ساعدوني لتكتمل فرحتي

1. <<<ادخل بالموضوع على طول


2. الى الان ادري بتقولون وش تبي ذي تقص قصة حياتها

السلام عليكم
صباحكم / مسائكم فل وكادي
بنات انا محتارة وابي مساعدتكم يمكن تشوفون السالفة بسيطة بس والله تعبت من حياي

<<<ادخل بالموضوع على طول

زوجي من اسبوعين سافر سفرة عمل ضرورية لمدة شهرين ونص خارج السعودية وانا طبيعة عملي ماسمحت لي اسافر معه ... المهم بنفس الاسبوع اللي راح فيه كان موعد الدورة تأخرت ماجات ومر الاسبوع الاول ولاجت وآلامها كانت موجودة وبقوة قلت يمكن النفسية لها دور لأني كنت متأزمة وضايق صدري من سافر زوجي لأن اول مرة نبعد عن بعض من تزوجنا المهم ويمر الاسبوع الثاني ولا شرفت والالآم تزيد بشكل فضييع عاد يوم دخلنا بالاسبوع الثالث يوم السبت اللي راح كنت بالسوق انا وعمتي دخلت الصيدلية بدون ما تنتبه لأنها دخلت هايبر بندة وقلت لها بنتظرك بالسيارة واخذت تحليل حمل المهم طلع لي خطين يعني حامل...

الى الان ادري بتقولون وش تبي ذي تقص قصة حياتها

بنات الحمدلله على كل حال انا والله فرحانة خصوصا انه اول حمل والحمدلله صار لنا اكثر من سنة متزوجين وزوجي منى عينه اليوم اللي يدري فيه اني حامل بس مشكلتي من عرفت وانا بس اصيح تمنيته يكون قريب مني واشوف فرحته وبصراحه مدري شلوون اقوله ومو حابه اقوله قبل ما اتأكد واروح للمستشفى بس المشكلة الاكبر اني استحي اقول لأمي اني حامل كل ما تشجعت وقلت بقولها تخنقني العبرة واهون .....
صارلي ثلاث ايام وانا متضايقةوبس اصيح وابي حل....... الالآم تزيد علي وامي احس كل ماطالعت بعينها تخنقني العبرة المشكلة انها ملاحظة علي اني متغيرة وسألتني اليوم وش فيك تعبانة وسألت متى موعد الدورة بس مدري ليه كذبت وقلت لها تو الناس يمكن اليوم او بكرا تجيني وطلعت وتركتها .....
بنات انتظر مشورتكم انا بكرية ومدري كيف اقول لزوجي الخبر وكيف اقول لأمي ((انا ماعندي خوات اكبر مني بس عماتي من ولدت وهم عايشيين عندنا زي خواتي بس مابي اقول لأحد قبل امي وزوجي ))