زوجي يخوني ساعدوني

1. انا عندي مشكله وماني عارفه احلها


2. وانا يابنات والله خايفه كاني انا الغلطانه

مرحبا بنات

انا عندي مشكله وماني عارفه احلها

انا متزوجه من سنتين في بداية زواجي عرفت ان زوجي يكلم وحده راح تسالون شلون عرفت؟؟
مره كنت توني راكبه مع زوجي السياره هو كان ينتظرني فيها ويتكلم بالتلفون الصدمه ان اول ماركبت كان هدوء بالسياره وصوت اللي تكلمه واضح حيل انا هني صعقت وسكت وكنا كتفقين ان بنروح مطعم نتغدى هو سكر التلفون وعادي يسولف ويضحك وانا مصدومه المهم اول مادخلنا المطعم قلت له ابي تلفونك شوي لان تلفوني مافيه رصيد واخذت اخر رقم وحفظته بسرعه لان نفس رقم خالتي بالضبط يفرق رقم واحد وواجهته وطبعا انكر وطلعني انا الغلطانه والمهم تزاعلنا فترة اسبوعين وكل يوم يراضيني وبعدين رضيت
واتصلت مره من تلفون اخوي الصغير عمره 10 سنوات عالى الرقم وردت علي وحده عندها ازعاج اطفال وصوتها كبيره بالعمر والله يابنات كان زوجي نايم اول ماقعد اتصل فيني يسالني عن رقم اخوي يقولي تعرفين هالرقم وانا انكرت وقلت لا لان هو مايعرف رقم اخوي الصغير وانا انصدمت شلون بهالسرعه بلغته المهم قلت ابي انسى الموضوع دامه زين معاي ومايرضى علي ويعاملني بكل حب
وكل هذا وهو بعده مو معترف ومنكر علاقته بهالبنت وانتم تعرفون الرجال مستحيل يعترف بغلطه
ومرت الايام وشفت نفس الرقم يدق وهو مارد لانه نايم وعلى طول بعد الكالمه مسج عرفت ان منها بطلته ولا تطلع هي وكاتبه (كنت بسمعك شي) انا مسحت المسج على طول واول ماقعد جاتله مكالمه وناداني وسالني انتي متعبثه بتلفوني قلت اي قعد يخانق ورد نام واول مره اشوفه جذيه معصب

وانا يابنات والله خايفه كاني انا الغلطانه

وبعدها مرت الايام ولا يجيني مسج منه بس بالغلط واضح انا مرسله لها يخانقها لان فيه اسماء ماعرفها وعلى طول ارسلت له (فتح عيونك قبل لاترسل) وبعدها دزلي مسج مو هو المرسل ولد عمه ارسله بالغلط وقام يتعذر باعذار ما تنتصدق ومع هذا ما اعترف وبعدين ومرت الايام وانا قاعده اشوف الرسائل الوسائط اللي عنده كنت ابي صورة ولدي ولا اكتشف رسالتين منها وسائط.
مع العلم ان هو يمسح السجل اول باول ويتحجج ان تلفونه خربان
بنات انا احترت معاه انا والله مافتش وراه بس المواقف هي اللي تصير قدامي بدون ما اروحلها تجيني
انا اخاف يكون زوجي يحبها لان زوجي حيل محترم بشهادة الكل وتصرفاته شايب مو على عمره وماعنده خرابيط وانا صارلي سنتين عمري ماشفت عليه شي غير هالبنت
انا اقول لو بنات واجد قلت يحب يخربط بس مرده لي لكن هو علاقته بس بوحد وانا خايفه
مع ان يابنات والله مو مقصر علي بشي لو اطلب عيونه ماردها عني وحنون علي
شسوي بنات ريحوني