ساعدوني اسكن مع اهل زوجي ولا بره

ساحره

15-09-2022 - 05:02 am

السلام عليكم
عندي موضوع تاعبني وودي اخذ رايكم فيه
انا متزوجة و ساكنه بالرياض بس احنا اساسا من الاحساء و زوجي يشتغل في الرياض وحنا كل اهلنا في الاحساء بس المشكله اننا لماننزل الاحساء ماعندنا انا وزوجي شقة نسكن فيها واذا نزلنا انا اروح بيت اهلي وزوجي بيت اهله وزوجي متضايق كثير من هالوضع وقال لي لازم ناخذ لنا شقة بس انا ترددت خاصة ان شقتنا في الرياض اجارها 30000 غالية مرة
وانا اقترحت عليه اننا ناخذ غرفة في بيت اهله بس امي وخواتي وصديقاتي يقولون لي لا تسكنين عند بيت اهله ماراح تاخذين راحتك وكثير من اللي ساكنين مع اهل زوجهم مانصحوني بالحل هذا وانا محتارة ما ابغي اكلف زوجي فوق طاقته وناخذ شقة في الحسا ونفس الوقت خايفة اسكن مع اهل زوجي وما ارتاح
فشنو رايكم بهالموضوع؟
والسلالالالالالالالام

التعليقات (9)

امو لديدو

15-09-2022 - 07:39 am

ماانصحك تسكني معاهم .. مهما كانت طيبتهم
والله رح تندمين .. لاتسكنين
وبعدين انتي ليه ماتبغيه يستأجر خليه يدفع ..
والله يوفقكم ..

حلم العمر عيونه

15-09-2022 - 08:40 am

طيب ياعسل مادام سكنكم الاساسي في الرياض
يعني الاحساء مجرد زياره بسيطه
فأشوفه عادي
ولا تجلسين كل الايام عند اهله لا بس اكثر الايام عند اهل زوجك
وبالتوفيق يارب

شذا عطرك ^_^

15-09-2022 - 09:41 am

اذا كم يوم اشوفها عادي مافيها شي تجلسون عندهم ايش المشكله ؟؟

أم لانا111

15-09-2022 - 10:42 am

بالعكس عادي
وش فيها لو سكنتوا عند اهله
كلها فتره بسيطه وتروحون
وبعدين خذوا راحتكم في بيتكم
مو لازم ترتاحون على الاخر عند الناس
بالتوفيق ياقلبي

حمرة الجلنار

15-09-2022 - 11:43 am

لا السكن عند اهل الزوج سيء لو كل يوم بوجهك
بس دام شغله بالرياض وبس تجون بالاجازة
مرره تمام
ليه زيادة اجارات !
الدنيا ناار
جربي مو خسرانه شيء

قرقة

15-09-2022 - 12:44 pm

اي والله حرام تاخذو شقه عشان ايام
لو سكنكم اساسي فى الحساء صحيح ماانصحك عندهم اريح ببيت بروحك
بس مادام سكنكم بريااض والاحساء مجرد زياره فعاادي جداً عند اهله
هم مكبرين المسائلة حبتين
استخيري واسكني معهم مابتندمى

حب الرياض

15-09-2022 - 01:45 pm

والله مدري ...بس اذا ايام معدودة عادي وكل بعد كم يوم روحي لاهلك زيارة ..

خلني بين الرموش

15-09-2022 - 02:46 pm

انتي اكيد رح تجلسي عند اهللك تقريبا نص الاجازه والنص الثاني حرام تكلفي ع زوجك اجلسي عند اهله وجربي مره اذا ماعجبك الوضع لا تكرريها

هافي السرجوف

15-09-2022 - 03:47 pm

نصيحه مجرب..من اخت للاختها
لابد يكون لك بيت مستقل واحذري من انك تسكنين ببيت مشترك بتندمين كثر شعر راسك
وبالتوفيق..

الله يخليكم ردوي علي←
الحقوني ساعدوني بيتي زوجي عيالي ماادري ايش اسوي→