قمت صدقته وراضيته
بس الحين اعترف اني صدق مغفله وقدر يضحك علي
احس اني خلاص ماقدر اصدقه او اثق فيه بيوم حتي ماقدر انام معاه علي سرير واحد

حبيتي اولا بما انه الموضوع فيه أكثر من بنت فالحمد لله هذاأهون لأنه واضح انه يتسلى .... البلا في اللي متعلق بوحدة فهذا صعب تفتكي منها
ثانيا لا تفكري ابدا تتركي بيتك ابدا فهمتي ؟
ثالثا اللي صار لا يطلع لأحد مهما كان لأنك ماراح تستفيدي شي غير ان الموضوع يكبر و تصيري حكاية و رواية
رابعا لا تصارحيه ابدا ... الحريم يعتقدوا انهم لو واجهو الرجال راح ينتفض و يخاف و يسمع الكلام ... لا يا حبيبتي الرجال مو زي الحرمة كل اللي راح يصير انه يقلب الطاولة عليكي و تلاقي نفسك فجأة انتي المتهمة و هو البرئ المسكين
خامسا " إن الله لا يغير ما بقوم حتى يغيروا ما بأنفسهم " راجعي نفسك تصرفاتك مظهرك أسلوبك مع زوجك و اعملي على تعديل اخطائك
سادسا حبي نفسك و دلعيها و اهتمي بها علشانك مو عللشان زوجك .... لو حبيتي نفسك راح تلاقيه هو تلقائيا بدأ يتعلق بك و يميل لك بس مع الوقت
سابعا الصبر ثم الصبر ثم الصبر مافي مشكلة تنحل بين يوم و ليلة ... الجئ إلى الله و قوي علاقتك به و اكثري من الاستغفار و ابشري بالفرج
ثامنا استشيري مستشارة اسرية
و ربنا يكتب لك الخير و يغير احوالك الى احسن حال