ساعدوني راح أرسب وش هو التراكمي اللي من ثاني ثانوي ردوا بسرعه تكفون

حي المانجو

23-07-2022 - 07:42 am

السلام عليكم ورحمة الله...
اللي اعرفه انكم من اروع المنتديات
وانا قررت اشكي لكم وأسألكم قبل...
هل أنتم متأكدين أن قرار حساب النسبه من ثاني ثانوي صحيح؟؟؟؟
وإيش معنى كلمة معدل تراكمي؟؟؟
وهل ثاني ثانوي أدبي تخوف؟؟؟
يابنات أنا نسبتي كل سنه ماتزيد عن 70بالميه
ف أرجوكم ساعدوني وقولوا لي كيف أخليها في80على الأقل بدون ماأحرم نفسي من التلفزيون؟
أرجوكم تردون بسرعه أعصابي مشدوده وأنا خايفه لدرجه غير طبيعيه...
أحس ثاني تخوف وقريبه حيل من نهاية الدراسه في مدرسه...
يعني إن كان معدلي زفت راح تنهدم حياتي المهنية....
أرجو الرد بسرعه

التعليقات (9)

إيلاف

23-07-2022 - 10:17 am

أختي عندك موضوع لبريق الماس عنوان الموضوع لطالبات ثاني ثانوي علمي روحي ادخليه وتلقين ان شاء الله كل الي تبينه وصراحة يا أختي أنا أبغى النظام يطبق أحسه حلو لأن تعبنا ما راح يكون كله على ثالث يعني راح يقسم شوي على ثاني وشوي على ثالث الله يعيننا
أن شاء الله أكونأفدتك

^فراشة وردية^

23-07-2022 - 11:18 am

إختي العزيزة..
أول شي هدي أعصابك وريحي بالك..
وترا المسألة سهلة ومايبيلها توتر وضيقة صدر..
أهم شي إنك تذاكرين أول بأول..
ومن قال لك لا تناظرين التلفزيون ناظريه بس موب طول الوقت يعني بالكثير ساعتين باليوم أو ساعتين ونصف..
وبالعكس ترا ثاني سهلة وحتى ثالث بعد..
وإذا على نسبتك اللي ما تتعدى 70 % فإذا كنتي أنتي تبذلين كل طاقتك لكن هذا اللي قدرتي عليه فإحمدي ربك وإشكريه..
لكن إذا كان ممكن تشدين حيلك أكثر وتجيبين نسبة أعلى فهذا هو المطلوب وهذا هو الحل..
وأهم شي توكلي على ربك وإدعيه إنه يسهل لك دربك ويوفقك..

حي المانجو

23-07-2022 - 12:19 pm

إيلاف
مشكوره حبيبتي والحين إن شاء الله بروح للموضوع اللي قلتي لي عليه...
وتسلمين يالغاليه..
فراشه ورديه ...
مشكوره حبيبتي على ردك المميز
وإن شاء الله راح أشد حيلي في الدراسه...
لكن ماقلتوا لي وش معنى كلمة معدل تراكمي؟وهل انتوا متأكدين من انه راح يطبق السنه ؟!!!!
لأن أنا تعرفت على مدرسة فنيه ومدرسة عربي وسألتهم قالوا لا هالكلام إشاعات وإلا لو صحيح كان جابوا لنا ورقة تعميم من الوزاره عشان نوقع على هالقرار...
ومدري من الصح ومن الغلط...

^فراشة وردية^

23-07-2022 - 01:20 pm

شوفي حبيبتي أنا متأكدة من إنه مراح يطبقون القرار مية بالمية لأنهم نزلوا بموقع الوزراة إن هالنظام بيتطبق أما عن كيف هالنظام فهو إنه تقسم النسبة بين ثاني وثالث نصها من ثاني ونصها من ثالث..

^فراشة وردية^

23-07-2022 - 02:21 pm

ياالغالية شوفي هالملف أنا جبته من موقع الوزارة أتمنى يفيدك..
هو شرح عن النظام التراكمي..
http://www.moeforum.net/vb1/uploaded...1156255018.zip

إيلاف

23-07-2022 - 03:22 pm

والله حتى انا ودي اعرف وشلون هذا النظام بالضبط لكن كل الي اعرفه ان النسبة على ثاني و ثالث وانه ما فيه اختبارات شهريه و 20 علامة بيد المعلمة يعني ما ينزل جدل للاختبارات الشهرية المعلمة هي الي تحدد وقت اختباره يعني بيدها عشرين علامة لك تسوي الطريقة الي هي تحبها بس هذا الي اعرفه و ان شاء الله ربي يعيننا على ثاني و ثالث ثانوي وندخل التخصصات الي نبغاه قولي آمين

حي المانجو

23-07-2022 - 04:23 pm

تسلمين الفراشة الورديه...
الملف واضح ومفيد...
إيلاف انا اكثر المدرسات بمدرستنا متشددين ومايقبلون بإختبارات التحسين وهالاشياء...
الله يساعدنا...
همنا واحد وحلمنا واحد وهو تحدي هالقرار بأن نواجهه بالتركيز أثناء الدراسه...صح وإلا اش رايك؟

!* قـمـرهمـ *!

23-07-2022 - 05:24 pm

اهلين خبيبتي
أول حاجة حاجة لاترتبكي كدا وتخافي وماني عارفه ايه
انا للأسف قريت هذا الخبر بنفسي في الجريدة بس ماأعني عارفة اذا حيطبقوه هدي السنة ولا لأ
بس انتي ذاكري اول بأول وشيلي الخوف من راسك وخليه دراستك فيها متعة يعني تبدأي مع صحباتك في الدراسة وشوفي مين بنتهي في البداية واللي تخلص أول وحدة كلكم اليوم الثاني تجيبولها شوكلاانا كدا كنت مسوية في تالت وكنت الطريقة مرة حلوة جربيها واستمري عليها ماحتخسري
وشدي حيلك
ليا رجعة لاني دحين شوي متضايقة
تقبلي مني كل الحب

نبضات قلب طفلة

23-07-2022 - 06:25 pm

اهلين اختي
هدي اعصابك
انا زيك ثاني ثانوي
"وتفائلوا بالخير تجدوه"
تبغي نسبتك 80 واكثر
اول شي لا تجلسي على التلفزيون كثير اذا انت ِ مدمنة تلفزيون
يعني برنامج واحد في اليوم كفايه
وحطي في بالك انك ان شاءالله راح تجيبي نسبه حلوه لا تقولي انا كل سنه اجيب 70 ما اقدر اجيب اكثر لا قولي انا ان شاءالله نسبتي تكون اكثر من 80 وخلي عندك قوة العزيمه
وحاولي تذاكري كل درس بدرسه ولا تهملي الحفظ تقولي لسه باقس وقت لا ترى الاسام والساعات تمر بسرعه البرق
وان شاءالله اكون افدتك حبيبتي
واتمنى لكِ النجاح والتوفيق في الدنيا والاخره

اليكم تعميم الحاسب←
الله يسعدكم ساعدوني بافكاركم واقتراحاتكم لليوم الوطني لمعهدنا→