سؤال للمتزوجات

انا مو متزوجة
بس كذا دخلت .

شوفى حبيبتى انا عندى عادى اسولفله عن اخبار المنتدى وهو يستانس اذا لقى موضوع حلو ويبدء يعطينى بعض الحلول ونتشارك احياً فى الراى واحياً نختلف بس ماقدر اسيب الصفحه مفتوحه ولا اقول انا داخله باى اسم لانى احيناً ارد على مواضيع بصراحه اسوى نفسي قدام زوجى ما اعرفها عاد لودخل وقراء الردور راح يمتحنى وانا كدى مانى خالصه
وبعدين البنات ما سابو شئ ما تكلمو فيه
والمره الجيه لما اقول ما اعرف ماراح يصدق

انا زوجي ما يحب يشوفني اقرا او اكتب ..... وما يحب اسولف له عن الانترنت او المنتديات الي انا مشتركه فيها .... عموما زوجي عدو الثقافه والتكنولوجيا خاصه اذاا كانت اتخصني

اذا كان موجود يجلس معي ويشوف انا وش اسوي

الحمدالله مايعرف للنت خيره وشره خ

لا والله مايشوفها اصلا" دوامه اربع وعشرين خشبه مو فاضي لي انا وكتاباتي وانا مستانسه انه مايشوفهم....

من جد أنا محتارة في هالموضوع، صديقاتي يقولون لي لا تعلمين زوجك أنك تعرفين للنت أبدا، بس يوم كلمته في الخطبة قلت له أن لي مشاركات بمنتدى و كتابات و أعطاني هو مدونته عشان أعرف طريقة تفكيره. و ما سألني طبعا عن يوزري و المنتدى اللي ادخله بحكم أني لا زلت أجنبية عنه و لي خصوصيتي. و اللي محتارة فيه بعد الملكة، إذا سألني أعلمه، و لا أصرفه!
المنتدى اللي مشتركة فيه مختلط، و في تفاعل بسيط بيني و بين بعض الأعضاء بس ما وصل للخاص، و كله سطحيات ما يتعدى المواضيع.
من جد ما أدري ايش الصح، صديقاتي للحين يحذروني و يقولون ترى بتندمين أن علمتيه يوزرك الأساسي، و هو صريح معي من البداية و ما ودي أكون العكس. وش رايكم؟

والله انا اشوف الرجال مختلفين
مو كلهم زي بعض
بس المهم انك ماتبدين انك غير مثقفة مو حلو الكذب
ابدا وكمان مو حلو انك تظهرين بمظهر الجهل
بالعكس انت عارفة كل شي لكن مع كذا محترمة
بالنسبة اذا كان يشوف عادة مايشوف كل شي بس يمسكها احيانا ويشوف مواضيعي ويعلق علي ويضحك وانا ابتسم والحمدلله واثقة ف نفسي
وكمان مشتركة في منتديات مختلطة وعادي ما يدقق
وكمان انا اشوف مشاركاته بصراحة من وراه
بس اقوله بعدين
ويبتسم من تحت ضرسه ويقول خلي عنك اللقافة
احسن لك
قلت له بس تعجبني ردودك احس انك مثقف
ههه
صار يقولي شوفي ردي ع الموضوع الفلاني واستغل الفرصة
وبس

انا اسولفله عن المنتدى