ساعدوني لوجه الله الله يسعدكم

1. مرحبا بنات كيفكم ؟ ان شالله تكونوا بخير


2. رح ادخل بالموضوع مباشره والله ما عارفه كيف ابدا ولا عارفه شو صايرلي

مرحبا بنات كيفكم ؟ ان شالله تكونوا بخير

رح ادخل بالموضوع مباشره والله ما عارفه كيف ابدا ولا عارفه شو صايرلي

يا بنات انا متزوجه جديد لسا ما موفيه التلات اشهر حاسه انه الزواج نهاية الحياه اشتقت لحياتي وانا بنت لو شو ما كانت الوحده فينا محصوره في بيت اهلها بتضل حره اكتر من لما تتزوج بتصرفاتها وحركاتها وكلامها زوجي بطلع الشغل الساعه سبعه ولسبعه ونص تا يرجع وانا متغربه وما بعرف حد ودايما لحالي طول النهار ما بيجي الليل الا روحي طالعه انخنق مش متعوده على هالحياه متعوده اصحى اروح الجامعه او اشوف قريباتي اروح واجي باليوم مية مره وفجأه لقيت حالي بسجن وغصب عني لما يروح زوجي يلاقيني متضايقه مخنوقه تفاجات كتير بالزواج كنت متوقعه يكون احلى من هيك حتى زوجي ما حاسه اني بحبه متل اول ولا بشتقله متل اول النا تقريبا من شهر دايما نكد واحباط
والمشكله الي قاهرتني ومطققتني سلفتي يا بنات والله انا احلى منها بكتير وبشاهدت الكل انا ما عندي غرور وما بشوف حالي احسن منها بس كمان ما بشوفها احسن مني
انا كتير مختلفه عنها شخصيتي غير شخصيتها لهيك لما نكون مع بعض مش كتير بننسجم ما بنكره بعض بس ما بنشبه بعض انا كتير مرحه وخلطه واجتماعيه لكن هي كتير هاديه وما بتتفاعل معي وعندها شويت غرور هاد كله مش مهم مشكلتي مش معها مشكلتي مع زوجي كل اسبوع تا يطلعنا نغير جو وبحب نكون لحالنا بوخد راحتي اكتر وبحب اطلع معه وغالبا نطلع احنا واياهم ازا حكيتله نطلع لحالنا يفكر اني اكرهها او ما ارغب اطلع معها وبفكر اني اغار منها بدو اياني دايما امشي معها واحنا طالعين وانا الي احكي واتقرب وانا احس اني ارمي حالي عليها وما بدي اياها تفكر اني كتير مهتمه فيها لانها هي مش كتير سائله فيي رحنا يوم زياره عند اقارب زوجي ما اعرفهم انا كانو كتير نسوان وانا ما اعرف ولا وحده فيهم طول الجلسه لحالي بس روحت حكيتله سلفتي تركتني لحالي وراحت معهم وانا طول الوقت محرجه لما نكون عند ناس ما تكلمني وتتجاهلني وتحاول تثبت حالها وتمسح وجودي صرت اكره اطلع معها وزجي يفكر اني اغر منها احدى قريباتنا حكت مع سلفتي عزمتنا على مباركه وحكت معي سلفتي وحكتلي بس حكيت لزوجي الواجب انها حكت معنا عالبيت برضو فكر اني غيرانه ليش تحكي مع سلفتي وانا لا طيب انا ناقصني لبس وبحاجه لعباه رحنا اشترينا العباه اليوم يكلمني احكيله بدي اخصرها حتى اروح فيها عالمباركه بحكيلي ما تهتمي كتير وما تعجقي حالك روح باي شي يفكر اني بدي البس واتكشخ مشان رايحه مع سلفتي مع اني والله احب ازبط حالي واهتم بحالي وين ما اروح حرام غلط ازا اهتميت بمظهري قدام اهله واقاربه الي اول مره يشوفوني والله يا بنات انا مقهوره جدا من زوجي لانه سلفتي انسانه جدا عاديه وما فيها شي مميز يخليني اغر منها ليش يفكر في بهاي الطريقه ما بحب اطلع مع بيت اخوه كتير لانهم مش اجتماعين وجلساتهم بتكون هاديه بس هاد ما معناته اني بكرههم او بغار منههم
والله كرهتها والله بطلت اعرف اتصرف صرت احسب حساب كلامي وحركاتي لما اكون معها بطلت اعرف اتصرف بعفويتي متل ما بتصرف دائما خوف لا زوجي يفكر في غلط وكمان ما في اشنع من التصنع انا مش متعوده عليه انا بتصرف على طبيعتي انا طبيعيه جدا لا طبيعتي زابطه ولا تصنعي زابط
باختصار مش كتير بشبه سلفتي ولا بنسجم معها يا بدي ارمي حالي عليها بالزور وانا عارفه انها بتكرهني وبتغار مني يا اما ازا تعاملت معها باسلوب اقرب لرسميه بصير غيرانه منها حياه بتمل وبحاول دايما افهم زوجي اني ما بغار منها بس عالفاضي طول ما انا واياها بعاد عن بعض ازا انا بغار منها كرهتها من ورا زوجي رغم اني بحياتي ما كرهت حدى ولا عملت لي شي يخليني اكرهه بس زوجي بدو اياني احبها بالغصب
شو الحل يا بنات مشان الله