زيت عافيه الحلبه مضاره ومنافعه

ليوونه2005

26-06-2022 - 06:34 pm

أنا إستخدمت خلطة الزيت والحلبه اللي كاتبتها وحده من البنات هنا...ووقت إستخدامها كان شعري حلو....لكن بعد ماتوقفت عن الخلطة صار شعري يتساقط بشكل فضيع....مع إن شعري قبل ماأستخدمها رائع....
ولا أدري الحين هل السبب هو من الحلبه وإلا لا؟؟
إذا فيه وحده إستخدمتها تعلمنا عن نتايجه بعد ماوقفت الخلطة
وألف شكر

التعليقات (9)

هناء العراق

26-06-2022 - 09:30 pm

عزيزتي
بصراحة أنا من زمان أعلم أن زيت الذرة يسبب التساقط
لكن ما أحب أعلّق على ما يمدحونه البنات
لأن احتمال هم ما يتساقط شعرهم
هو صحيح ينعّم الشعر
بس يسبب التساقط
الحلبة بالعكس و عن تجربة جيدة للشعر
بس لا تكثري منها
أنا جربتها مع زيت البصل
زيت البصل ينباع عند العطار بدينار واحد صناعة سعودية
تضعين غرشة أو بطل زيت البصل مع ملعقة و نصف حلبة و تنقعينه لليوم التالي بوعاء
ثم تضعينه على شعرك لمدة نصف ساعة أو ساعة كحد أقصى
المهم راجعي للتساقط و خذي حبوب فيتامينات
أنصحك
ب
Pantogar
صناعة ألمانية
و هي ليس لها مضار

ر يم نجد

26-06-2022 - 10:31 pm

ياليوونه 2005صدمتيني ان سويتها واليوم كنت ابغى ابدا فيها لاني صراحه تعقدت من سقوط شعري
خوفتيني منها وانا لحد الان ماستخدمتها

بنت الفدعان

26-06-2022 - 11:32 pm

انا استخدمها بس ماصارلى لى تقولين بس اتذكر اول مستخدمتها بس بعدين يمكن قاعد يطيح الشعر الميت ويطلع بدلة شعر جديد

رفيقة الحب

27-06-2022 - 12:33 am

بالفعل زيت الذره يتساقط الشعر فتره ولاكن
بعدها يرجع بس انا سبب لى قشره فضيعه
ولاكن الحلبه روعه للشعر ,,
وهذا عن تجربتى انا ,,

*الجوهرة_قطر*

27-06-2022 - 01:34 am

أنا جربت الوصفه من 3 سنين في البدايه يغلظ الشعر لكن بعد شهرين تقريبا يبدا التساقط العجيب
صراحه ماأنصح حد يستعمل هالخلطه

بنت عروس الشمال

27-06-2022 - 02:35 am

انا انصحك
اان شعرك دهني لاتستخدمينها
( اسئل مجرب ولا تسئل طبيب )

جـــــــورية الكـــــويت

27-06-2022 - 03:36 am

عزيزتى انا بقولج شغله ترى النفسيه وتغيير الجو ياثر على الشعر
الزيوت ممتازه لتغذيه الشعر استمري عليه بين فتره والثانيه حطي فى بالج ان الجو ياثر والنفسيه كثري من الفيتامينات والاكل الصحي والخضراوات
ان شاء الله افتج بالتوفيق ياقلبي

الجاازي**وبس*

27-06-2022 - 04:37 am

انا بعد جهزت الخلطة وبدات بها وبقول لكم علي النتائج بعدين

زهرة البرية

27-06-2022 - 05:38 am

بنات ليكون أنا شعري يتساقط من زيت عافية و الحلبة مو معقول أصلا أنا يوم وقفته فعلا تساقط شعري و طلعت المطبات إلي كانت موجودة قبل إستخدامه و بصراحة قمت أوسوس قلت يمكن منه لكن يوم رحت الدكتور قالي من فقر الدم التساقط و عطاني حديد وفيتامينات للشعر و شامبو بس للحين شعري يتساقط ، قلت برجع للزيت و ياربي على النعومة بعد ما غسلته خفت المطبات بس التساقط موجود حبيباتي الفراشات قولوا لي شسوي إحترت .

فيتامينات للشعر هى الحل الاكيد الكل يشارك←
عندي سؤال ياليت الكل يدخل يشوف→