زوجي

--------------------------------------------------------------------------------
السلام عليكم
مشكلتي باختصار
متزوجه من 4 سنوات .. زوجي طيب الى حد ما .. لكنه عصبي الى حد كبير
تغير دوامه وصار عنده فراغ اكثر .. لكن بديت ما اشوفه زي اول
كان يرجع البيت بالليل بدري شوي ونسهر ونسولف .. وما افقده .. لان غيابه عني بالنهار اعوضه بالليل
بال5 وال6 ساعات ومرات اكثر
صار له شهر او اكثر
من بدت العطله حقت رمضان
وسهر الشباب .. بدا يسهر بالاستراحه لحد 1 و2
سكت .. قلت دامه مايمنعني اروح لاهلي خلاص على راحته .. واعرف مرات مع مين يطلع
وادري ان شاء الله انه باشياء حلال ..
لكن بديت أمل .. ولمحتله مره وتضايق .. وقال انتي ماتبين وناستي وتحبين النكد
انا عمري مامنعتك من طلعه وروحه لكن انتي تبين تخربين على نفسك...
سكت ومرت الايام بدون اي تغيير
قلت يمكن يمل
لكن لاحياة لمن تنادي
الايام تمر عندي روتينيه .. لو اقول له خلنا نطلع .. يقول مشغول ... ياساتر مشغول من شهر!!!
انا ادري انه عنده التزامات ماديه لازم يسددها بفتره معينه
لكن انا وين حقي عليه.. ابي ارفه عن نفسي
المهم امس انا عند اهلي وقال لي بتاخر اتصلت عليه الساعه 12 قال تونا نلعب دوري بلايستيشن كورة
بتاخر مره
ارسل لي رساله مسوي فيها طيب
يقول:
قلبي اليوم فيه الشباب جايين من برا من زمان عنهم بتاخر للساعه 4
هنا انقهرت بس قلت منهم؟
وقال لي اسمهم
رجعت لبيتي مع سايق اهلي
واتصلت فيه وعلمته
رجع ماشالله 3 ونص <=== مبكر بنص ساعه
ويقول راسه يعورة .. عطيته بندول وعلى اني زعلانه .. بس بينتله انو كل شي عادي
انا كنت مزكمه وكان يبي (....)
وحاولت ارفض لاني اصلا متضايقه من سهره .. فوق كذا اني مريضه ... بعدت عنه وقال تبين ازعل عليك؟؟
جيت له غصب عني لاني ما ابي مشاكل
واطلع اللي بقلبي وهو ناوي(...)
قلت ليش تسهر وتخليني انت وعدتني تخليلي يوم خاص فيني
المهم قلت انت ماتحبني لو تحبني ماتسهر برا البيت
:
قام عني وقال انتي تفتحين مواضيع بهالوقت؟مين اللي لاعب عليك؟؟
:
وقايلك قولي لزوجك اللي تبينه بهالوقت
قلت كل شي اسويه تقول الناس معلمتك؟؟ ليش انا ماعندي تفكير واحساس .. اتحرك من كلام الناس؟
قال تكفين قفلي الموضوع وخلينا ننام .. خلي هالليله تعدي على خير.. وهالشي مو اكبر همي لو اصبر عنه سنه
وفعلا صار اللي يبي .. ومن غير ولاكلمه قمت وحطيت راسي على المخده ونمنا
قمنا وحطيت غداه واكل وسولفنا عادي ماكان صار شي
بس... مو منه
لا والله بس قعدت استغفر وادعي ربي ان الله يعديها بدون مشاكل
طلع عادي جدا .. لا قال بطلعك اليوم ... ولا قال تبين شي....
انا مليت ياعالم احس اني ودي اشيل اغراضي واروح لبيت اهلي
ما انكر انو عنده شغل .. بس حتى ولو هذا الشباب يوميا معاهم لاخلص شغله ...
شسوي تكفون ساعدوني
حاولت اخلي نفسي عادي .. بس لما طلع تضايقت ضيقه مايعلمها الا ربي
انا مزكمه واحس زاد البرد فيني
واشوفه اتصل يقول انا راسي مصدع؟؟؟ حسيتها مالها داعي
قلت خذ بندول .. قال اخذت ... قلتله يمكن من السهر ....
بعدين جا للبيت غير ملابسه بيشوف مباراة عند الشباب ..
ولقاني على سريري مالي نفس
قال اجيبلك علاج قلت لا.. وطلع
وتو اتصل يقول قومي غسلي وتنشطي
وحطي قناة رياضيه شوفي المباراة ولك مني عزيمه بكرا ....
بس احس للحين مزاجي تعبان
مدري لاني مريضه والا هموم قديمه والا مادري