ساعدوني مالحقت اتهنى

السلام عليكم انا سرلي موقف مع خطيبي انو انا قبل الملكه شفت رسايل في جوالو مع بنت وهوا راسلها كمان واتصالات قلت يمكن بعد الملكه بتغير وفعلا بعد الملكه ماشفت شي صح في اتصالات بس هوا سار مايرد ولا يرسل حتى..... لكن يوم الخميس جاني لانو انا مملكه ليا 6شهور ومسكت جوالو ولقيت رسايل منو ومنها وبس انا مقدرت اسكت واتحمل واتكلمت ع الي شفتو بس اتكلمت على الرساله الي شفتها الخميس لكن الي قبل الملكه ماتكلمت عليه وجلس يفسرلي انو الاتصالات والرسايل مو له لصاحبو لانو متورط وهوا جالس يساعدو انا انا ماقصرت ف الكلام معاه وعلى فكره يحبني وهوا الي اختارني يقلي والله انا ماخونك ولا عمرى خنتك انا غلط ودا سوء تصرف مني ولكي انو اغير رقمي واكلم صاحبي واقلو خلاص انا ماليا شغل فيك وبس بعدين اتغير الموضوع طبعا مو على طول بعد كم ساعه بس انا مابغى اطول عليكم وبعدين هوا راح بيتهم وانا لمن جيت انا ماقدرت كانو الشي سار دوبو وحالتي النفسيه سيئه لا اكل ولا نوم من يوم الخميس الين دحين وكلمني الجمعه وقلي خلاص كلمت الولد بس انا مو قادره انسي رجعت اتكلمت معاه وقسيت عليه بالكلام الين قلي انا احبك وانتى عزوتي وسندي وام عيالي بس انا انصدمت ماتوقعت وغير كده مو مصدقه حاسه ان المكالمات له بس انا قلتلو انا مو زي اول معاك اتلهف اتصل عليك او ارد عليك فزعل قال انا نفس الشخص ماتغيرت عنك واحبك فقولي انو ان شاء الله انك تتغير وتصير احسن بس انا كل ماشفت اسمو ولاصورتو افتكر على طول والين اليوم ماتصل وهو بالعاده يغيب 3 او 4 ايام عشان نشتاق بس انا احس نفس مو زي اول حابو انو اتصل عليه ولا افرح انو يتصل بس انا ابغى طريقة تصرف معاه مو انو نسيب بعض لانو يحبني وهوا الي اختارني وشخصيتو يخاف الله بس مدري ايش الي سار هوا منو ولا صح صاحبو الله واعلم انا مو فارقه معايا البنت له لصاحبو المهم انو هوا كلم بنت