ساعدوني في تأثيث بيتي

يالله محد رد علي . خلاص انا زعلانة منكم

40 وحد ة قرت الموضوع ولاوحدة ردت علي ولا علشان انا عضوة يديدة مب مرغوبة!!!!!!!!!

أفا عليج فراشتي؟ ليش زعلانة
انا من رايي تروحين تطالعين الصبغ والديكور قبل مايخلص البيت ب 3 او 4 شهور
الحينه وقت وايد؟
وبعدين بخصوص السيراميك؟ يفضل للمجالس فقط اما غرف النوم احلى بالفرش
وسامحيني عاد تراني اول مرة اشارك في قسم الديكور

هلا بأختي الوفاء
في وايد الوان حلوة وجريئة هالايام ، وما راح تحتارين ابدا ، اللي اطلبه منج انج تروحين لمحل الاصباغ وتختارين الوان مثل الاصفر ، الوردي الداكن ، وعندج البفنسجي (ينفع لغرفة النوم) في بعد اللون القريب من المارون والله ما اعرف اسمها بالضبط
لكن اكيد في كتالوجات خاصة بيها
بالنسبة للسيراميك ، انا عن نفسي افضل انه يكون في المجلس والصالة والممرات وينفع السيراميك للقنفات ، اما الجلسة العربية ما ينفع معها لانها تزلق وما تثبت عالارض
اما الغرف تكون احلى مع الموكيت وتتناسق مع الستاتر وغرفة النوم ، عاد انتي وذوقج
انا جربت اللون الزهري لغرفة نومي ، وبعد مدة غيرته وسويت البنفسجي طلع روعة ، خاصة مع اضافة اللون الفستقي مع الستائر والموكيت
والله يوفقج ويجعله بيت عاامر دوم يارب

مشكورين خواتي على مروركم الطيب