سؤال للمتزوجات يستفيد منه العازبات الكل يدخل

ياقلبي هذا نصيب ماله شغل فينا
يعني الحين الوحده تقول ابي اتزوج وتتزوج!!!
لا طبعا
كل شي نصيب وكل وحده بتاخذ اللي مكتوب لها وبأي يوم
تقبلي مروري

يانتظاري ترى هانت
أكيد هذا نصيب والحياة كلها نصيب (الزواج، الدراسة، التجارة،...)كل شيء نصيب ومافيه أحد بياخذ نصيب غيره لكن الواحد يفعل الأسباب ، وإذا الواحد بيقول ماجايني إلا نصيبي أجل أقعدي ببيتك ولاتسوين ولا شي وقولي ماجايني إلا نصيبي ليش تتعبين نفسك..
ومرورك مقبول وشكراً جزيلاً على الرد

ننتظر ردود الفراشات المتزوجات
موضوع رائع واكيد كل شيء نصيب بس البنت
تبي اراء مو كلام من نوع ثاني
الكل يعرف ان الزواج نصيب لاجديد في ذلك!!!
يسلمو ننتظر المتزوجات

انا اقول متى جاء النصيب وارتاح كل واحد للثاني ما فيه مشكله سواء متقدم او متاخر
موضوعك يستحق النقاش

من هي اللي تزوجت بدري وهل ندمت أنها تزوجت بدري أم لا؟؟ ولماذا
انا اتزوجت عمري 20 مادري بدري والا متأخر بالنسبه لك,,
انا احس عمر متوسط والبنت تكون متهيأه للزواج ,,طبعا تفرق من بنت لتانيه
يعني في بنات تلقين عمرها 17 بس فاهمه وتقدر تتحمل مسؤليه وفيه بنات اكبر منها والعكس..
انا من رائي اذا كانت البنت تحس انها قادره على تتحمل المسؤليه وكيف تتعامل مع زوجها واولادها
وجا نصيبها ,,رجال اخلاق ويخاف ربه...ويعني تحسين انه يناسبك.. استخيري والخيره فيما اختارها الله..
وطبعا حياتك تكون سعيده على حسب التفاهم بينك انتي وشريكك,,
لاتتزوجين بدري أحسلتس وش لتس بالشقاء والتعب والمسؤولية من بدري ولو ماتتزوجين بعد أحسن}
صدقيني لما تكوني مبسوطه مع زوجك ماراح تحسي بالشقاء والتعب,,
والزواج استقرار نفسي وعاطفي,,
أنا أقول أدرسي وتوظفي ثمن فكري بالعرس يعني أضمني نفسك وحياتك ماتدرين من بتعرسين عليه هو على قد حاله والا غني بس انه (قعط) يعني بخيل والا يحقق معك كل مابيغيت منه لو ريال (ليه؟ وشوله؟ وش بتشترين؟ مايحتاج؟ بعدين؟..الخ)
ومايمنع انك تكملي دراستك ووظيفتك وانتي متزوجه هذا الشي راجع لك انتي وشخصيتك,,
اخر شي اقوللك اكيد لما تتزوجي راح تواجهك بعض الصعوبات..بس مع الوقت راح تتعودي وتتعلمي
كيف تكوني حياتك الخاصه,,
والله يزوجكم ويسعدكم,,

موضوعك جميل
انا بالنسبة لي أأيد كلام أختي " just..dream "
وعن نفسي كنت عارفه إني مستحيل أجمع بين الدراسة والزواج ما أقدر أنجح في الاثنين..
وبصراحه لما كنت أشوف زميلاتي في الجامعه المتزوجات وكيف يتعبون وتغير مستواهم الدراسي بعد الزواج..
أصر أكثر على رايي..
والحمد لله جا نصيبي بعد ما تخرجت على طول مثل ما كنت أدعي وأتمنى..
وربي يوفق عيون اللي جالس يقرا ..
مشكوره اختي الغالية على الموضوع..

السلام عليكم
شخصيا كنت لاغية فكرة الزواج قبل ما اتخرج من الجامعة وأهلي ولله الحمد كانوا متفهمين
وسبحان الله بعد ما أتخرجت بحوالي سنتين جاه عدلي
وفي السنتين ديه جربت الوظايف واخدت دورات وغيره ..يعني عرفت نفسي اكتر
وبالتوفيق للجميع

من هي اللي تزوجت بدري وهل ندمت أنها تزوجت بدري أم لا؟؟ ولماذا
تزوجت وعمري 28 سنه وصارلي سنتين متزوجه وصراحه ماشوف نفسي كبيره ولا صغيره هذا العمر المثالي للزواج
لاتتزوجين بدري أحسلتس وش لتس بالشقاء والتعب والمسؤولية من بدري ولو ماتتزوجين بعد أحسن}
والله ونا ماجربت الزواج المبكر ونا تزوجت كبيره شوي بس اتوقع كلامك صحيح
أنا أقول أدرسي وتوظفي ثمن فكري بالعرس يعني أضمني نفسك وحياتك ماتدرين من بتعرسين عليه هو على قد حاله والا غني بس انه (قعط) يعني بخيل والا يحقق معك كل مابيغيت منه لو ريال (ليه؟ وشوله؟ وش بتشترين؟ مايحتاج؟ بعدين؟..الخ)
وهذي بعد انا معك فيها بس اذا جا النصيب وصار رجال على قد المسؤليه واخلاق ومايتفوت ماتتركه على حساب دراستها لان الفرصه يمكن ماتتكرر وحس من كلامك ودك تقولين للبنات لاتزوجون لما تعنسون خ عشان تصيرون شبعتو عزوبيه ياحبيلك ابي اوضحلك شي انتي حاطه في بالك او احد حاط في بالك ها الفكره انه الزواج مسؤليه وقرف وتعب هذا كله خربطة حريم انا عندك متزوجه وقولك ان الزواج مافيه احسن منه اول شي استقرار عاطفي ونفسي وجسدي وكل شي ثاني شي اطفال يملون عليك البيت ثالث شي تحسين انك قدمتي شي وصرتي شي ومابي اطول عليك والله يوفقك اختي ويزوجك ويسر امرك وكل البنات العازبات

اما بالنسبة لي تزوجت بعد الجامعة بسنتين وما كنت ارفض عشان دراستي بس الوالد اللة يطول بعمرة كان يصرف العرسان لان اختي فصلت من كليتها بعد الزواج و من ناحية الفرص اللي تقدمو ايام الدراسة يمكن كانواافضل عمموما هي مسالة نصيب بعدين في الو قت الحالي العريس اهم من الدراسة والله يوفق الجميع