ساعدوني بلييز

السلام عليكم
كيف حالكم ؟
راح ادخل بالموضوع على طول
انا ساكنه مع اهل زوجي عندي غرفه وصاله صغيره جدا يعني ماتسمى صاله ودوره مياه
خذ لي 5 سنوات من تزوجنا وعندي طفلين منه
ام زوجي مره طيبه وتعاملني مثل بنتها مابيننا اي مشاكل
بس المشكله اين تقع
انها تطلب فلوس كثير من زوجي فوق قدرته
حتى هو يتضايق بعض الاحيان بس مايقدر يرفض لانها عباره عن اوامر واحيان يكون طلب
ادري بتقولون لي هذي امه و وانا معكم اذا مافيه خير لها مافي خير لي
بس هي ماتخلي لنا شئ من الراتب ابد
يعني انا من رايي انه يخصص لها مصروف معين مو كل الراتب
وربي انه في شغلات كثيره بخاطري مااقدر اشتريها او اسويها
حتى ملابس ماعندي مثل الناس لاانا ولاعيالي
مانقدر نشتري الا بالعيد
طلعات وتمشيات وعشاء بمطعم هذي مستحيل يمكن بالمناسبات تصير احيانا
انا بقولكم بالظبط الراتب وبأيش تصرفه على شان تشوفون هل انا غلطانه او مع حق
راتب زوجي 6500 ريال
وتقسيمه كل شهر:
1000ريال قسط للبنك
0ريال الخدامه
0جمعيه لأمه
0ريال مصروف لأمه
0مصروف لبيت اهله
0جمعيه حاطها زوجي على شان بيستقدم خدامه لأمه جديده لان هذي مابقى لها الا كم شهر (وعلى فكره الخدامه مااقدر اطلب منها اي شئ واذا طلبت تتضايق ام زوجي)
واحيان اذا طرى في بالها شئ تطلبه بعد مثل بالعيد تطلب زياده
وللمعلوميه ام زوجي مو حقت كشخات ولبس حتى ماتطلع من البيت ابد يعني هي كبيره بالسن ربي يحفظها
المهم ان يبقى اخر شئ من الراتب 1200 ريال واحيان اقل وعلى فكره احيان الفواتير هو اللي يسددها ومايبقى عندنا شئ
وانا وربي اني من النوع اللي مااحب اكلف عليه ابد يعني مااطلب منه حتى مصروف
لانه يجي ويقسم الراتب عندي استحي اطلب منه
وانا اشوفه متضايق انه مراح يبقى شئ
وربي احيان يبقى اقل من الف ريال
بالله وش اخذ منه وهو اللي باقي عنده مايكفينا ابدا
وانا من سابع المستحيلات اقوله لاتعطي امك او خفف من المصاريف مااقدر استحي احس انهم اهله ومايحق لي اقول كذا
وللمعلوميه عنده اخ اكبر منه الا انه شايل يده من كل شئ ولاريال يحط معاه ولايساعدهم مع ان راتبه احسن من راتبنا بكثير كلمه زوجي بس مافي فايده ابد
وعلى فكره مره باع سيارته على شان يعطيهم ويسوون تصليحات لبيتهم والسياره كانت جديده مو قديمه
يعني مانقدر نجمع للمستقبل خاصه اني في خاطري ان يكون لي مملكه خاصه فيني بيت يكون ملكي انا او شقه ايجار اي شئ
يعني الاشياء الضروريه مااقدر اشتريها
فكيف الاشياء اللي تجي احيان بخاطرنا مثل عطر ساعه فستان اي شئ يجي بالخاطر او حتى سفره
كل شئ علي بالحسره وبالموت
ماني عارفه كيف اتصرف ؟
الواحد يتحمل كثير بس تجي فتره مايقدر يستحمل اكثر من كذا
كتمت وكتمت بس خلاص ماني عارفه اتكلم ولااتصرف !!!
مع ان في شغلات لسا ماذكرتها بس هذا الموضوع بإختصار شديد
معليه كلامي صاير ملخبط كثير بس اتمنى الفكره جاتكم
انصحوني مالعمل ؟؟؟