ساعدوني بليز لوجه الله

مرحبا
حبيبتي هذي نصائحي:
* حاولي تشوفين المسلسلات الاجنبيه اللي فيها مستشفيات زي ER و
Scrubs و كثير غيرهم بس حاولي ماتعتمدين على الترجمه كثير.
واذا سمعتي اي كلمه ممكن تفيدك او ماتعرفين معناها خلي معك ورقه و قلم واكتبي الكلمات و شوفي معناها بعد المسلسل
*حاولي تدخلين مواقع الاطفال او البرامج المشهوره مثلsesame street مره بتفيدك لأن لغتها سهله
*و برضه لازم تشترين كتب فيه عندك جرير و العبيكان عندهم كتب مع اشرطه لتعليم اللغه مره حلوه و مفيده علشان تقرين و تسمعين و بكذا ماراح تنسين الكلمات بسرعه و ممكن ترجعين لها في اي وقت.
*وممكن بعد تشترين من جرير كتب للأطفال و فيه عندهم روايات و مسرحيات مشهوره لشيكسبير و ديكنز مكتوبه للأطفال و حجمها صغير صدقيني مره مفيده
*و أحسن شي افتحي التلفزيون على قنوات اجنبيه و اسمعي بس حاولي مايكون شي فيه ترجمه علشان تستفيدين اكثر
#فيه طريقه كانت تعلمنا اياها دكتورتنا في الكليه الله يجزاها خير :
افتحي التلفزيون على قناة BBC للأخبار (او اذا ودك ممكن فلم بس ما يكون فيه ترجمه)
جيبي ورقه و قلم و اكتبي اللي تسمعينه واذا حسيتي ان الكلام سريع سجلي بالفيديو بعدين اكتبي على راحتك
ترجمي الكلام اللي كتبتيه على و رقه ثانيه
بصراحه كنا مره نتعب و دائما نتأفف و نقول لها شغله و المذيعين في BBC يتكلمون بسرعه بس كانت تقول بعدين تشكروني وفعلا الحين دائما ادعي لها لأني مره استفدت مع ان لغتي في الانجليزي ممتازه من قبل ما ادخل الكليه و كثيرين يسألوني اذا كنت عايشه برا و اذا قلت لهم "لا" يستغربون
بس هذا صار بعد التدريب و الممارسه
اتمنى اني اكون افتدك و أي سؤال او طلب مساعده انا حاضره
3اتمنى اني ما طولت عليك<<< كل هذا ولا كثرت!

وعليكم السلام ورحمة الله وبركاته
اختي ان شاء الله الشغله سهله طالما انتي ناويه تتعلمين اللغه بجد (( ما شاء الله ))
ومثل ما قالت الفراشه ( بنت جيرانكم ) خلي اذنك تتعود على سماع الاخبار بالانجليزي
وفيه اناشيد بالانجليزي بعد مره حلوه ... ومواقع الاطفال راح يكون فيها قصص بتفيدك كثير ان شاء الله
وحاولي تحكين بكل مكان .. حتى تفكيرك بينك وبين نفسك خليه بالانجليزي
وفيه طريقه دايم اسويها ويضحكون علي للاسف بس ما علي منهم
اي شي اشتريه مثلا صابون .. معجون .. بسكوت .. ملابس .ان شاء الله حتى لو لعبه
احاول اترجم الحكي المكتوب على العلبه
موفقه ان شاء الله
.

مرحبا عزيزتي ... الفراشة (بنت جيرانكم) نصحتك بأنك تستمعين لقناة bbc أنا أيضا أنصحك فيه والآن نزل برنامج من إنتاج القناة نفسها تقدرين تحصلين عليه أدخلي موقع
www.english4good.com
وشوفي التفاصيل وإن شاء الله أكون أفدتك...

البنات ما قصروا ماشاءالله عليهم
بقولك طريقتي المختصرة:
1- في البداية استعيني بالله ثم العزيمة والإصرار
2- احفظي الكلمات اللي تحتاجيها في حياتك اليومية , يعني الأشياء من حولك
(أدوات _ أغراض _ أفعال _ صفات )
يعني جلست على الكنبة قولي لنفسك Sofa
والكنبة مريحة قولي لنفسك Comfortable
يطلع عندك جملة صحيحة كنبة مريحة Comfortable Sofa
وأنا جالسة على كنبة مريحة i am sitting on a comfortable sofa
وهكذا بالنسبة للكلمات وأي كلمة ماعرفتيها نطي بسرعة للقاموس
وهذا طبعا بجانب ال grammer المهم جدا جدا ولا كلامك يصير كلجة
ولازم تستعيني بقاموس مزدوج (عربي انجليزي_انجليزي عربي)
وكتاب بسيط للقواعد ويكون فيه ترجمة بسيطة وتمارين للتطبيقات
وتحتاجي دفاتر لعمل ملخصات خاصة فيك وتريحك وتكون مرجع لك كل ماتحتاجيه
يعني اللي تحتاجيه (قاموس, كتاب قواعد, وأشرطة لتعليم النطق الصحيح , دفاتر للنسخ والكتابة)
ولازم تعرفي ان مهارات اللغة هي أربعة:
1- القراءة Reading
2- الكتابة Writing
3- السماع Listening
4- المحادثة Speaking
أتمنى فلا إني أفتدك وهذي طريقة انا مجربتها شخصيا وساعدتني كثير
لأني بعد الله وتوفيقه أنا ساعدت نفسي بنفسي وتخرجت من الكلية
والمفروض إني الآن مدرسة ... اسمعي كلام أبلتك ههه
ويارب يوفقك ويحقق أمنيتك ولا تنسيني من دعواتك اختي

all of the butterflys give you useful advices
and mine is>>>>>you can joine us to improve your speaking by giving your name in skype
we need to make a group of 8 to start the first lesson in speaking>>>>>now we need 5 girls

That's what we call it ( Learning by listening)
التعلم بالاستماع
طريقه مفيده جدا
انصحك فيها كمان
غير كدا اقراي اشتري قصص قصيره و اقرايها بصوت عالي Reading loudly
القراءه بصوت عالي ايضا مفيده جدا فهي تطلعلك كل الاخطاء اللفضيه و ممكن تشتري قاموس ناطق يعطيك المعنى و النطق الصحيح لها
والله يوفقك