ساعدون محتاجه لخبرتكم

1. ومع ذالك يجيني احيانا وريحنه دخان وانا ساكته

السلام عليكم ورحمة الله وبركاته
فراشات ساعدوني خاصة اللى مرت عليها هالمشكله
بدخل بالموضوع عالطول
زوجي متوفي ابوه من فتره تقريبا شهرين الله يرحمه ويغفر له
فكان وفاته صدمة كبيره لزوجي خصوصا انه الولد الوحيد والقريب منه
فحسيت انه دخل بحالة يأس وانا احاول بكل جهدي اني اساعده
بس المشكله ان بعد العيد بديت اشم منه ريحة دخان خاصا اذا طلع مع اصحابه
مره ومرتين وثلاث بالاخير قلت له انت تدخن ليه ريحتك دخان قال لا ما ادخن بس اللى اجلس معهم يدخنون
بعدين قال نفسي ادخن سيجاره وحده توافقين قلت له لا طبعا انا اخاف عليك وماني مستغنيه عنك
طبعا انا ماصدقته لان ريحة فمه دخان مو بس ملابسه
ويوم ركبنا السياره ونوقف عند اشاره ونشوف واحد قاعد يدخن قال زوجي كفو والله راعي ذوق
قلت له الحين اذا فتشت سيارتك مابلقى شي؟؟
قام ضحك قال ياشينكم يالحريم لما تسوون نفسكم ذيابه
انا انقهرت وفتحت درج السياره كذا عناد الا واشوف علبه السجائر وولاعتين
والله اني بغيت ابكي بس مسكت نفسي وقلت له يعني انت تدخن قال لا والله هذا خق صاحبي ومدري ايش بعدين انتي ليه معقده من الدخان 000000الخ
كلمته باضرار التدخين وقلتله اني اخاف عليك ومو بايعتك وان اللى فيك ياس ولاتخليه يسيطر عليك ويجرك للغلط
المهم رجعنا للبيت ولا كانه في شي ولا فاتحته بالموضوع قلت يمكن يحس ويترك التدخين

ومع ذالك يجيني احيانا وريحنه دخان وانا ساكته

وكثرة معاه العلوك والحلاوه اللي تغير ريحة الفم وكل شوي يتعطر عشان يخفي الريحه
وامس كان قاعد على الكمبيوتر وقالي في فلاش في جيب الثوب جبيه وانا كنت اكلم جوال قمت ودخلت يدي في جيبه حسيت شي زي الفلاش واطلعه واوديه له وانا مو منتبهه تركيزي كله عند الجوال يوم عطيته طلعت ولاعه انا صار شكلي كذا
هو ماعاد يدري وش يقول قمت انا رجعت الولاعه وطلعت الفلاش وعطيته ولا فتحت معه الموضوع لاني من جد مو عارفه وش اسوي والله محتاره ما ودي زوجي يدمن التدخين
هو مستغرب سكوني وامس طول اليوم يناظر في وجههي خايف افتح معه الموضوع
بس انا متاكده مايفيد معه الكلام ابي حل قوي ونهائي
الله يجزاكم خير ادري اني طولت بس والله مدري كيف اقنعه بترك التدخين ابي حلولكم تجاربكم تجاوبو معي والله مابيضيع اجركم ان شاء الله
انتظر ردوودكم