زوجي يغار مني وعلي

1. مساء الحب على كل فراشه تدخل

مساء الحب على كل فراشه تدخل

انا سالفتي تضحك والله العظيم وتبكي بتفس الوقت ياطويلات العمر انامن ولدت صارلي 6شهور وحياتي غير من طلعت من النفاس وزوجي تغير او انا تغيرت صرت اغار عليه وهو الصراحه يسهر بليل الى الفجر وانا بعد الولد طلعلي لسان اول كنت استحي او اقول ابخليه على راحته وانا مااكذب عليكم كان مخليني على راحتي من ناحيه الطلعه والروحه وكان عادي واذا قلتله ابطلع مع اختي يقول روحي ودربالك علي نفسك يمكن عشان كنت حامل وشكلي يضحك عنده الوضع عاديوتعرفون بعد النفاس الوحده تطلع دب وصارت شوي مشاكل بينا وانا كنت اعصب وازعل المهم قبل شهرين يا حبياتي انا غيرت نفسي بنفسي يعني سويت رجيم واشتركت بنادي رياضي وضعفت وصار جسمي روعه ورحت طبيب الاسنان وسويت تبيض روعه حسيت بثقه عجيبه صرت كله اضحك وماقمت اهتم فيه مثل قبل معني مومقصره بحقوقي الزوجيه مثلا كان يتاخر صرت اطنش وانام انا ولدي شاف الوضع جذي صار يجي بالساعه اللي انا محددتها عشان يشوفنا قاعدين ويستانس والله العظيم صرت ماادق عليه الا للضروره قبل كنت ادق عليه كل شوي حتي هو قالي شنو مباحث وتغيرت حيل للاحسن حتى صرت ارحم نفسي من التفكير فيه وهو صار يغار علي حيل سبحان الله كان انقلبت لايه علي وصار لاتحطين مكياج وليش تبيضين اسنانك انتي جذي حلوه وحتى كنت ابسوي قمازه عمليه تجميل صغرى حلف على بالطلاق اذا سويتها واقوله ابركب كريستاله حق اسناني يطالعني ويضحك ولاتروحين الا ومعاكي اخوكي الصغير وموعد تردين البيت الساعه 9 وحدج 9ونص وحتي صار يتحكم بعلاقتي مع صديقاتي وتصدقون انا ماخذه الموضوع كله ضحك بصحك
الخلاصه اهتمي بنفسك اولا هو يهتم فيكي والدنيا ماتسوى الزعل
العالم لايهمه ان كنت تبكي او تضحك فالافضل لك ان تضحك