سؤال عن أي شادو من ماك

لا حول و لا قوة إلا بالله
لها الدرجة السؤال صعب

ههه
مب صعب بس اللي يدخلون و اصابعهم تألمهم ما تكتب على الكيبورد وايد ..
عموما قبل لا تحطين الشدة حطي كونسيلر ووزعيه فوق و تحت العين و حطي الشدو ..
و ردي علي اذا ضبط ..
و هذي صورة افضل كونسيلر للشدو لانه غالبا لازم يكون سميك مو خفيف و يغطي الجفن بدون فراغات..
و موجود في جميع الماركات لا يشترط ماركة معينة .. عموما عزيزتي هذه الطريقة تستخدم لجميع انواع الشدو مو لماك بس .. حتى الرخيص ..
و احنا في الشوفة
تحياتي

اذا تبينه يثبت حطي قبله بيس للعيون من ماك او من مكياجي اللي على شكل قلم

مع كلام البنات
استخدمي كونسيلر قبل ماتحطين الاي شدوو
او مثبت من مكياجي
وبالتوفيق

لازم تستعملين
كونسيلر

الشيخة &&انا&&
الامر مايحتاج كونسيلر بعد ماتحطين الاساس مضبوط بللي الريشةالمخصصة للدمج _من ماك_ بماي وحطيها في الظل بحيث تاخذين اللون المطلوب وابتدي حطي الظل على جفن العين باتجاهين متعاكسين ليحد ما يتغطى الجفن كله وعقب نظفي الريشه عدل وبلليها مرة ثانية ومرري الريشة على قوس الجفن لتمويه الظل لأعلى بحيث يخف لونه تدريجيا واذا كنتي حابه ترسمين العين من تحت بالظل فسوي نفس الطريقة مع مراعاة تغيير الريشة بحيث تكون مايلة ودقيقة

نصيحتي انا لك استخدمي كونسيلر فور ايفر افضل نوع
ولاتستخدمين الكونسيلر القلم الجاف لانه مع الوقت يبرز التجاعيد
واذا كنتي تبغين اي شدو اسود وكويس
استخدمي " كربون " من ماك مااظنه راح ينزل او يسيح

الله يعطيكم العافيه يا أحلى بنات