ساعدوني محتاجه لكم يابنات ياعرايس الصيف هذا وصيف العام

بسم الله الرحمن الرحيم
السلام عليكم
كيف الصبايا !
أولاً:- أسأل الله العظيم أن يوفق كل من دخلت الى موضوعي ويرزقها بالفردوس الأعلى
ثانياً:-
لا أريد ان اطيل كثيرا عليكم ولكن مضطرة ابين وضعي واسأل المولى أن ينفعني بكم وينفعكم بي
انا متملكه وإلى الان ماأخذت المهر فما جهزت نهائيا لكن حاولت هاليومين أن أدخل على مواضيع ومنتديات واشوف وش اجهز ومن هالكلام
المشكلة اني مااهتميت بنفسي نهائيا
الشعر دخلت على موضوع الملكه والحمدلله نصحتني ولاحظت تحسن 5% الله يوفقها ويجزاها الف خير
البشره كنت اعالج بروكوتان لمدة سنة وزيادة وتركتها ورجعت الحبوب صح اخف لكن رجعت وباقي عندي آثار
اللون مش موحد لاوجهي ولاجسمي وطبعا مايبيلها عندي علامات الجودة السعودية
طبعا الهالات السوداء والسواد اللي في وفي وفي وفي و........إلخ والاظافر والتشققات والاقدام اللي تهبل والاسنان والشفايف والجفاف والرؤؤس السوداء
كذلك ماني دبا ولانحيفه حيل لكن عندي تشققات بيضاء لاني اسمن وارجع انحف وكذلك سولوليت برغم اني وزني مثالي وشكلي نحيف او مائل لنحف غير كذا احس الجسم ماهو مشدود والكرشة المحترمة اللي رازه قدامي
المشكلة زواجي تقريبا ببداية الصيفية على كلامهم والحين احنا شهر 2 وماقدامي الا كم من شهر يمكن تتعالج او تخف هالمشاكل عندي لكن المصيبه انني طالبة جامعية ودراستي يابنات مره مره مره صعبة جدا وما الاقي الوقت اللي انام فيه او حتى اقعد مع اهلي فكيف الاقي وقت اهتم في نفسي
لكن اسأل الله ان يوفقني ويبارك لي في وقتي ويسهل امري ويسهل دراستي وتتيسر الامور
لكن عشمي فيكم كل وحده عندها جدول تساعدني فيه
ابي اشياء مضمونة مثلا خلطات طبيعية تفيدني فيها وماتاخذ وقت ومكوناتها تكون سهلة بس مجربة ونتائج واضحة مابي اتركها الا راجعه اردى من قبل حتى لو مكوناتها صعبة معليش بس النتيجه المهمة
او تدلني على دكتورة جلدية بالرياض ممتازة ماابيها تتلاعب معي بخرابيط ولاقرب الزواج عطتني المفيد
مراكز لشعر لبشرة أي شئ مفيد دلوني عليه
بنات الله يخليكم لعين ترجيكم والله يوفقكم الله يسعدكم دنيا وآخرة دلوني محتاجتكم ماتدرون كيف شكلي
بنات انتم تعرفون عروس الكل بيطالع فيك فكيف الشكل هذا يكون عروسه وتعرفون الحين الرجال مصيبه
اذكر قصة وحدة في يوم ملكتها ضحكت مع زوجها قام قالها ورى اسنانك صفر تخيلو الموقف واللي يقول مافيكي رموش تخيلو دققو في اشياء (( خلوها على الله ))
اخاف بكره يقول لي وش فيك زين بالله عليك
اللهم اخفي عيوبي عنه واخفي عيوبه عني اللهم سخر لنا ازواجنا وسخرنا لهم واجمع بيننا بخير يارحمان
بنات اللي تزوجو الصيف الماضي والعرايس الحين شنو جدولكم شلون قاعدين تهتمون وش النتائج اللي حصلتو عليها
أي وحده كانت تعاني من واحد من الاشياء اللي اعانيها وتشافت تدلني وتقول لي وش سوت بنات محتاجه لكم والله اعلم
صدقوني لو ماني محتاجة ماكتبت موضوعي ولا ووصفت شكلي بهالمنتدى وعرضت مشاكلي
والله يوفقك كل من ترد علي ويسعدها مع زوجها ويسخر زوجها لها ويسهل امرها ويرزقها بالذرية الصالحة يارحمان
انتظركم باحر من الجمر بنات ماعندي غير هالاسبوع اجمع افكاركم لان الاسبوع الجاي جامعة وجداول وخربطة واللي بعدها دراسة ودوام لين العصر واللي بعدها واجبات مشاريع اختبارات وامسكي لين نهاية الترم وكل ماقرب الترم ينتهي زاد القلق وتجميع الدرجات وكل ماله زاد الامر سوء