ساعدوني كل شي اخترب

انا دائما اسوي ورق عنب وحطة بالثلاجة ويضبط معاي بس يمكن المفروض انك تطبخية وهو مثلج بدون مايذوب لاني اطلعة من الثلاجة واطبخة علطول

ورق العنب حلاته فرش افضل يعني اول بأول

الغلا كان المفروض تطلعينه من الفريزر وعلطول تصفينه بالقدر وتطبخينه بدون ماتذوبينه...
وأسرع وأسهل طريقة تطبخينة قي قدر الضغط ربع ساعة وهو جاهز..

وشلون اسويه بقدر الضغط؟؟
وش المقادير اللي نحطها؟نفس الكمية العادية ولا نقللها؟

كاس ونصف لحم مفروم
كاس ونصف رز مصري (ينقع في ماء ساخن لمدة ربع ساعة أو عشر دقايق)
كاس ونصف بصل مفروم
كاس ونصف طماطم مطحون
كاس عصير ليمون
نصف كاس زيت زيتون
بقدونس مفروم
ملعقة صغيرة من كل نوع ( ملح ، فلفل ، بهارات)
تحمسين البصل على النار لحد مايذبل ثم تضيفين عليه الطماطم وتخلينه يتسبك لحد ماينشف وتتركينه يبرد ثم تضيفينه على باقي المقادير وتخلينها ربع ساعة وبعدها تحشين ورق العنب (حطي الحشوة بمصفاة وحاولي تضغطينها شوي بحيث إن السائل اللي في الحشوة ينزل)...وأفضل نوع ورق عنب أورلاندو(تفككينه وتغسلينه بالماء وتحطينه بمصفاة ولو كان الورق كبير قصية نصفين وأبعدي الجزء القاسي اللي بالوسط) ولفي ورق العنب........بعد ماتخلصين من لفه جيبي بطاطسة وقطعيها شرايح وحطي شوي زيت زيتون بقدر الضغط وصفي البطاطس وصفي فوقه ورق العنب وحي فوقه الشبك اللي يجي داخل قدرالضغط وحطي فوقه قدر صغير فيه ماء.....ذوبي مكعب ماجي في كاسين ماء على النار وصبيه فوق الورق هو والسائل اللي نزل من الحشوة ولعي النار عليه لحد مايصفربعدين احسبيله خمس دقايق على نار عالية بس مو مرة ثم وطي النار وخليه يطبخ لمدة عشر دقايق وبعدها صفيه من المرق وصفيه بصحن التقديم وقدميه واسمعي أحلى عبارات المدح لامن ناحية طعمه ولا حجمه......
والله كل من ذاقه أخذ الطريقة ولما يكون فيه مناسبة يلمحون بشكل غير مباشر إنهم يبغوني أسويه لهم
صحيح إنه متعب بس والله يستاهل إن الواحد يتعب عليه.....
جربيه ولاتنسين تدعين لي.
سلام

الهناء
انا اطلعه بره يفك شوي بدون ما يذوب كله وبعدين اطبخه وما حصل لي مثلك وانا سمعت يفضل ما تطبخيه بعد ما تطلعيه من الفريزر على طول تخليه شوي بره وتطبخيه وانا اسمع ناس كثير يطبخوه مثل ما ذكرت وينفع معاهم

ما عندي فكره انا اسوي على طول
كل يوم طازج