سؤال للكل

مرحبا صبايا
كيفكم فراشات اليوم عندي سؤال اله فتره ببالي
هاد يا صبايا انه ليش الرجال بالتحديد مو الشباب الصغار الرجال بعد ال40 او يمكن 50 بتصرفوا زي المراهقين وبتوصل فيهم الدرجه انه يتعرضوا للموضفات عندهم باالشركات بحركات وكلمات ما الها علاقه بالاخلاق
انه كنت احكي انا وصديقه الي عن الموضوع انه حطينا احتمالات مرته ما بترضي او مو معبيه عينه بده يجدد شبابه او هو هيك نسونجي ووقح
يعني ازا مرته ما بترضي وما بتكفي حكينا يتجوز ليش لا بدل ما يتعرض للبنات بس حكينا يمك بتسير فضيحه من اهله خصوصا انه ازا بده يتجوز وحده صغيره لانه ما رح يروح يتجوز وحده كبيره بالعمر وهو بده يعيد شبابه
اما ازا كان بده يجدد شبابه ليش ما بطلب من مرته تغير من حالها خصوصا ازا وضعه المادي منيح عمليات التجميل معبيه العالم
بصراحه انا فتحت الموضوع لانه صار مع اعز الناس علي صديقتي الوحيده مديها بتحركش فيها بكلام وبحركات وبكتير شغلات هو كبير وهي يا دوب 24 سنه
وهو يمكن 50 سنه احنا بنعرفه لانه بئربلها وكنت انا اشتغل معاهم ئبل لا اتزوج بس الحمد لله الله تاب علي من الشغل معه
بس الموضوع مو هون انا بفكر بمرته ام ولاده انه ما بتحس عليه
بدي رد يا بنات هل المراه المخلصه لزوجها المحبه لبيتها وزوجها ما بتحس انه زوجها متغير عليها او انه في شي بحياته
او انه المراه بتحكي شو ما بعمل مصيره يرجع او شي تاني بالله يا صبايا بدي رد الي فتره بفكر بس ما طلع معي جواب
بحب انه اصحاب الخبرات يردوا انا ما بدي افتح جروحكم بس بدي اعرف شو الشعور ئبل ما تكتشفي بالجرم المشهود انه كيف بكون كيف الشك او ما في شك او انتي شو كل اشي
بليز ردوا المره هادي اول مره بكون مصره على رد