ساعدوني وربي مهمومه وابكي من زوجي

السلام عليكم
اخواتي وحبيباتي الفراشات كم مره ادخل المنتدى واطرح مشاكلي وتعطوني حلها ولا تخففون معاناتي
انا بعد شقاء تزوجت لاني احب ولد عمي ويحبني
وعمري 17 وعمره 23
وسكنت بجده واهلي بتبوك مع العلم ان 3شوال بكمل شهرين من الزواج
مشكلتي زوجي
وربي اكتب لكم وانا ابكي ومنهاره
زوجي مشكلته والله مدري بس اني مهمومه
ابي اشوف اهلي كل شوي يصير ظرف ومقدر اشوفهم
واليوم كنت مستعده اروح وحشوني مره
واخوي الصغير كل ما يشوف صوري يقول هذي حبيبتي انا احبها
وعمره سنتين
فديتهم وحشوني
وتعبت
كل ليلة اتهاوش معاه
اما ع الملابس لان الغساله خربانه
بس تغسل قطعه وحده
فاغسل كل يوم قطعه قطعه
وامس فرحانه خلصت الغسيل
ونسيت ملابسي طلع عند اهله ودق لي قالي تعالي كلمته قلت له ما عندي ملابس
هزئني
وزعل مني
ونزل البيت وقفل ع نفسه
والحين يوم جيت اروح لاهلي ومستعده وقالو لي تعالي باتي عندنا وافق زوجي بشرط يوديني السواق واخوه واخته معه عشان برا البيت
وبعد ما نزلت واتجهزت يتصل يقولي يوم ثاني
السواق مشغول
تحطمت ومقدرت اقول طيب غير بالصعوبه
والله حرام هو كل يوم يشوف اهله وانا لا اهلي عتبانين عليا
واخوي الصغير مريض
تعبت ما اقدر اتفاهم معاه ابي اطلق منه
اش اسوي يحطم يحطم
وادا شافني ابكي ولا بغيت ابكي يقولي ابكي ابكي لين ما انقهر وانفجر واجلس ابكي ويضحك وياخدني بحضنه
هدا غير اني ما اشوفه يصحى 3 عصر ويجي 3 او 2 او1 فجر
عشان دوامه وبعدها بروح محلاته
وادا جا يجي يتفرج مباريات ولا يلعب بلاستيشن اقوله اجلس معي يقول انا جالس معاك واجلس اكلمه ما ينتبه لي
واخلص اشغالي اجي اجلس بحضنه يقول قومي قومي تحمست اللعب الحين خطير هذي النهائيات وباخد الكأس قمت ورحت غرفتي ابكي الفجر وما جا وعبرني جا وحط بيني وبينه مخده ونام س 10
بالله هدي عيشه
انا مقهوره ادا جات المدارس ما بشوفه
غير وقت النوم عشان عمله وجامعته بس اش اسوي ولا اشوف اهلي والله باهلوس لو طولت ع ذا الحال
تكفون ساعدوني وربي انه يحبني بس يقول تصرفاتك ما تعجبني
اش اسوي طلبتكم فزعتكم
خففو عني ما عندي غيركم
وادعولي اشوف اهلي قبل لا يسافروا لانهم لو سافروا ما بشوفه غير باجازه الربيع من غير شر