ساعدوني محتاجة لكم يالفراشات فرجو كربتي ان شاءالله ربنا يفرج كربتكم

1. انا نفسيتي تعبت ,, مو عارفه ا ستقر على وضع طبيعي يريحني ويريحه ,,


2. ,, انا عارفه انها غلطتي مو غلطته ,,


3. الله يخليكم ساعدوني لأني تعبت صار هو شغلي الشاغل ..

السلام عليكم ورحمة الله وبركاته
انا عضوة جديدة ..واتمنى انك تعتبروني اختكم .. ومن كثر ما كنت اقرا في منتدياتكم وقد ايش قلوبكم على بعض وتساعدو بعض حبيت اني اشترك معاكم وياليت تقدرو تساعدوني
بصراحه مو عارفه كيف ابدأ بس راح ااتكلم بصراحه كل شي مضايقني وبعتبركم اهلي هنا في المنتدى وتساعدوني بنصايحكم ,,
انا مخطوبه ليا خمس سنين وهو مسافر يدرس بالخارج,, وانا الحمدلله احب خطيبي
بس مشكلتي احبه بجنون هو كمان يحبني وانا واثقه من الشيء هذا بس بصراحه مافي بيننا تفاهم ,,يعني لا انا قادره اكون زي مايبغى ,, ولا هو قادر يكون زي ما ابغى ,,
احنا دايما تصير بيننا مشاكل وتنحل الحمدلله وتمسكنا في بعض مع انها كانت بتوصل للفراق ,, هي ماكانت مشكله واضحه بس صار تنافر غريب بيننا ,, بعدها رجعنا الحمدلله احسن من قبل ,, بس مشكلتي صرت اخاف يتكرر اللي صار معانا من قبل ,,
يعني هوا احسه يحب اكون ثقيله وما اتصل كثير يحب هو يجري ورايا ويدور رضايا ,,
بس انا اخاف وربي اخاف كل ما احاول اثقل عليه اخاف يصير شي ....المشاكل اللي وقعنا فيها قبل هزت فيني ثقتي ,,صرت اغار عليه بجنون
اشتاقله بجنون ,, ابغاه رايق وراضي طول الوقت.. حتى لمن مايرد عليا بنفس احسه ما صار يحبني
ماحبه لما يطفش او يكون زعلان ابغاه احسن انه يشتاق ليا ويدور عليا وابغاه ينبسط لمن يسمع صوتي ...احسه صار بس يبغى يبعد عني انا عارفه اني غلطانه في قربي الزايد منه ,, بس والله العظيم لأني احبه ماقدر لما يمر كم ساعه مايتصل انجن واجلس اتصل الين يرد ,,

انا نفسيتي تعبت ,, مو عارفه ا ستقر على وضع طبيعي يريحني ويريحه ,,

,, انا عارفه انها غلطتي مو غلطته ,,

هو احسه يحبني اكون فرفوشه وامزح واضحك اوقات اكون كذا بس اوقات اتجنن واصير بس اسأله وين رحت واش سويت ومن كلمت ,ودايما ازعل , اذا تأخر او زعل اخاف احس انه خلاص بيتركني ..,, ويدور غيري .... اذا طنشته ومارديت عليه ما احسه يدور بلهفة و ممكن يمر يوم ما يتصل ... دايما اقله ليش انت تعاملني كذا ... يقول مشغوول ... انا عاذرته بس برضو الدقايق من يومه ماراح تتاثر لو اتصل عليا
.صرت اخاف لاتوظفت وانشغل عنه يدور غيري ابغاه دايما يكون جنبي ...ابغى اكون اهم انسانه بحياته'

الله يخليكم ساعدوني لأني تعبت صار هو شغلي الشاغل ..

نفسي اكون قويه واسيطر على مشاعري وعواطفي ,, ابي اعيش انسانه طبيعيه وابي احس انه يحبني اكثر مما احبه
ويتجنن على سماع صوتي ويتلهف عليا و وكمان ابغاه اذا ما كلمته تتعفس عليه الدنيا .......دلوني وريحوني قولولي على خطوات واحد اثنين ثلاثة ةهكذا .. اسويها وتكون فعاله وما يطفش ويتركني و يتغير ويكون يسال عني ويدورلي ويشتاقلي ...انا ما اقدر اعيش من دونه ...هوا طول الوقت مشغول ...ابغاه يحس فيني حتى لمن يكون مشغول
شكرا اختكم الحزينة