ساعدوني الله يعافيكم

عن تجربة وقناعة تامة انه ماافي بعد عجينة العشر دقايق
ماشاء الله
احلى عجينة شفتها وذقتها بحياتي
لما اسويها اهلي كتير بنبسطوو عليها
جربييها وادعيلي الله ينولني الي في بالي
لكن هي بتتلصق ومشان هيك ضيفي طحين كل شوية وعلى كل قطعة معجنات بدك تعمليها ضيفي طحيين

تسلمين يا قلبي
انا عندي نفس العجينه حلوة بس تعذبني وكل ما حطيت طحين ما في فايدة
مشكورة لمرورك والله يعطيكي العافية والله ينولك الي في بالك

الله يسمع منك
حطي طحين رشيه على السطح الي بتفردي عليه
وعلى ايدك حطي طحين ورشي شوي على كل قطعة بدك تشطليها
صدقيني بتصير سهلة وحلوة انا اعتمدتها مع انه اول مرة عملتها غلبتتني بس بعدين عرفت انه لازمها طحين

فعلا عجينة 10 دقائق حلوة ودايم استعملها بس احيانا ماتظبط معاي

موفقه
اللهم صل على نبينا محمد

طيب شنهي مقاديرها اذا ما عليكم امر

كاستين طحين +كاستين ماء دافيء+ملعقتين كبار خميرة فورية+ ملعقتين حليب بودرة+ملعقة صغيرة ملح+ فنجان سكر
اخلطيهم على خلاط الكيك او بالخلاط اليدوي ورح يكون خليط لا هو ثقييل ولا هو سائل
خطيه بالنايلون وحطي فوقه شي يغطيه كمان وخليه يتخمر عشر دقايق ومرات بخليه اكتر شوي خ
رح تحسي انه رح ينفش شوي الخليط
بعدها ضيفي عليه 3 كاسات طحين ونص كاسة زيت واعجنييهم منيح ورشي فوقهم كل شوية طحين لما تيجي بدك تستخدمي العجينة وحطي على ايدك وعلى السطح الي بدك تفردي عليه يعني خلي الطحين كل شوي في ايدك
ونصيحة ..الكاسة هي نفسها في كل المقادير حتى يكون نفس المقدار ونفس الحجم
جربيها و ادعيلي ورديلي خبر