ساعدوني في صالتي

مذهله ماعندي خلفيه بس ماحبيت ادخل وماارد عليكي
ان شاءالله تحصلي طلبك ياعمري

هلاوين والله مذهلة .
انا بفيدك من خلال خبرتي تجربتي البسيطه
الصاله عندك 5 في 4 . يعني صغيرة جدا .
والالوان الغامقة بدا ما تصلح لها لأنها بتكتم الغرفه وتكون ضيقه مره .
فأنصحك بالبويه الفاتحه
قبل ما تختارين البويه لازم تختارين الاثاث قبل .
الكنبات المودرن: انا افضل انك تروحي لديموس الي على الدائري الشرقي او الي على طريق الملك عبدالعزيز. الي جنب اسماك النافوره.
عنده كنبات مودرن تهبل وصغيره . تناسب صالتك
قبل كل شي اختاري الاثاث من هناك وممكن تاخذين كم فكره من الوان الديكورات الي في العرض تبع الكنب ..
اما من ناحية السيراميك او الفرش انا اقول لك .
بعض البيوت المودن يخلطون بين السيراميك والفرش.
يعني تغطى الصاله بالسيراميك بالكامل ويكون جزء منها فرشه فوق السيراميك .
وخلي السيراميك يكون ساده ولافيه اي زخرفه .
اذا كان الكنب غامق خلي السيراميك فاتح
واذا كان الكنب فاتح خلي السيراميك غامق
بس مثل ما قلت لك السيراميك يكون ساده .
يعني مثل رصاصي ساده
او بني محروق ساده
او اسود ساده .
والفرشة الي راح تكون فوق السيراميك خلي لونها يكون بين لون السيراميك وبين لون الكنبه
يعني مثلا اذا الكنب اسود والاسيراميك ابيض خي الفرشة تكون رمادي غامق .
طيب عندك الحين اللمبات .
غالبا صالاات المودرن ما ينفع لها الثريات الكلاسيكية والا اللمبات البيض .
اللمبه غالبا ماتكون مكشوفه الا على الجدار
اما الي تكون وسط الصاله تكون اللبمه وسط شي
تكون وسط ورق جاي على شكل معين او تكون داخل بلاستيك .. بس المهم ما تكون اللمبه مجرده
انا من ناحيتي افضل مكا اشتري منه لمبات .
ايكيا او كيكا مع ان كيكا غالي شوي
واللمبات أفضل أنها تكون نازله شوي عن المستوى الطبيعي
يعني وانتي واقفه اذا رفعتي يدك ممكن تلمسين اللمبه.
والإضاءة فن ممكن تغيرين صالتك بمجرد اللعب بالإضاءة .
نجي للستاير .
الستاره ما ينفع تكون من النوع الي تجيك قواعدها خشب مربع او خشب بارز مثل ستاير الكنبات الكلاسيكسه .. لا ..
والا تجيك مزركشه وفيا اللوان كثير . لا
لا تتعدى 3 الوان ولا تكون هذي الالوان متداخله على بعض . يكون كل لون مستقل وا يدخل على اللون الثاني بشكل مزخرف
وستاير المودرن تلحصينها عند كيكا ايدي ديزاين دبليو ستي ...سنتر بوينت ... إلخ
هذي واله من عندي انا ومن تفكيري البسيط ومن ذوقي.
واذا حابه تشوفين صاله اختي الي من تصميمي من عيوني راسليني .

قلبي مملكه والعتيبي يملكه
يسلموو على الرد يا قلبي ..

غاليتي توته كلي انوثه
يعطيك الف عافيه على الافكار المتميزة ..
ومشكورة على كل حرف كتبتيه
انتظر اراء الفراشات ؟؟

اب لعيونك

$$حنين القلوب$$ يسلموو ..