ساعدوني بالمسكه والطرحه وتبييض الاسنان

ام شوفي حلاة الزواج تكونين مسويه الي تبينه انتي مو الموضه
وصدقيني حلاة المسكه ورد والطرحه تجيك طويله مثبته في الشعر اذا تحبين اذا ماتعجبك جربي طريقه ثانيه
بس تكفين لا تحطين الي تصير مربوطه ونازله على جنب ياشينهاا اما من تحت التسريحه بتطلع حلوه لكن بتتكلفين في التسريحه وتبالغين لانها بتكون واضحه مره مو زي ان الطرحه مغطيتها
وانصحك بالطريقه الاولى انك الطرحه فوق ونازله عادي زي الجلال او الطرحه العاديه
وتذكري انك ماتبالغين في التسريحه لانك بتروحين الفندق وبتفكينها وبتتوهقين ماله داعي تطلعين جني ههه
وعيدي على الكوفيره انها ماتكثر المثبت عشان تسرحينه على طول وخليها رفعه عاديه لا تلفلف ولا تحوس
انتبهي ترى والله ان تكرهين نفسك لو ماعرفتي تمشطينه ومثل ماقلت لوحده من البنات شينه انك من تدخلين تتحممين وتسرحين شعرك وشينه انك تنامين به وشينه انك تفكينه وتخلينه وهو شوشه
اما التبييض والله ما ادري بس فيه معجون تبييض روعه والله اذا تبينه آمري
الله يوفقك ويتمم لك على خير

ام المسكة ما في احلى من الورد .. والطرحة انا سمعت انهم رجعو للتاج مرة ثانية وبالنسبة لشكلها على حسب انتي اكثر شيء يناسب لك
الله يوفقك يارب

الف مبروك
التسريحه انا انصحك في التسريحه لازم تكون عاليه وحلووه كثير فيها فخامه يعني لانك عروسه مايصير تسريحتك نفس تساريح البنات يومتها وتركبلك طبعا الطرحه من تحت التسريحه والله دا احلى شي نصيحه والطرحه تكون بطول الفستان .. اما الي ربط على جنب مره مو حلوه مانصحك فيها .. والمسكه براحتك بس انصحك في الكريستال احلى شي الايام دي هوا الي طالع وممكن تخليه المحل يكتب اسمك واسم عريسك فيها او حرفك وحرفه تطلع روعه انا عملتها لاختي في زواجها طلعت روعه وفي التصوير الفيديو تطلع جدا حلووه وبالتوفيق
تحياتي ...

حبيبتي الطرحه حلاتها طويله
الورد ممكن تتفنين فيه يعني تحطينه بسله او شنطه لونها لايق بالفستان
ورجعوا لطريقه الطرحه اللي تبين الشعر مو الخليجه اللي تغطي التسريحه اللي تجي تحت
وحطي ورده عالجنب مثل الاسبان والتسريحه االي ملفلفه وكبيره مدري شسمها ههه

ليش ماتسوي تجدديد ...
اذا شعرك طويل حطي تاج صغير بس مو مره متوسط ورفعه او نفخه وتاج اكببر منو وخلي شعرك الباقي مفتوح بس بلف ..... والله بيطلع شكلك جونان .....
والمسكه برضو .....اعتمدي على شكل يعني لو "فستانك.... كلاسك وهادي سوي مسكه كبيره ومكلفه ......
اما اذا فستانك كثير التطريز ومليان الشغل فيه خلي مسكتك ناعمه وعاديه عشان النااس تريحي نظرة العين لك
...
والف الف مبروك ......"مقدما ....

ألف مبروك ياحياتي نفس حوستي
ومشكورين البنات طلعت بنتيجة لأني مثلك عروس ومحتاسة
خلاص حأعمل الطرحة من تحت وتاج
والمسكة ورد ويمكن أخليه ملون
يعني مو لون واحد
وراجعة لموضوعك عشان آآآخذ فايدة

بسراحه راح أعلمك وشلون طريقة وضع الطرحه لإن أختي متزوجه ماكملت الشهر أولا -الطرحه بتكون زي حقت المصاريا الي تجيك طبقتين وعلى ورى والمسكه شفت بنت جيرانا حاطه مسكتها غريبه وشلون --أولا حاطه ورد على شكل كوره أشكال كثيره وأنواع من الورود ثم حاطه ((فازه )) كانك عرفتيها الي يحطون فيها السمك وحاطه فيها مويه وحاطه سمكه تعوم على لون المسكه وبعين حاطه بعدها ورد نازل منها إلى طول الفستان أرجو أنك فهمتي الطرقه لإنها بسراحه لذيذه ,,,,,

جزاكم الله خير أخواتي
والله أستفدت منكم كثير وأشكر لكم تعاونكم معي ... ومازلت أنتظر أرآكم في تبييض الأسنان وش أحسن مركز ؟؟ ومتى أسويه قبل العرس بكم يوم ؟؟

مبروك مقدما
انا اشوف ان الطرحه اللي ورا التسريحه حيل ارقى واحلى لأنها ماراح تغطي على التسريحه ، وبعدين ابتعدي عن التاج لانه مهما كانت التسريحه راقيه راح يكون التركيز على التاج نفسه ، وبعدين شكله مو حلو للعروس
أما المسكه خليها ورد طبيعي مع ورد صناعي ، لان الوان الصناعي بارزة وقويه ودخلي معاة كريستال لأنه الموضه هالايام ،
والمكياج احلى شي للعروس الوردي ، يعني الاسود مع الوردي للعين ،والوردي الفوشي للشفاة
وتقبلي تحياتي