سؤال للأمهات الي عندها عيال

انا متزوجة وعمري 22 سنة
وربي ما كتب حمل إلين تخرجت. من جد الحياة بدون أولادة مره حلوة سفر وتمشيات وسهرات. وكمان مملة ورتيبة
حملت وبدت العلوم الوحم والملابس والأكل والبطن
قلت متى أولد
ولدت وبدت المعاناة من نفاس ورضاعة ولا نطلع برد على الطفل ولا نطلع حر على الطفل.
وكمان لما زوجك يبغى حاجة في السرير إلا والطفل صاحي
بس الحق ينقال كلمة بابا ماما دلع الطفل وبثارته متعة.
نصيحتي: إنتي من يحدد الرغبة بالطفل أو لا. يعني وين راح يجلس الطفل وقت الكلية و ظروفك المادية والإجتماعية. بنت خالي جلست 4 سنوات وذبحها كلام الناس بس هي مقتنعه

انا تزوجت باخر سنه بالكليه وحملت وجبت مولودي قبل الامتحانات النهائيه يمكن بشهر لكن وقت الامتحانات رحت عند اهلي والحمد لله نجحت وارتحت .. بالعكس المولود يملى عليكم حياتكم
وانتي براحتك ياختي هذي حياتك وانتي ادرى بها

مشكورة اختي على طرح هلموضوع

الحمد لله تزوجت وعمري 18 سنه وأنجبت أول مولوده وعمري بأول20 والحمدلله ومشاء الله الحياة مستقره ولله الحمد
وبعدين ياغاليه فكرة تأخير الأنجاب والأطفال يزعجون فكره غربيه ولا وين كلام الرسول صلى الله عليه وسلم أني مكاثر بكم الأمم 00 تزوجوا الولود الودود 00
وبعدين الأطفال زينة الحياة الدنيا من اللي وصف هذا الله عزوجل ((المال والبنون زينة الحياة الدنيا))
وحرام عليكم ومن متى صاروا الأطفال يزعجون وبالبيت عذاب أن تعبتي على تربيتهم والأب على النفقه فهذا جهاد لنا وسننعم ببرهم لنا في الكبر 00أنا أتعجب من عاطفة الأبوين في هذا الزمان تجاه أبنائهم مايبون يزعجونهم ولا ينغصون عليهم حريتهم و و و ألسنا ونحن صغار أزعجنا والدينا 00وبعدين الحياة الجنسيه هي ليست الحياة بعينها هي في نظري تعبير عن الحب ومطلب للولد لاأكثر ولا أقل وياغاليه أفرحي باأولادك وأنتي صغيره 00ونحن مادام أننا في هذي الحياة فحياتنا في كبدا حتى نلقى الله عزوجل ويكرمنا بجنتها 00
أعتذر عن الأطاله

الله يكتب لك الي فيه الخير

يعني اخذت ذنب عشاني رفضت.؟؟
انا اول كنت رافضه وبشده بس الحين لما شفت زوجي كيف يتأثر لما نروح لسوق ولأهله ويشوف الاطفال فكرت احمل عشان اسعده واطلعه من الحاله الي اشوفه فيها لما يشوف الاطفال وتكلمنا في هالموضوع كثير يعني فلت وين نخلي البيبي لما اروح الجامعه قال زوجي عند امي لاننا ساكنين فوق اهله قلت طيب ام وظروفنا الماديه خلنا نحسن وضعنا المادي اول قال ورزقه بيجي معه وبعدين المال والبنون زينة الحياة الدنيا والله قادر على كل شي ويتحس وضعنا ان شاءالله وكل هذا بيد ربك انتي بس هونيها ولا تفكرين في اي شي ثاني انا ابي افرح ابي استانس ابي جو البيت يتغير ابي ولد يقول لي بابا ..
تقطع قلبي لما قال هالحكي و بديت اقتنع اني احمل بإذن الله بس متردده كثير وخايفة من الآم لما اولد ...
بس ابي اعرف فعلا اخذ ذنب اذا ماحملت وزوجي يبيني احمل؟؟؟
اذا المسأله فيها ذنب لا والله انا مابي ذنوب ..

خلصي دراستك وانبسطي بحياتك بعدين لاحقه عالعيال..
انا جلسست تقريبا 5سنوات وخلصت الجامعه الحمد لله ..وجبت لانا ..
ماقولك انه مو حلو بالعكس مسويه لنا جو في البيت ..
بس زي ماقالت swaleef الايام هدي حلوة وماتنعااد ..بسبب المسؤؤليه الجديده .. :(

حملت وبدت العلوم الوحم والملابس والأكل والبطن
قلت متى أولد
ولدت وبدت المعاناة من نفاس ورضاعة ولا نطلع برد على الطفل ولا نطلع حر على الطفل.
وكمان لما زوجك يبغى حاجة في السرير إلا والطفل صاحي
بس الحق ينقال كلمة بابا ماما دلع الطفل وبثارته متعة.
نفس الكلام
وفيه نقطه ان بعد البيبي رح يتحمل الزوج مسؤليه يمكن يتضايق منها في البدايه ورح يحاول يطلع كثير ويتهرب من الازعاج بس مصيره ينخ اذا عودتيه وحببتيه فيها
نصيحه لا تستعجلين لين تخلصين دراسه

انا عادي حملت وانا بالكليه بس حملت مره ثانيه بعد 9 شهور قدمت اعتذار بعدين صابني زهق وملل ومارجعت
للكليه مع انه كان باقي سنه وحده بس
بس حبيت النوم وعندي ولدين يعني جيبي
واحد وكولي موانع حمل والام الولاده وربي بتنسينها اول ماتشوفي عيونه يسلم دلبوه