ساعدوني احترت في مدارس شمال الرياض

mnooo

13-12-2022 - 03:26 pm

السلام عليكم و رحمة الله و بركاته
اخواتي باختصار انا مغتربة حاليا و خارج المملكة مع زوجي و باذن الله رح نرجع نهايه السنه ..
بس اللي شايله همه هي مدارس الاولاد
انا عندي ثلاثه الله يحفظهم و يصلحهم ولد خامس و بنت رابع و ولد عمره 3 سنوات يعني روضة
و ان شاء الله رح نسكن بالمحمديه شمال الرياض ...
بس محتارة بمدارس كويسة للاولاد يهمني فيها انها تكون وسط يعني مو متساهله مرة ابيهم يربونهم صح حتى لو كانوا شديدين و يعلمونهم الدين صح لاهم درسوا السنوات السابقة في الغربة و طبعا مواد الدين للاسف ...
و كمان ابي المدرسة تعامل الاطفال سواسية يعني ما تفرق اولاد فلان عن اولاد علان ....!!
و ابيها حريصة على الاولاد جدا لاني اخاف على الولد اكثر من البنت الصراحة ولدي برئ و ما يعرف شئ بالدنيا و ينضحك عليه بسهوله ...
ايش كمان ..........
ايه ابي سمعة طلابها و طالباتها كويسة لان الصاحب ساحب .....
و مستوى تدريسهم بشكل عام كويس ....................>>>>> شكلي بفتح مدرسة خاصة لعيالي من كثر شروطي
الله يسعدكم مالي الا الله ثم انتم يا غاليات....
دلوني على افضل مدرسة تتوفر فيها هالشروط ....و يليت تذكروا لي اقساطها كم ؟؟؟؟؟؟
انا سمعت عن مدارس كثير مثل :
ابن خلدون
الفرسان
مدارس المدرسة
التربية الاهلية
الرواد
الغد
دار العلوم
المناهج
المنارات
العناية
النورس
على الاقل رشحوا لي احد هالمدارس و اذكروا لي رسومها كم ؟؟؟؟؟ او دلوني على غيرها ....

التعليقات (9)

mnooo

13-12-2022 - 06:33 pm

ياربي وين راح موضوعي !!!!!!!!!
ولا رد واحد يجبر الخاطر !!!

لؤلؤه القران

13-12-2022 - 07:34 pm

انصحك بمدارس تحفيظ القران............ما فيه زيها!!

بالعربي دلة

13-12-2022 - 08:35 pm

والله مدارس العناية رائعين وانتي ان شاء الله لما ترجعين بالسلامة يمديك تدورين على هالمدارس وتشوفين كيف قوتها
اما عن مدارس بن خلدون والله وحدة ما نصحتها لى ترم واحد جربتهم وطلعت اولادها منها

mnooo

13-12-2022 - 09:36 pm

الله يسعدكم و يجزاكم خير
انا ابي تحفيظ و اتمنى و الله بس المشكله ان اولادي كبار شوي يعني اللي بسنهم في التحفيظ ما شاء الله ختموا القران ... فصعب يمشون معاهم
بس سمعت عن الفرسان و اطياب و دار الذكر انهم يهتموا بتحفيظ القران و الناحية الدينية بس ما عندي فكرة عن باقي النواحي ...
و على حسب رايك يا بالعربي دلة نحط اكس على مدارس ابن خلدون XXX

mnooo

13-12-2022 - 10:37 pm

الله يوفقكم رشحوا لي الافضل

mnooo

13-12-2022 - 11:38 pm

وينكم بنات؟

mnooo

14-12-2022 - 12:39 am

وين المساعدات ؟؟؟ ابي الافضل الله يعافيكم

thesneak99

14-12-2022 - 01:40 am

السلام عليكم ورحمة الله وبركاته
اختي العزيزه منو
انا اشتركت بالموقع عشان ارد عليك
انا والله ثنتين من خواتي واثنين من اخواني بالفرسان المدرسة ممتازة بس ترا مايساعدون بالدرجات شديدين والطبقه الي فيه كويسه (نوعا ما)

thesneak99

14-12-2022 - 02:41 am

السلام عليكم ورحمة الله وبركاته
اختي العزيزه منو انا اشتركت بالموقع بس عشان ارد عليك
انا عندي ثنتين من خواتي واثنين من اخواني يدرسون بالفرسان المدرسة ممتازه بس مايساعدون بالدرجات والطبقه الي فيها كويسه (نوعا ما)
اما الرواد اخوي الصغير كان فيها سيئه
بس باقي المدارس مادري عنها

اعمال الوكيله←
كم العمر المطلوب لطالب الصف الأول→